Lms turlari va imkoniyatlari reja : lms asosida masofaviy ta’lim olish. Moodle platformasi
Yüklə 150,3 Kb. Pdf görüntüsü
|
1 2
Mamasoliyeva Shahloxon|
LMS TURLARI VA IMKONIYATLARI Reja : 1. LMS ASOSIDA MASOFAVIY TA’LIM OLISH. 2. MOODLE PLATFORMASI Ta’limni boshqaruv tizimlari (LMS) — elektron ta’lim dasturlarini tashkil etuvchi, amalga oshiruvchi hamda o‘quvchilarning o‘zlashtirish natijalari ustidan nazorat olib borish va ularni saqlab qo‘yish imkoniyatini beruvchi onlayn platforma. Ta’limni boshqaruv tizimlari o‘quv kursi tarkibini ishlab chiqish va uni nazorat qilish uchun markaziy joyni taqdim etish orqali o‘quv jarayonini soddalashtirishga yordam beradi. Shuningdek, LMS o‘quvchilarga dars vaqtida olgan bilimlarini boyitish uchun zarur qo‘shimcha manbalarni ham yuborish imkoniyatiga ega qiyosi yo‘q platformadir. LMS platformalari uch turga bo‘linadi: bulutli platformalar, serverga asoslangan va CMS bilan integratsiyalangan LMSlar.LMSning bulutli platformalari. O‘quv kursining materiallari LMSning bulutli platformalarida web-xizmatni taklif etuvchining server kompyuteriga joylashtiriladi. LMSning bu turini ta’lim muassasasi yoki tashkilotning server kompyuteriga o‘rnatib bo‘lmaydi. LMSning bulutli platformalari web-xizmat (masalan, pochta xizmati kabi) prinsipi asosida ishlaydi, ya’ni web-xizmat taklif etilgan manzil orqali ro‘yxatdan o‘tgandan keyin o‘quv kurslarini yaratish mumkin. Buning uchun web-xizmat o‘zining serveridan joy ajratadi va barcha ma’lumotlar ushbu serverda TAYANCH TUSHUNCHALARBulutli platforma — o‘z xizmatlarini foydalanuvchi resurslariga bog‘liq bo‘lmagan holda taqdim etuvchi platforma.Korporativ — bir vaqtda bir necha hududdan turli pog‘onalarda boshqariluvchi tarmoq.saqlanadi. Foydalanuvchi esa bunga o‘ziga kerakli materiallarini yuklashi, ta’lim oluvchilarni qo‘shishi va onlayn ta’lim jarayonini yurgizishi mumkin. LMSning bulutli platformalaridan, asosan, korporativ ta’limda foydalaniladi. LMSning bulutli platformalari: iSpring learn, Google classroom, Schoology, Loop, Learn Amp va boshqalar.Serverga asoslangan LMSlar tashkilot yoki ta’lim muassasasining serveriga o‘rnatiladi. Bu esa foydalanuvchilarga tizimga korporativ login va parol yordamida kirish imkonini beradi. Barcha http://eduportal.uz ma’lumotlar tashkilot yoki ta’lim muassasasi server kompyuterida saqlanadi. Buning uchun esa LMSni o‘rnatish, sozlash, uning tashkilot yoki ta’lim muassasasi dasturiy ta’minotlari bilan integratsiyasini ta’minlash lozim. Asosan, ta’lim muassasalari va o‘quv markazlarida foydalaniladi.Serverga asoslangan LMSlar: Moodle, BlackBoard, Canvas, Absorb LMS va boshqalar.CMS bilan integratsiyalashgan LMSlarda LMS funksiyalarini bajaruvchi maxsus dasturlar CMSga qo‘shiladi va CMSning imkoniyatlarini kengaytirib beradi. CMSning tarkibida alohida o‘quv kurslar bilan ishlovchi qism xizmat qiladi. Bunday tizimlar onlayn maktab va kurs ochishni xohlovchilar uchun qulay hisoblanadi.CMS bilan integratsiyalashgan LMSlar: LearnDash (wordpress), joomla, drupal, wix.Schoology (https://www.schoology.com/) — ta’lim muassasalari uchun mo‘ljallangan bulutli LMS. Schoology Google Drive, Microsoft OneDrive, Blackboard Collaborate, Moodle, PowerSchool, Evernote va