Ma’muriy amaliyotni tashkil etish fanining taqsimlanishi dasturning mazmuni

3.Ma’muriy huquqbuzarlik alomatlari mavjudligi aniqlanganda mansabdor shaxslarga nisbatan ta’sir chorasini qo’llash.
Davlat soliq xizmati organining tekshirish va nazorat qilish qonun hujjati bilan zimmasiga yuklatilgan mansabdor shaxsi yuridik va jismoniy shaxslar ustidan soliq nazoratini amalga oshirish chog’ida, shuningdek soliq tekshiruvi materiallari ko’rib chiqilayotganda quyidagi ma’muriy huquqbuzarlik alomatlarining mavjudligi aniqlanganda soliq to’g’risidagi qonun hujjatlarini buzgan shaxs(lar)ga nisbatan ma’muriy huquqbuzarlik to’g’risida bayonnoma tuzadi:
mulkchilik shaklidan qat’i nazar korxona, muassasa, tashkilotlarning mol-mulkini o’zlashtirish, rastrata qilish, mansab lavozimini suiiste’mol qilish yo’li bilan oz miqdorda talon-toroj qilish – MJTKning 61-moddasi. SHu o’rinda, ustav fodida Davlat ulushi bo’lmagan korxonalar, muassasalar va tashkilotlarning mol-mlkini ularning xodimi tomonidan o’g’irlash, o’zlashtirish, rastrata qilish, mansab lavozimini suiiste’mol qilish yoki firibgarlik yo’li bilan sodir etilgan oz miqdorda talon-taroj qilish faqat mazkur korxonalar, muassasalar, tashkilotlar rahbarining, mulkdorining yoki vakolatli boshqaruv organining arizasiga ko’ra javobgarlikka sabab bo’ladi;
savdo, xizmat ko’rsatish qoidalarini buzish – MJTKning 164-moddasi birinchi qismi, xuddi shunday huquqbuzarliklar ancha (eng kam ish haqining yuz baravaridan uch yuz baravarigacha) miqdorda sodir etilgan bo’lsa – MJTKning 164-moddasi ikkinchi qismi;
yonilg’i-moylash materiallari bilan, dori-darmon vositalari yoki tibbiy buyumlar bilan qo’lda savdo qilish yoxud shaharlarda belgilanmagan joylarda qo’lda savdo qilish – MJTKning 164-moddasi uchinchi qismi;
dori-darmon vositalari yoki tibbiy buyumlar yoxud yonilg’i-moylash materiallari sotish qoidalarini buzish – MJTKning 164-moddasi to’rtinchi qismi;
litsenziya olinishi shart bo’lgan faoliyat bilan maxsus ruxsatnoma olmasdan shug’ullanish – MJTKning 165-moddasi;
sifatsiz yoki qalbakilashtirilgan dori vositalarini yoxud tibbiy buyumlarni o’tkazish maqsadida ishlab chiqarish, tayyorlash, olish, saqlash, tashish yoki o’tkazish – MJTKning 165¹-moddasi;
xo’jalik yurituvchi subyektlarning, oziq-ovqat mahsulotlari va sanoat mollarini ularning sifatini va ishlab chiqarish markasini tasdiqlaydigan hujjatlarsiz sotishi, xuddi shuningdek sotish maqsadida olishi – MJTKning 166-moddasi birinchi qismi;
ishlab chiqarish markasida yoki tovar belgisida ishlab chiqaruvchining nomi va joylashgan yeri to’g’risida axborot bo’lmagan tovarlarni realizatsiya qilish, shuningdek realizatsiya qilish maqsadida sotib olish – MJTKning 166-moddasi uchinchi qismi;
bozorlarda savdo qilish qoidalarini buzish – MJTKning 168-moddasi;
valyuta operatsiyalarini amalga oshiruvchi korxonalar, muassasalar, tashkilotlar va banklar xodimlarining chet el valyutasini O’zbekiston Respublikasining vakolat berilgan banklardagi valyuta schyotlariga yashirib qolish maqsadini ko’zlamay turib vaqtida yoxud to’liq o’tkazilmaslik – MJTKning 171-moddasi birinchi qismi;
