Laugagayo Bukana Fafaluwagana Liba Bwaꞌibwaꞌina yo Fafamahatana



Yüklə 76.29 Kb.
PDF просмотр
tarix09.02.2017
ölçüsü76.29 Kb.

- Diutelonomi 4:1

1

- Diutelonomi 4:2



Diutelonomi

Laugagayo Bukana Fafaluwagana



Liba Bwaꞌibwaꞌina yo Fafamahatana:

Buka ganahewana yai te, mate Isalaela dodogadi bena

sa lau Kanana Nuꞌuna be tanohina sa abi.

Mose


mate, Yaubada haꞌa ya laugagayoꞌen tabu i luhulau

Kanana nuꞌuna ganahewana.

Isalaela dodogadi ya

fatalaha nonohaidi, bena haba sa lau.

Yaubada ya

fanuwa hitinidi sidohana Idipi yai haꞌa ya foyahidim yo

sidohana nuꞌu pitapitalina yai ya ita watandi. Ya fal-

iba fuyoꞌidi sidohana haba sa lau Nuꞌuna ni mate bena ena

liba sa awa abiyen komakoman. Giliki alinadi yai Buka te

hesana mate “Diutelonomi” na aniyona mate “Laugagayo

Fafaluwagana” paꞌana Mose, Yaubada ena laugagayo ya

uli bodaidi. Yo dede haisa buka yai te mate fafalihu,

in moho laugagayo mate haꞌa Auꞌaulaha yo Lewitikusi

yai Mose haꞌa ya ulidi. Ite hige laugagayo falifalihudi e

laugagayo hahaisa.

4

Mose, Isalaela ya Falibadi bena sa Awaꞌabi



Diutelonomi 4:1-2, 6-8

1

Habahim Mose Isalaela dodogadi ya falibadi, iyen,



Au ataꞌatahi komakoman! Laugagayo mahudoꞌidi E

fatalahamiu, bena ami lau watanidi haba ami miya lo-

falofa yo ami lau somo yai tanohi Gu au afa wahamiu

edi Yaubada ya feledi, aiꞌedi, ami abi, enehemiu.

2

Laugagayo, yau haꞌa E felemiu, tabu hagahagana au



tole lawen, o laꞌi au kam fahi. Gu au ena Laugagayo E

felemiu moho, au lau watanidi.



- Diutelonomi 4:6

2

- Diutelonomi 4:40



6

Laugagayo te au lau watan komakomanidi, be haba

nuꞌu hahaisa dodogadi, emi nuwatuhu loholohona

yo emi sibasiba sa ita lobahidi. Yena laugagayodi

sa atahiyedi, haba tiyen, “Moꞌisa, Isalaela mate nuꞌu

laꞌilaꞌi yo dodogadi sa sibasiba yo edi nuwatuhu sa

loholoho.”

7

Hige nuꞌu hesa laꞌilaꞌi ena yaubada sadaidi



doha ita. In moho, Gu au eda Yaubada mate sadaida

yai, na yena te anꞌetai haba ya saguhida.

8

Laugagayodi,



aho te, E felemiu mate, sa dudulai yo sa loholoho. Hige

nuꞌu hesa laꞌina doha somo, ena laugagayo doha ite.



Gu au mate Yaubada

Diutelonomi 4:32-34, 39-40

Mose ya liba hinaga iyen,

32-34

Gu au emi Yaubada hige doha yaubada hahaisa.



Idipi yai ena adidili yai ya foyahimiu, be ya lau itamiu.

Noꞌo ginaulidi yo fafaꞌilala ya lau ginauli matamiu yai.

Debamiu yai, Idipi ya hiyalaidi be kamkamna laꞌilaꞌi

sa fahoina. Ya abimiu, be ami famala ena dodoga,

be fuyana Sainai Tuꞌana yai oyagi ya ala balebalelem

ganahewana yai ya falibamiu. Haꞌa ami atahi, na hige

au peꞌi!

Ginauli doha ite, beyabeyana ya tubu, e higeꞌe?

Higeꞌe!

Fuyana Gu au ena fuya bwaꞌibwaꞌina



dodoga ya ginaulidi tanoꞌubu yai, haga au nuwatuhui.

Tanoꞌubu mahudoꞌina au yoꞌoi! Hige yaubada hesa,

ginaulidi doha ite i ginaulidi.

