laboratoriya ishi Laboratoriyada tajriba olib borish tartibi. Texnika xavfsizligi qoidalari. Laboratoriyada ishlash tartibi( soat)

Tajriba olib borishda ko`riladigan ehtiyot choralari
Kimyoviy laboratoriyalarda olib boriladigan ishlar va qo’llaniladigan reaktivlar kishi organizmi uchun ma’lum darajada zararlidir. Shuning uchun laboratoriyada ishlaganda quyidagi ehtiyot choralari qoidalariga amal qilish kerak:
1. Zararli va qo’lansa hidli moddalar bilan qilinadigan tajribalarni mo’rili shkafda bajaring.
2. Ajralib chiqayotgan gazlarni yaqindan turib hidlamang. Agar gazni hidlash lozim bo’lsa, ehtiyot bo’lib, havoni qo’lingiz bilan idish og’zidan o’zingiz tomon ohista yelpib, hidlang.
3. Kuchli kislotalarni ayniqsa konsentrlangan sulfat kislotani suyultirishda suvni kislotaga quymasdan, kislotani suvga idish devori orqali jildiratib ohista quying.
4. Reaktivlarni quyganda ular yuzingizga yoki qo’lingizga sachramasin.
5. Suyuqlik qizdirilayotganda uning holatini kuzatish uchun idish ustiga engashib qaramang. Chunki suyuqlik birdan sachrab ketishi mumkin.
6. Probirkaga biror modda, ayniqsa, suyuq holdagi modda solib qizdirayotganingizda uning og’zini o’zingizga yoki yoningizda turgan kishiga qaratmang.
7. Ko’z va qo’lingizga biror kimyoviy modda sachrasa zararlangan joyni darxol suv bilan yuvib tashlang.
8. Yonuvchi gazlarni havo bilan aralashmasi portlovchi bo’ladi. Shuning uchun vodorod va shunga o’xshash gazlarni yoqishdan oldin ularning tozaligini sinab ko’rish kerak.
9. Simob va uning bug’i o’ta zararlidir. U bilan ishlaganda juda ehtiyot bo’lish lozim.
10. Simob va shunga o’xshash zaharli moddalar bilan ishlagandan so’ng albatta qo’lingizni yuvishni unutmang.
11. Suvli eritmalar va umuman suyuqliklarning mazasini tatib ko’rish qat’iy man etiladi.
12. Oson o’t oluvchi moddalar bilan qilinadigan tajribalarni o’tdan uzoqroqda yoki maxsus mo’rili shkafda olib borish lozim.
13. Benzin, spirt, efirlar bilan ihlayotganda o’t chiqib qolsa hech vaqt suv bilan o’chirishga urinmang. Bunday alangani qum sepib yoki maxsus vositalar yordamida o’chirish lozim. Ularni o’tga yaqin keltirish yoki ochiq alangada isitish mumkin emas.
14. Terining biror joyi kuyib qolsa, u yerni kaliy permanganatning kuchsiz eritmasi bilan ho’llang va tegishli surkama moydan surkang. So’ng albatta vrachga murojaat qiling.
15. Laboratoriya mashg’uloti tugagach, ish stolini tartibga solish, gaz va vodoprovod jumragini berkligini hamda elektr asboblarini o’chirilganligini albatta tekshirishni unutmang.