valyuta tushumining bir qismini qonun hujjatlarida belgilab qo’yilgan tartibda va miqdorlarda majburiy sotishdan bo’yin tovlash – MJTKning 171-moddasi ikkinchi qismi;
eksport-import operatsiyalarini amalga oshirishning belgilangan tartibini buzish – MJTKning 171-moddasi uchinchi qismi;
yonilg’i-moylash materiallarini qabul qilish, hisobga olish, saqlash, berish, olish qoidalarini buzish – MJTKning 172-moddasi;
soliq olinadigan foydani (daromadni) yoki boshqa obyektlarni qasddan yashirish (kamaytirib ko’rsatish) yoxud soliqlar va boshqa majburiy to’lovlar to’lashdan qasddan bo’yin tovlash – MJTKning 174-moddasi birinchi qismi, xuddi shunday huquqbuzarlik ancha (eng kam ish haqining yuz baravaridan uch yuz baravarigacha) miqdorda sodir etilgan bo’lsa – MJTKning 174-moddasi ikkinchi qismi;
daromadlar to’g’risida deklaratsiya taqdim etishdan bo’yin tovlash, deklaratsiyani o’z vaqtida taqdim etmaslik yoki unda atayin noto’g’ri ma’lumotlarni taqdim etish – MJTKning 174-moddasi uchinchi qismi;
foyda (daromad) yoki soliq solinadigan boshqa obyektlarning hisobini olib bormaslik yoxud bunday hisobni belgilangan tartibni buzgan holda olib borish, basharti bu harakatlar to’lanishi lozim bo’lgan soliq yoki boshqa majburiy to’lovlarning miqdorini kamaytirishga olib kelsa – MJTKning 175-moddasi birinchi qismi;
soliq hisobotini taqdim etmaslik, o’z vaqtida taqdim etmaslik yoki belgilanmagan shaklda taqdim etish, xuddi shuningdek kameral nazorat natijalari bo’yicha aniqlangan tafovutlar asoslarini yoxud aniqlashtirilgan soliq hisobotini belgilangan muddatda taqdim etmaslik – MJTKning 175-moddasi birinchi qismi;
kassa operatsiyalarini yuritish tartibi va to’lov intizomini buzish, shu jumladan, qarzdor korxonalardan to’lovlarni undirish bo’yicha soliq organlarining inkasso topshiriqlarini bajarmaslik, shuningdek debitorlik va kreditorlik qarzi muddatlarini o’tkazib yuborish hamda korxonalarning hisobvaraqlarida tegishli mablag’lar bo’lgan holda to’lovlarni amalga oshirishning belgilangan muddatlarini buzish, shuningdek pul mablag’larini hisobdan chiqarish navbatini buzish – MJTKning 175-moddasi uchinchi qismi;
soliq organlarida ro’yxatga olinganligini tasdiqlovchi ma’lumotnomasiz korxonalar va tashkilotlarga hisob-kitob yoki boshqa hisobvaraqlarini ochish – MJTKning 175-moddasi to’rtinchi qismi;
Soliq to’lovchi tomonidan budjetga va davlat maqsadli jamg’armalariga soliqlar hamda boshqa majburiy to’lovlarni to’lash uchun to’lov topshiriqnomasini xizmat ko’rsatayotgan bankka taqdim etmaslik yoki o’z vaqtida taqdim etmaslik, – MJTKning 175-moddasi oltinchi qismi;
Ushbu moddaning oltinchi qismida nazarda tutilgan huquqbuzarlikni ma’muriy jazo chorasi qo’llanilganidan keyin bir yil davomida takror sodir etish, – MJTKning 175-moddasi yettinchi qismi⁵;
buxgalteriya hisobi va hisobotini yuritish tartibini buzish – MJTKning 175¹-moddasi;