39

Aho te, bena wa nuwatuhui mate, Gu au in



Yaubada galewa hewa wananahana yai yo tanoꞌubu yai.

Hige Yaubada hesa.

40

Ena laugagayo E felemiu, aho te,



bena ami lau watanidi, be haba umi yo laulauwewemiu

ami miya loholoho yo emi miya ya lofa, nuꞌu, Gu au

emi Yaubada ya felemiu ai lisina ee–, hige anadan.


- Diutelonomi 6:4

3

- Diutelonomi 7:4



6

Gu au emi Yaubada au Fanuha

Diutelonomi 6:4-7

Habahim, Mose ya libalau dodoga lisidi, iyen,

4

Isalaela, au ataꞌatahi! Gu au eda Yaubada, in



iyabona mate Gu au!

5

Ma nuwamiu, yo yaluwamiu ma ofi fahidi, yo ma



adidilimiu.

Gu au emi Yaubada au gadosisiyen.



(Maleko 12:29-30)

6

Laugagayodi, E fafalibamiu, aho te, bena ami



nuwatuhu didinidi.

7

Nanatumiu bena ami fatalahadi:



Yena emi ai luma, ami taꞌataꞌai, yo edaꞌeda yai ami

laulau, e ami laulau eno, yo yena ami eno obiyo, bena

fuya ouꞌouli, ami fafanuwa hitinidi.*

7

Gu au, Nuꞌu Hahaisa Dodogadi ya Weꞌaidi



Diutelonomi 7:1-11

1

Mose ya libalau lisidi hinaga, iyen,



Fuyana tanohi bena ami abi, Gu au emi Yaubada ya

lawemiu niya, haba nuꞌudi faligigi-luwaga dodogadi ya

lawe hudoꞌiyedi ai nuwanuwamiu. Hesadi mate: Hiti,

Giligasi, Amoli, Kanana, Pelisi, Hiwi, yo Diyebusi. Iti sa

ouli yo sa adidili wananaha, habahim umi.

(Aba Fatubu

15:21)

2

Fuyana ya biya afuledi nimamiu yai, be ami



lei hafihafitidi mate, bena ami wunu faꞌofidi; tabu au

nuwatohatohaedi, yo tabu maidamiu yali au ginauli.

3

Umi tabu ainiya au nahi, yo nanatumiu tabu



au oi libaedi be ti faidi

4

paꞌana nanatumiu haba



sa foya ponolidi be, yaubada hahaisa sa fadebasaedi.

*

6:7 Libana ya faꞌadidili be nuwatuhana sa siba, yo sa famuli watan.



- Diutelonomi 7:5

4

- Diutelonomi 7:11



Na Gu au haba ya manabalaimiu, be haba feula

ya faheyaya ofimiu.

5

Doha ite haba ami ginauli



ai lisidi: Antalasam edi aba gabudi katakatandi ami

lubi lopalopadi, edi umeꞌehu fafatabudi sa faꞌobiyodi,

ami andem pidipidinidi habahim ami andem gisigisidi.

Edi yaubada waiwaihin, Asela, fafaꞌilalana duhudi, au

oi fagulidi, yo edi oitau taditadidi au angabuꞌidi.*

6

Paꞌana Gu au emi Yaubada haꞌa ya fatabumiu, bena



in, enehena.

Dodoga mahudoꞌidi tanoꞌubu yai te, umi iyabomiu

moho ya fasinabomiu, be ena dodoga.

7

Tanoꞌubu yai te, umi hige au ouli. In moho,



Gu au ya gadosisiꞌemiu yo ya fasinabomiu.

8

Ya



gadosisiꞌemiu yo ya fanuha bena somo haꞌa ya

liba fasunuma afa wahamiu lebedi yai, ya fawananaha.

Sa lau fayofayoꞌemiu Idipi edi kin lisina yai. In moho,

Gu au ena gigibwali yai ya abi fafuyomiu.

9

Bena ami siba wananaha mate, Gu au emi



Yaubada, in iyabona Yaubada.

Fuya ouꞌouli ena

angwala wahawahadi lisidi yai haba ya fafawananahadi,

yo ya gadosisiyemiu be nimana didigana yai,

lau fayofayo yai ya abifahimiu Kin Falo ena gigibwali

yai.


10

In moho salumadi sa ꞌwaiꞌwaiyoꞌoꞌen, ibege i

nuwa sahafuwedi, na haba ya faheyayadi.

