538) Nazik bağırsaqda zülalların parçalanmasını katalizə edən fermentlərə hansılar aiddir?
A) Amilaza
B) Rennin
C) Ximotripsin
D) Ximozin
E) Laktaza
Nazik bağırsaqda polipeptidlər və həzm olunmamış zülallar mədəaltı vəzin və nazik bağırsağın selikli qişasının fermentləri təsirindən hidrolizə uğrayırlar. Bu fermentlərə tripsin, ximotripsin, amino- və karboksipeptidazalar, di-, tri- və tetrapeptidazalar aiddir. Onlar nazik bağırsağın zəif qələvi mühitində (pH=7,8-8,2) maksimal aktivlik göstərirlər.
Ədəbiyyat: М.В.Ермолаев, Л.П.Ильичева. Биологическая химия. «Медицина», 1989 стр.181
539) Yoğun bağırsaqda zülalların çürüməsi zamanı əmələ gələn zəhərli maddə hansıdır?
A) Prolin
B) Rennin
C) Lizin
D) Kadaverin
E) Qlutamin
Aminturşuların və zülalların yoğun bağırsaqda parçalanması prosesi (yəni çürüməsi) orada olan mikroorqanizmlərin fermentlərinin təsirindən baş verir. Bu zaman kadaverin, fenol, krezol, skatol və s. toksiki maddələr əmələ gəlir. Bu maddələr bağırsağın divarından sorulur və qapı venası vasitəsilə qaraciyərə çatdırılır və orada zərərsizləşdirilir.
Ədəbiyyat: М.В.Ермолаев, Л.П.Ильичева. Биологическая химия. «Медицина», 1989 стр.183
540) Albuminlər hansı maddələrin zərərsizləşməsində və daşınmasında iştirak edirlər?
A) Fenolun
B) Kadaverinin
C) Krezolun
D) Skatolun
E) Bilirubinin
Albuminlər yağ turşularının, xolesterinin, bilirubinin, dərman maddələrinin zərərsizləşməsində və daşınmasında iştirak edirlər. Albuminlər bu maddələr ilə suda həll olan komplekslər əmələ gətirirlər.
Ədəbiyyat: М.В.Ермолаев, Л.П.Ильичева. Биологическая химия. «Медицина», 1989 стр.192-193
Dostları ilə paylaş: |