ish haqini taqiqlangan shakllarda to’lash – MJTKning 175⁴-moddasi;
xodimlar sonini yashirish – MJTKning 175⁵-moddasi birinchi qismi, xuddi shunday huquqbuzarlik ma’muriy jazo chorasi qo’llanilganidan keyin bir yil davomida takror sodir etilgan bo’lsa – MJTKning 175⁵-moddasi ikkinchi qismi;
tadbirkorlik faoliyati bilan shug’ullanishning belgilangan tartibini buzish – MJTKning 176-moddasi birinchi qismi;
savdo yoki vositachilik faoliyatini ro’yxatdan o’tkazishdan bo’yin tovlagan holda amalga oshirish – MJTKning 176-moddasi ikkinchi qismi, xuddi shunday huquqbuzarlik ancha (eng kam ish haqining yuz baravaridan uch yuz baravarigacha) miqdorda sodir etilgan bo’lsa – MJTKning 176-moddasi uchinchi qismi;
xo’jalik yurituvchi subyekt tomonidan pochta manzili (joylashgan yeri), bank rekvizitlari o’zgarganligi to’g’risidagi yoki o’zi qayta ro’yxatdan o’tganligi to’g’risidagi ma’lumotlarni o’n kunlik muddat ichida vakolatli davlat organlariga taqdim etmaslik yoxud yolg’on ma’lumotlarni taqdim etish – MJTKning 176²-moddasi;
avtomobil transportida yo’lovchilar tashish faoliyati bilan litsenziyasiz shug’ullanish – MJTKning 176³-moddasi;
belgilangan tartibda yagona tanish belgilari bilan to’liq jihozlangan taksilarning haydovchilari tomonidan mazkur belgilardan qasddan foydalanmaslik yoki ular shikastlanganligiga qaramay yo’lovchilarni tashish – MJTKning 176⁴-moddasi;
xo’jalik yurituvchi subyektning majburiy auditorlik tekshiruvini o’tkazishdan bosh tortishi – MJTKning 179¹-moddasi;
ish beruvchi yuridik shaxslarning mansabdor shaxslari tomonidan Xalq banki filialiga fuqarolarni jamg’arib boriladigan pensiya tizimida hisobga olish uchun zarur ma’lumotlarni, Fuqarolarning shaxsiga oid ma’lumotlar bilan bog’liq o’zgarishlar to’g’risidagi ma’lumotlarni qasddan taqdim etmaslik yoki noto’g’ri ma’lumotlarni taqdim etganlik, xuddi shuningdek hisoblab chiqarilgan va kiritilgan jamg’arib boriladigan pensiya badallari to’g’risidagi ma’lumotlarni xodimlarga taqdim etmaslik – MJTKning 179²-moddasi birinchi qismi;
jamg’arib boriladigan majburiy pensiya badallarini kiritishdan bosh tortish – MJTKning 179²-moddasi ikkinchi qismi;
etil spirti, alkogolli va tamaki mahsulotlarini qonunga xilof ravishda ishlab chiqarish yoki muomalaga kiritish (ancha miqdorgacha qiymatda sodir etilgan bo’lsa) – MJTKning 186¹-moddasi;
soliq to’lovchilarning majburiyatlari yuzaga kelganligi to’g’risida qonun hujjatlariga muvofiq axborot taqdim etadigan organlar va tashkilotlarning mansabdor shaxslari tomonidan soliq to’lovchilarning majburiyatlari yuzaga kelganligi to’g’risidagi axborotni taqdim etish tartibining ko’rsatilgan axborotni taqdim etmaslikda, o’z vaqtida taqdim etmaslikda yoki buzib ko’rsatgan holda taqdim etishda ifodalangan buzilishi – MJTKning 215³-moddasi birinchi qismi, xuddi shunday huquqbuzarlik ma’muriy jazo chorasi qo’llanilganidan keyin bir yil davomida takror sodir etilgan bo’lsa – MJTKning 215³-moddasi ikkinchi qismi;
O’zbekiston Respublikasi MJTKning boshqa moddalari.