(Auꞌaulaha

19; 20)

11

Logena, aho te, somo ꞌe fatalahamiu, laugagayodi,



ami famuli watanidi.

8

Yaubada ena Foyafoyahimiu au Nuwatuhui



Diutelonomi 8:2-3

*

7:5 Umeꞌehu lolofa, sa bono doha duhu.



- Diutelonomi 8:2

5

- Diutelonomi 8:15



2

Au nuwatuhui sidohana Gu au emi Yaubada eda

lofalofa yai ena foyafoyahimiu nuꞌu pitapitalina yai,

bolima 40 mulidi yai. Ya nuwa lidilidiyemiu yo ya

lau itamiu, be haba emi nuwanuwatuhu ya sibaidi. Ena

laugagayo haba ami lau watanidi, e higeꞌe?

3

Ya faꞌanguliyammiu be haba ami nuwa lidilidi.



Habahim, mena yai ya fakalahemiu.

Mena te,


beyabeyana ma afa wahamiu hige au sibai, be hige au

anꞌanniꞌi.*



(Auꞌaulaha 16:15)

Doha ite ya ginauli, paꞌana bena ya fatalahamiu, mate

dodoga ibege anꞌan ai lisina ibona ti mwahumwahuli,

na Gu au ena liba moho, ai lisina haba sa mwahuli.



(Matiu 4:4; Luka 4:4)

Gu au Tabu au Nuwa Afulen

Diutelonomi 8:11-18

11

Au itaꞌita komakoman!



Tabu Gu au emi Yaubada au nuwa afulen,

na tabu ena laugagayo somo E falibamiu lahai ite,

au nuwa afuledi.

12

Yena ami andan be bogamiu sa yahayaha,



yo luma loholohodi ami lau ginauli be ami gogoidi.

13

Yo yena emi bulumakau, gouti, sipi,



emi siluba yo gole sa ouli wananaha,

yo ginauli mahudoꞌina lisimiu yai, sa ouli heyaya,

14

au itaꞌita komakoman! Nuwa saesae ibe i tanuwa-



gaimiu,

be Gu au emi Yaubada au nuwa afulen.

In logena, Idipi nuꞌuna yai ya foyahimiu,

yo lau fayofayo yai, ya fofofahimiu.

15

Tabu au nuwa afulen!



*

8:3 Mena mate Isalaela adi kalahe Gu au ya feledi nuꞌu pitapitalina yai.

Hebelu alinadi yai, mena aniyona mate “Ite somo?”


- Diutelonomi 8:16

6

- Diutelonomi 11:28



Ya foya lawemiu nuꞌu laꞌilaꞌina pitapitalina fatau

ꞌwasaꞌwasabuna yai.

Amainiya mate weso anꞌanlewadi yo kalanadenade.

Nuꞌuna ya fagado magu, hige hoꞌowa!

In moho, Gu au umeꞌehu yai hoꞌowa ya fadidiyama.

(Namba 20:11)

16

Ya fakalahemiu mena yai, nuꞌu pitapitalina yai.



Mena te beyabeyana afa wahamiu hige ti anꞌan-

niꞌi. Gu au doha ite ya ginauli lisimiu yai; ya

nuwa lidilidiyemiu yo bena ya lau itamiu, be ai ofiꞌofina

haba loholoho ya leyawa lisimiu.

17

Haba auwen,



“Egu gigibwali yo egu adidili yai, egu gogo E fatubudi.”

18

In moho, Gu au emi Yaubada au nuwatuhui



paꞌana In, logena, ya faꞌadidilimiu be emi gogo ami

fatubudi. Yo fede, ena yali ya fawananaha lisimiu yai,

doha haꞌa ya fawananaha afa wahamiu lisidi yai.

11

Laugagayodi te au Nuwanuwatuhuidi.



Diutelonomi 11:18-19, 26-28, 32

18

Egu liba te ai nuwamiu au nuwanuwatuhudi. Yo



ai nimamiu yo debamiu au audi, ya famala fafaꞌilala.*

19

Nanatumiu bena ami fatalahadi: Emi ai luma, ami



taꞌataꞌai, yo edaꞌeda yai ami laulau, e emi aba eno

yai, yo yena ami eno obiyo, mate bena mahudoꞌidi ami

fafanuwa hitinidi.

