Kuvanova Shahnoza Omonovna nemis tili fanidan mukammal qo‘llanma

8///////////9.9 Sifat darajalari
( Die Steigerungsstufen der Adjektive)

Nemis tilida sifatlarning uch darajasi bor.

1.Oddiy daraja (der Positiv)
2.Qiyosiy daraja (der Komparativ)
3.Orttirma daraja (der Superlativ)
1. Oddiy darajada bir predmetdagi belgi boshqa predmetdagi ayni shu belgiga qiyos qilinmay, to‘g‘ridan – to‘g‘ri anglatiladi. Oddiy darajadan sifatning qolgan darajalari yasaladi.Oddiy darajada ham bir predmetdagi belgi ikkinchi bir predmetdagi belgi bilan qiyos etilishi mumkin.Bunday chog‘ishtirishda har ikkala predmetdagi belgi ham bir xil bo‘ladi va gapda wie, so…wie, ebenso…wie, genauso…wie kabi bog‘lovchilar qo‘llanadi.
Dieses Zimmer ist so groβ wie jenes.
Bu xona unisidek katta.
1.Qiyosiy darajada ikki predmetdagi belgi bir- biri bilan chog‘ishtiriladi, ya’ni bir predmetdagi biror belgining ikkinchisidan bir oz ortiq yoki
kamligini ko‘rsatiladi.Qiyosiy daraja oddiy darajadagi sifatga –er (roq) qo‘shimchasini qo‘shish bilan yasaladi va gapda als (dan,qaraganda,nisbatan) so‘zi ishlatiladi.
Er ist fleißiger als sein Bruder.
U akasiga qaraganda tirishqoqroq.
2. Orttirma daraja - predmetdagi biror belgining boshqa barcha predmetlardan ortiqligini yoki kamligini ko‘rsatadi.Bu daraja ikki shakl: o‘zgaradigan va o‘zgarmaydigan shakllarga ega.O‘zgarmaydigan orttirma daraja oddiy darajadagi sifatga –sten qo‘shimchasini qo‘shish va sifat oldidan am predlogi qo‘yish bilan yasaladi.U har doim otdan keyin keladi, rod va sonda o‘zgarmaydi.U gapning oxirida doim kesim bo‘lib keladi.
Dieses Bild ist am schönsten.
Bu rasm eng chiroylisi.
O‘zgaradigan orttirma daraja sifatga –st qo‘shimchasini qo‘shish bilan yasaladi, bunday holatda sifat oldidan aniq artikl keladi va ular sifatlarning kuchsiz turlanishidek turlanadi.Aniqlovchi bo‘lib kelgan sifat aniqlanmish otning rodi,kelishigi va soniga qarab,tegishli artikl qo‘shimchalarini oladi. Demak,u ot bilan rodda, sonda va kelishikda moslashadi.
Dieses Bild ist das schönste.
Bu rasm eng chiroylisi.
O‘zgaradigan orttirma daraja ko‘pincha gapning o‘rtasida keladi, shuning uchun ham u ot bilan rodda, sonda va kelishikda moslashadi.
Dieser Student ist der beste in unserer Gruppe.
O‘zagida a,o,u unlilari bo‘lgan sifatlar qiyosiy va orttirma darajalarda odatda umlaut oladi.