Luiza Xey Hayotingizni qanday tiklashingiz mumkin 2023 yil

Barcha kasalliklar kechirimsizlikdan kelib chiqadi
Odam kasal bo'lib qolishi bilan kimni kechirishini yuragida izlashi kerak. Agar siz kechirish juda qiyin bo'lgan odamni topsangiz, unda siz aynan uni kechirishingiz kerak. Kechirim ozodlikni anglatadi. Siz qanday kechirishni bilishingiz shart emas. Buning uchun faqat kechirish xoxishi (istagi) kerak. Va keyin koinot sizga yordamga keladi. Dardimizni juda yaxshi tushunamiz. Ammo biz kechirishimiz kerak bo'lganlar ham og'riqni boshdan kechirganini tushunish biz uchun qanchalik qiyin. O'sha paytda ular boshqacha yo'l tuta olmasliklarini tushunishimiz kerak.
Odamlar menga maslahat uchun kelganlarida, ularning sog'lig'i yomonligi, pul etishmasligi, yomon munosabatlar yoki kashf qilinmagan iste'dodlar kabi muammolarining kelib chiqishi meni qiziqtirmaydi - men darhol bitta narsa ustida ishlay boshlayman:
o'z-o'zini sevishni rivojlantirish
Men o'zimizni sevib, xatti-harakatlarimizni ma'qullab, o'z-o'zimiz bo'lib qolsak, hayotimiz shunchalik go'zal bo'ladiki, so'z bilan ifodalab bo'lmaydi, degan xulosaga keldim. Kichik mo''jizalar - hamma joyda. Salomatlik yaxshilanadi, pul uzi qulimizga keladi, boshqalar bilan munosabatlarimiz gullab-yashnaydi va biz shaxsiyatimizni ijodiy tarzda namoyon qila boshlaymiz. Va bularning barchasi bizning zarracha harakatimizsiz sodir bo'ladi. Biz o'zimizni chinakam sevib, hurmat qilsak va harakatlarimizni ma'qullasak, ongning ma'lum bir tashkilotini yaratamiz. Demak - boshqalar bilan ajoyib munosabatlar, yangi ish; biz hatto vazn yo'qotamiz va ideal vaznimizga kelamiz.
O'z-o'zini maqullash va o'z-o'zini qabul qilish hayotimizdagi ijobiy o'zgarishlarning kalitidir.
Bunday o'z-o'zini sevish hech qachon, hech qanday sharoitda o'zingizni tanqid qilmasligingizni anglashdan boshlanadi. Bizning shaxsiyatimizni tanqid qilish biz qutulmoqchi bo'lgan fikrlarni tutashtiradi. O'zimizni anglash (tushunish) bizga bu sehrlangan doiradan chiqishga yordam beradi.
Yodingizda bo'lsin, siz yillar davomida o'zingizni tanqid qildingiz va bundan yaxshi narsa chiqmadi. O'zingizni sevishga harakat qiling va nima bo'lishini ko'ring.

QANDAY MUAMMO MAVJUD?

"Siz o'zingizning ichingizga qarashingiz kerak"