(Diutelonomi 6:7)

26

Au ita! Aho te, nuwatuhu luwaga E felemiu:



Loholoho e kaumanana au abi.

27

Aho te, Gu au



emi Yaubada ena laugagayo E felemiu. Yena ami

lau watan, haba ena loholoho ya felemiu.

28

Yena hige



*

11:18 Lausoisoi 18 libadi aniyodi mate bena Yaubada ena laugagayo sa

lau watan komakomanidi.


- Diutelonomi 11:32

7

- Diutelonomi 17:16



au lau watan, na ami timuli bui be yaubada hahaisa

beyabeyana hige au fadebasaedi, na aho ite ami fade-

basaedi haba ya kaumananaemiu.

32

Laugagayodi te, E felemiu, bena ami



lau watan komakomanidi.

12

Haba ami Dohe Aba Anyawasi Nu

ʼuna yai

Diutelonomi 12:9-10

9

Hola hige aba anyawasi nuꞌuna yai au mahano yo



emi ginauli Gu au emi Yaubada ya felemiu hige au

mahano lobahidi,

10

In moho, Diyodan Hoꞌowana haba



ami gayo dohe be tanohi Gu au emi Yaubada ya felemiu,

ainiya haba ami miya daumwali ai tanohina. Gu au haba

ya bobodiyemiu ami waiyunu ganahewadi yai.

17

Mose hola Isalaela ya fafatalahi.



Gu au, Kin ena Fuya Fasinabona.

Diutelonomi 17:14-20

Iyen,


14

Yena ami luhulau tanohi Gu au emi Yaubada ya

felemiu bena aiꞌemiu ami abi, yo ami gogoi, haba auwen,

“Nuꞌu hahaisa sadaida yai mate edi kin. Eda ta

faꞌobiyo. Haba ita doha iti.”

15

Na, kin sai Gu au emi Yaubada ya fasinabo ami



faꞌobiyo in bena hidamiu hesa ai ganahewamiu. Tabu

taꞌowawa hesa in hige Isalaela dogana au fasinabo.

16

Kin


te ibege hosi boludi aiꞌena i abidi e dodoga i fata-

mali fuyoꞌidi Idipi be hosi hahaisa ti abidi, paꞌana Gu au

emi Yaubada haꞌa ya falibamiu iyen,

Tabu au fuyo niya.



(1 Kin 4:26)

- Diutelonomi 17:17

8

- Diutelonomi 18:9-11



17

Tabu lalahuna ti ouli. Doꞌata ginauli te ya foya ponoli be

Gu au ya lau afulen. Yo tabu siluba yo gole boludi i abidi.

(1 Kin 11:14)

18

Ibe ya kin, bena laugagayo bukana te, sulu Lewi tau



antalasam lebedi yai ya leyama be, enehena, ya uli faꞌawa.

19

Laugagayo te bena ai sadaina yo bena ya fatifatilidi



fuya ouꞌouli haba ya anpate be Gu au ena Yaubada ya

faꞌatitiyen yo ena laugagayo ya lau watan komakomanidi.

20

Buka fatili yai haba ya nuwa lidilidi be afa haidana ibege



i ita fakiudi yo ibege i timuli bui, be laugagayo i lau afulen,

na i leu e i sae. Habahim in yo laulauwewena haba edi nuꞌu

sa tanuwagai ee–, hitina yo hitina.

18

Mose Isalaela ya liba fasibasibaidi, otana.



Abi Ginauli yo Ayahan

Diutelonomi 18:9-14

9-11


Yena ami lau tanohi Gu au emi Yaubada ya felemiu

ai lisina, tabu nuꞌudi ni edi laulau heyaheyayadi au

laulauwedi:

Tabu sai laꞌi, natuna i antalasamen ai oyagi alaꞌalana,

Tabu sai laꞌi, nesu itaꞌita i fapaisowadi be doga i fagilu

yo i fakasa.

Tabu sai laꞌi fafaꞌilala i fapaisowadi be somo haba ya

tubu ai fuya matada ena aba siba.*

Tabu sai laꞌi i ayahan e i kalawan.

Tabu sai laꞌi i abi ginauli,†

*

18:9-11 Tabu sai laꞌi ataiꞌa edi gwanegwane yai, yo nawanawa edi malamala



yai, yo kalele e dagugu ai tanaꞌai ti nuwatuhui bena fafaꞌilala hahaisa. Au

itaꞌita lau Diyemsi 4:13-15, “Yena Gu au ena nuwatuhu doha, haba ꞌe abi

doha ite, e doha mate,” hige doha fafaꞌilala moho.

