“maliYYƏ” fənnindən mühazirə mətnləri

Sadələşdirilmiş  vergi  Azərbaycan  Respublikasının  Vergi  Məcəlləsinə  uyğun  olaraq 
2001-ci  ilin  yanvar  ayının  1-dən  tətbiq  edilir.  Sadələşdirilmiş  verginin  tətbiq  edilməsində 
başlıca məqsəd ilk növbədə kiçik biznes nümayəndələri və fərdi sahibkarlar üçün vergilərin 

---

108 
 
 
 
hesablanması və büdcəyə ödənilməsi qaydalarını sadələşdirməkdən ibarətdir. AR - nın Vergi 
Məcəlləsinin  XI  fəslinin  müddəaları  nəzərə  alınmaqla  ƏDV  məqsədləri  üçün  qeydiyyata 
alınmamış və əvvəlki üç aylıq dövr ərzində vergi tutulan əməliyyatların həcmi 200000 manat 
və  ondan  az  olan  hüquqi  şəxslər  və  hüquqi  şəxs  yaratmadan  sahibkarlıq  fəaliyyəti  həyata 
keçirən  fiziki  şəxslər  sadələşdirilmiş  vergi  ödəyicisi  olmaq  hüququna  malikdir. 
Sadələşdirilmiş  vergi  ödəyicisi  olmaq  hüququna  malik  olan  vergi  ödəyiciləri  hər  il  aprel 
ayının 20-dən gec olmayaraq, müvafiq bəyannaməni və ya bu hüquqdan istifadə etməyəcəyi 
barədə yazılı məlumatı uçotda olduqları vergi orqanına təqdim edirlər. Aşağıdakı göstərilən 
hüquqi və fiziki şəxslərin sadələşdirilmiş vergitutma sistemini tətbiq etmək hüququ yoxdur:  
-aksiz mallar istehsal edən şəxslər;  
-kredit  və  sığorta  təşkilatları,  investisiya  fondları,  qiymətli  kağızlar  bazarının  peşəkar 
iştirakçıları, lombardlar; -qeyri-dövlət pensiya fondları; və s.