YouTube bilan birlasha oladi. Shuningdek, u maktab ma’lumotlari tizimi bilan sinxronlashadi. O‘qituvchilarga o‘quvchilar bilan o‘quv materiallari va topshiriqlar yuzasidan fi kr almashish hamda o‘quvchilar va ularning ota-onalari bilan uyushgan holda aloqa o‘rnatish imkoniyatini beradi. iSpring Learn (https://www.ispringsolutions.com/ispring-learn) platformasi ta’lim muassasalari va kompaniyalarda kadrlar tayyorlash uchun ishlab chiqilgan. Biroq ayni paytda amalda asosiy mijozlari sifatida ta’lim muassasalari faoliyat yuritmoqda. Platformaning ma’ruza muharriri bo‘limi yordamida modul va uning materiallari (matnli, audio, video, taqdimot, simulyator, topshiriq, test va b.) kiritiladi. Hisobotlar bo‘limi yordamida foydalanuvchilar faoliyati hamda o‘zlashtirish natijalari tahlili va statistikasini yuritish mumkin. Google Classroom (https://classroom.google.com/) — ta’lim uchun mo‘ljallangan platforma bo‘lib, kurs/sinfni yaratish va o‘quvchilarni qo‘shish, kerakli o‘quv materiallarini kiritish va o‘quvchilarga taqdim etish, o‘quvchilarga topshiriqlar berish, ularning ishlarini baholash va faoliyatini kuzatib borish, o‘quvchilar bilan muloqot qilish kabi imkoniyatlarni taqdim etadi. Google Classroomda Googleda akkauntga ega xohlagan foydalanuvchi kurs yaratishi mumkin. Moodle (Modular Object-Oriented Dynamic Learning Environment) (http://moodle.org/) masofaviy ta’lim olish muhiti hisoblanib, sifatli masofaviy kurslarni yaratish uchun mo‘ljallangan. Bu dasturiy mahsulot dunyoning 100 dan ziyod mamlakatlarida ishlatiladi. Bepul tarqatiladigan bu dasturiy majmua o‘zining funksional imkoniyatlari, o‘rganishdagi soddaligi va ishlatishdagi qulayligi bilan foydalanuvchilarning ko‘plab talablarini qanoatlantira oladi. Moodle masofaviy ta’limda o‘qitish jarayonini to‘la qo‘llab-quvvatlash uchun keng doiradagi, jumladan, o‘quv materiallarini turli usullarda berish, bilimlarni tekshirish va o‘zlashtirish nazoratini amalga oshirish kabi imkoniyatlarni beradi. LearnDash — ommabop kontent boshqaruv tizimi (CMS)da sinfl ar yaratish, ularni boshqarish, o‘zgartirish va nashr etish imkonini beruvchi ishonchli plagin. Bu plagin WordPress platformasi tarkibida ishlaydi. Shu sababli, agar ta’lim muassasasi kompyuteriga WordPress o‘rnatilgan bo‘lsa, qo‘shimcha ravishda LearnDash plaginini o‘rnatgan holda o‘quv kurslarini yaratish mumkin.Plagin bir necha kursni yaratish va ularning tarkibini bitta sinfdan boshqa sinfga nusxalash imkonini ham beradi. Shuningdek, kontent tarkibidagi funksiyalar yordamida sertifi kat hamda nishonlarni rasmiylashtirish mumkin. LMS ASOSIDA MASOFAVIY TA’LIM OLISH. MOODLE PLATFORMASI So‘nggi yillarda o‘quvchilarda mustaqil bilim olishga, maktab dasturiga qo‘shimcha sifatida turli dasturlarni o‘rganishga bo‘lgan qiziqish ortib bormoqda. Ijtimoiy tarmoqlarda o‘quvchilar tomonidan ularning qiziqishlari doirasida videodarslarning qo‘yilishi bunga yaqqol misol bo‘la oladi. Hozirda raqamli texnologiyalarning rivojlanishi yoshlarga internet orqali o‘z qiziqishlari doirasida ta’lim olish imkonini bermoqda. Buning uchun ulardan rus va ingliz tillarini suhbatlashish darajasida bilish, shuningdek, zamonaviy internet texnologiyalaridan xabardorlik, xususan, SMM, LMS, CMS, MOOC