Bahs yuritish san’ati (eristika) о‘ziga xos qonun-qoidalarga amal qilishni talab etadi.
Bularga asosan quyidagilar kiradi:
– zaruriyatsiz bahslashmaslik;
– mavzusiz bahs yuritmaslik va bahs davomida mavzudan chetga chiqmaslik yoki mavzuni о‘zgartirmaslik;
– bahs mavzusi yuzasidan о‘zaro zid yoki qarama-qarshi fikrlar bо‘lmasa, bahsni tо‘xtatish;
– mavzuni yaxshi biladigan, aqlli odamlar bilangina bahslashish;
– bahs yuritishda mantiqiy qonun-qoidalarga amal qilish, о‘z va muxolifining fikrlaridan xulosa chiqara olish, mantiqiy ziddiyatlarni aniqlash va bartaraf etish, asoslar tо‘g‘ri bо‘lsa, isbotlashning ham tо‘g‘riligini e’tirof etish va h.k.;
– bir bahs doirasida bahslashish usullarini aralashtirib yubormaslik.
Argumentlashning mantiqiy asoslarini bilish va bahs yuritish qoidalariga amal qilish tafakkur madaniyatini yuqori darajaga kо‘tarish imkonini beradi.
1 Karimov I.A. Milliy istiqlol mafkurasi-xalq e’tiqodi va buyuk kelajakka ishonchdir: FIDOKOR gazetasi muxbiri savollariga javoblar.-T.: О‘zbekiston. 2000, 30-b.
