Maqsadingiz sari yurishda davom eting, faqat yo'ldan burilmaganlarnigina ko'pincha omad eng yaqin burilishda kutib turadi

Masalalar mustaqil ishlash uchun

1. 
   Bir kecha kunduzdagi ovqat tarkibida, oqsil, yogʻ, uglevod umumiy 330 g ni tashkil qiladi. Oqsildan ajralgan energiya 328 kkal ga teng boʻlsa, yogʻ va oqsildan ajralgan energiya farqi 583 kkal ga teng boʻlsa, ovqat tarkibidagi uglevod miqdori(g)ni hisoblang.
   
2. 
   Shoxruxning bir kecha kunduzdagi ovqat ratsionida oqsil miqdori uglevod miqdoridan 2,5 barobar kam, yogʻ miqdori esa, oqsil miqdoridan, 1,25 barobar koʻpligi ma’lum boʻlsa, qoʻshimcha va tushki ovqatidan ajralgan energiya 1142,9 kkal ga teng boʻlsa, Shoxruxning ovqat ratsionida uglevod va oqsillarning umumiy miqdorini (g) toping. (Ratsional ovqatlanishni yuqori foiziga amal qilingan)
   
3. 
   Feruzaningning ovqat ratsionida oqsil, uglevod, yogʻning massa nisbati 1:1:1 nisbatda boʻlib, qoʻshimcha ovqatlanishidan ajralgan energiya 315 kkal ga teng boʻlsa, Feruzaning ovqati tarkibidagi biopolimerlardan ajralgan energiyani kJ da hisoblang. (Ratsional ovqatlanishning yuqori foiziga amal qilingan)
   
4. 
   Obidjonning ovqat ratsionida, oqsil va yogʻdan ajralgan energiya umumiy ovqatdan ajralgan energiyadan 2255 kkal ga kam, uglevod miqdori ovqat tarkibidagi oqsil va yogʻning umumiy miqdori(g) dan 300 g koʻpligi ma’lum boʻlsa va oqsil miqdori yogʻ miqdoridan 50 g koʻp boʻlsa, Obidning ovqati tarkibidagi yogʻ va uglevodni massa nisbatini aniqlang
   
5. 
   Jaxongirning tana massasi 70 kg boʻlib, bir kunlik iste’mol qilgan uglevoddan hosil boʻlgan jami energiya 2050 kkalga teng. Ozuqadagi kunlik oqsil va yogʻ miqdori teng boʻlib, uglevod miqdori ulardan 2,5 martta koʻp. Ovqat hazm qilishga va bir kecha kunduzda bajarilgan ishga sarflangan energiya miqdorini aniqlang.
   
6. 
   Maloxatning ovqat ratsionida oqsil, yogʻ va uglevodning umumiy miqdori 700 g boʻlib, oqsildan ajralgan energiya 410 kkal ni tashkil qiladi. Agar ovqat tarkibidagi yogʻdan hosil boʻlgan energiya oqsilni parchalanishidan hosil boʻlgan energiyadan 520 kkal koʻp boʻlsa, bir kecha kunduzgadi hosil boʻlgan jami energiyaning qanchasi (kkal) tushki ovqatlanishdan hosil boʻlgan?