Bu metodikanın köməyi ilə diqqətin məhsuldarlığı, dayanıqlığı, paylanması və keçirilməsi kimi xüsusiyyətləri qiymətləndirmək mümkündür. Bunun üçün sizə müxtəlif üsullarla hərflərin üstündən xətt çəkmək tapşırığı verilir. Eksperimentin başlanğıcında sınanılan şəxslər aşağıdakı təlimatla tanış edilirlər:
Sizin qarşınızda sətirlər üzrə təsadüfi hərflər yığını olan blank qoyulmuşdur. Beş dəqiqə ərzində siz aşağıdakı tpşırığı yerinə yetirməlisiniz:
Birinci dəqiqə ərzində siz bu blankda – “V” və “İ” hərflərini axtarıb tapmalı, onların üstündən xətt çəkməli;
Ikinci dəqiqə ərzində həmin blankda digər iki hərfin “S” və “K” hərflərinin üstündən başqa cür xətt çəkməli;
Üçüncü dəqiqə ərzində yenidən birinci tapşırığın icrasına qayıtmalı;
Dördüncü dəqiqədə ikinci tapşırığın icrasını davam etdirməli, bu qayda ilə beşinci dəqiqənin sonunadək davam etməlisiniz.
Hər dəqiqənin sonunda sizə “xətt çəkin” komandası veriləcəkdir. Bu o deməkdir ki, siz qaldığınız sətirdə üfiqi xətt çəkir, yeni komanda veriləndə işi qaldığınız yerdən davam etdirirsiniz. Diaqnostik eksperimentn sonunda, yəni beş dəqiqə başa çatdıqdan sonra sizə yekunlaşdırıcı “Dayanın!” komandası veriləcək, bu halda siz işi dayandırır, qaldığınız sətirdə iki üfiqi xətt çəkirsiniz.