18:9-11 Fafaꞌoyowa,



kaukauli, e gabu; waihin yo taumoho, pelei, aiheya, failako yo ginaulidi

hahaisa boludi.



- Diutelonomi 18:12

9

- Diutelonomi 18:20



Yo tabu sai laꞌi i lau dodoga peꞌipeꞌi lebedi, be i fatiꞌo lau

onaꞌahanadi lisidi.

12

Sai yena laulau te ya ginaulidi mate, sa



heyaya wananaha Gu au emi Yaubada lisina yai, be

laulau te, debadi yai haba Gu au emi Yaubada nuꞌu ni

dodogadi, ai nuwanuwamiu ya fageladi.

13

Tabu Yaubada somo hesa ai lisina i fagilumiu.



14

Dodogadi ni, sa ataꞌatahi lau, ayahan lebedi, yo fafaꞌi-

lala sa fapaisowadi be doga sa fagilu yo sa fakasa. In

moho, edi tanohi begana haba ami abi. Na Gu au emi

Yaubada ya laugagayoꞌemiu, be tabu bena edi laulau te,

au laulauwedi.



Yaubada Haba Peloweta Hesa ya Fatamaliyama

Diutelonomi 18:15-22

15

Gu au emi Yaubada haba peloweta hesa doha yau,



ai ganahewamiu ya faꞌobiyo; na bena ami ataꞌatahi lau

lebena.


(Paisowa 3:23; 7:37; Diyon 1:24)

16

Fuyana ami faꞌoigogo Holebi yai, Gu au emi Yaubada



ami anꞌanꞌetai doha ite, auwen,

Tabu Gu au ema Yaubada alinana ai atahi e oyagi

ala balebalelemna ai ita fuyo. Doꞌata ꞌe peꞌi!

(Auꞌaulaha

20:18-21; Hebelu 12:18-21)

17

Gu au, ya falibagu, iyen,



Somo sa libaen mate ya loholoho.

18

Peloweta hesa haba E faꞌobiyo doha um, hidamiu



hesa, ai ganahewamiu; ginauli mahudoꞌina E faliba

haba ai moꞌana ya falibamiu.

19

Gu au iyen,



In, haba ai hesagu, ya libaliba na yena sai hige i

lau watan, haba E panisi.



(Diyesuwa 2:19; Paisowa 18:6)

20

Yena peloweta hesa, in iyabona, hesagu yai ya



libaliba, na Yau hige ya faliba, bena sa wunui, yo

- Diutelonomi 18:21

10

- Diutelonomi 34:3



peloweta hesa yaubada hahaisa ai hesadi ya libaliba,

mate hinaga bena sa wunui.



(Paisowa 19:15-16)

21

Nuwana, ami nuwanuwatuhu, auwen,



Sidohana haba ꞌe siba mate, wasa te hige Gu au

lisina yai i laoma?

22

Yena peloweta Gu au ai hesana somo ya libaen, na



hige i tubu mate wasa ni, hige Gu au lisina yai i laoma.

Peloweta ni, iyabona ena nuwatuhu yai ya libaliba; tabu

au ꞌwasabuwen.

(Diutelonomi 13:1-5; Maleko 13:21; 1 Diyon

4:1)

31

Diyesuwa Mose ya Lau Fadamahi



Diutelonomi 31:7-8

7

Habahim Mose ya libalau be Diyesuwa ya laoma



Isalaela dodogadi matadi yai, na ya faliba iyen,

Tabu u ꞌwasabu. Bena wa adidili, paꞌana dodoga

te, haba ma afa haidam ami lau tanohi Gu au haꞌa ya

libaen bena afa wahamiu, enehedi, lebena be ganahe-

wadi yai tanohi bena wa daili hesa - hesa ena tefa wa

duwai, aiꞌena.

8

Gu au ya bwaꞌiyem, yo haba maꞌem.



In ibege i lau afulem. Tabu u ꞌwasabu yo nuwam i

belubelu.