kabi platformalarda ishlash bilim va ko‘nikmalariga ega bo‘lish talab etiladi. Moodle platformasi haqida tushuncha Moodle — o‘quv materiallarini turli usullarda uzatish (15 turdagi interfaol vosita), bilimlarni tekshirish va o‘zlashtirish monitoringini yuritish uchun mo‘ljallangan platforma. Moodle platformasida o‘quvchilar mustaqil va erkin ravishda istagan bilimini olish imkoniyatiga ega bo‘ladi. O‘quvchilarning o‘zlashtirish darajasi bevosita uning intellektual salohiyatiga bog‘liq bo‘lganligi bois, ular tomonidan ko‘rgazmalilikning keng imkoniyatlaridan foydalanish egallanayotgan bilim mohiyatini teranroq anglashga yordam beradi. Shu bilan bir qatorda, bu tizim o‘zining ochiq kodliligi bilan har qanday dasturchiga istalgan ta’lim loyihasini o‘z ehtiyojlariga “moslash” hamda unga yangi xizmat turlarini qo‘shish imkonini beradi. Bu bepul tarqatiladigan platforma o‘zining funksional imkoniyatlari, o‘rganish uchun oddiyligi va foydalanishda qulayligi bilan foydalanuvchilarning har qanday talabini qanoatlantira oladi. Quyida Moodle platformasining DEMO versiyasi bilan ishlashini ko‘rib chiqamiz. TAYANCH TUSHUNCHALAR DEMO versiya — platformaning belgilangan vaqt davomida ishlashi mumkin bo‘lgan nusxasi.Ochiq kodli dasturiy ta’minot — dasturning kodi ochiqligi sababli tegishli o‘zgartirishlar kiritish imkoniyati mavjud bo‘lgan dasturiy ta’minot. Open Source (Ochiq kodli dasturiy ta’minot) atamasi 1998-yilda Erik Reymond hamda Bryus Perens tomonidan kiritilgan. Ochiq kodli dasturiy ta’minot — dasturning kodi ochiq va undan erkin foydalanish mumkin bo‘lgan, zaruriy holatlarda unga tegishli o‘zgartirishlar kiritish imkoniyati mavjud dasturiy ta’minot. Moodle platformasida ta’lim olish 1. Moodlening rasmiy manzili (moodle.org) brauzerning manzil qatoriga kiritiladi. Asosiy menyu qatoridan DEMO, ochilgan sahifadan esa Mount Orange School, so‘ng Go to courses tugmachasi tanlanadi. 2. Kurslar ro‘yxatidan Art and Media, bo‘limlar ro‘yxatidan esa Digital Literacy o‘quv kursi tanlanadi. 3. Kirish orqali tizimda ro‘yxatdan o‘tish, agar ro‘yxatdan o‘tilgan bo‘lsa, login va parol yordamida tizimga kirish mumkin (1). 4. Til bo‘limi orqali platformaning tilini o‘zgartirish mumkin (2). Mazkur platforma bir necha tilga tarjima qilingan. 5. O‘quv kursi va uning modullari yordamida kerakli modulga o‘tish mumkin (3). 6. Kalendar bo‘limi orqali topshiriq, tadbir va xabarlar haqida ma’lumot olish mumkin (4). 7. Kursning birinchi modulida, asosan, e’lonlarni o‘qish va so‘rovnomalarga javob berish mumkin (5). 8. Kursning keyingi modullarida matnli, audio, video, taqdimot, glossariy va boshqa turdagi o‘quv materiallarini sahifaning o‘zi orqali yoki yuklab olish yordamida o‘zlashtirish mumkin (6). 9. Topshiriqlar modulida esa amaliy topshiriq, savol, krossvord, viki topshiriq va testlar beriladi (7). Moodle platformasida har bir mavzu, unga ko‘ra tuzilgan o‘quv materiali va nazorat topshiriqlari alohida-alohida berilishi ham mumkin, chunki aksariyat hollarda o‘quv materiallari va nazorat topshiriqlari aralash holda beriladi. O‘quv materiallari va nazorat topshiriqlarining qay tartibda berilishi o‘qituvchi xohishiga ko‘ra amalga oshiriladi. Yüklə 150,3 Kb. Dostları ilə paylaş:
|
1 2