34

Mose ena Fuya Peꞌi

Diutelonomi 34:1-12

1

Habahim Mowabi gonna yai, Mose Nebo Tuꞌana ya



finahe hasa, tupina hesana Pisiga hewana yai, na Diyeliko

mate, tefa yai. Amainiya, Gu au tanohi mahudoꞌina ya

faꞌita, Giliyada ya lau ee–, Dan,

2

yo Nafatali mahudoꞌina,



Efalaim, yo Manase Nuꞌudi ya lau Diuda tanohina ya

lau ee–, Gabogabo tefa leuleuna yai ya faꞌita.

3

Negebi


- Diutelonomi 34:4

11

- Diutelonomi 34:12



yo Diyeliko gonna, na Diyeliko hesana hesa mate Palam

Taonna* ya lau ee–, Sowa hinaga ya faꞌita.†

4

Habahim Gu au, Mose ya faliba iyen,



Tanohina, logena ite, fuyana E angwalaꞌen be

Abelaham, Isako yo Iyakobo E falibadi yawa, “Haba

laulauwewemiu E feledi.” Tanohina wa, ite E faꞌitam.

In moho ibege u lau niya.



(Namba 20:12)

5

Na Gu au ena tau paisowa Mose, Mowabi Nuꞌuna yai



ya peꞌi, doha haꞌa Gu au ya libaen.

6

Gu au Mowabi yai,



Mose ya boꞌusai na Beti Peo nuꞌuna, tefa yai. In moho

somo yai ya boꞌusai hige sai laꞌi i sibai ee–, aho ite.

7

Mose ena bolima handele-twenti, ma adidilina yo



matana hige ti gafu na ya peꞌi.

8

Isalaela dodogadi Mowabi gonna yai sa tantan yo sa



logo ee–, lahai 30.

9

Nun natuna Diyesuwa mate Yaluwa ya famohafu be



ya sonoga wananaha paꞌana Mose nimana ya tole hasaen

hewana yai. Logena Isalaela dodogadi sa ataꞌatahi lau

lisina. Somo haꞌa Gu au, Mose ya fatalaha mate sa

lau watanidi.‡



(Namba 27:18-19; Diyesuwa 1)

10

Aho te, hige peloweta hesa i obiyo Isalaela ganahe-



wadi yai doha Mose, Gu au ya siba wananahai yo maꞌena

sa faꞌawa efa.

11

Logena, Guyau, Mose ya fatamali lawen



Idipi be noꞌo yo fafaꞌilala ginaulidi ya lau ginauli Kin Falo

yo ena tau paisowa yo ena nuꞌu dodogadi matadi yai.

12

Logena, hige sai hesa gigibwali laꞌilaꞌina i fapaisowa



e laulau fatau didididigadi i lau ginauli doha Mose ya

lau ginauli, Isalaela dodogadi mahudoꞌidi matadi yai.

*

34:3 Palam te nenedi doha oil palm e lawalawa. In moho fuwana ya



bigabiga yo ya amna.

34:3 Sowa mate Lota ena aba gela lau taonna,



fuyanna Yaubada Sodom ya faheyaya.

34:9 “Mose nimana ya tole hasaen



hewana yai,” aniyona mate, Diyesuwa ya falau damahi be ya famala Isalaela

edi baꞌisa falifalihuna.



12

Buka Tabuna Tefadi

Mark, Acts, and selected excerpts of the Old Testament in the

Buhutu language of Papua New Guinea

Buk Baibel long tokples Buhutu long Niugini

copyright © 2015 Wycliffe Bible Translators, Inc.

Language: Buhutu

Translation by: Wycliffe Bible Translators

This translation is made available to you under the terms of the Creative Commons

Attribution-Noncommercial-No Derivatives license 4.0.

You may share and redistribute this Bible translation or extracts from it in any format,

provided that:

You include the above copyright information.

You do not sell this work for a profit.

You do not change any of the actual words or punctuation of the Scriptures.

Pictures included with Scriptures and other documents on this site are licensed just for

use with those Scriptures and documents. For other uses, please contact the respective

copyright owners.

2015-10-06

ISBN 978-1-5313-0112-5

PDF generated using Haiola and XeLaTeX on 5 Feb 2017 from source files dated 8 Jan

2017


b1271b11-d020-530e-9a26-058206609fc0

Document Outline

  • - Diutelonomi


Verilənlər bazası müəlliflik hüququ ilə müdafiə olunur ©azkurs.org 2016
rəhbərliyinə müraciət

    Ana səhifə