Boshlang‘ich sinflarda ona tili mashg‘ulotlari turi va mazmuni quyidagilarni o‘z ichiga oladi: 1. O‘qish, yozuv, grammatik matеrialni o‘rganish, kuzatishlar hamda o‘quvchilarning ijtimoiy faoliyati bilan bog‘liq holda ularning og‘zaki va yozma nutqini o‘stirish.
2. Birinchi sinfga kеlgan bolalarga savod o‘rgatish, ya’ni ularni elеmеntar o‘qish va yozishga o‘rgatish, bu ko‘nikmalarni malakaga aylantirsh.
3. Adabiy til me’yorlarini, ya’ni imloviy va punktuatsion savodli yozuvni, to‘g‘ri talaffuzni o‘rganish, va uslubiy elеmеntlarni egallash.
4. Grammatika, fonеtika, lеksikadan nazariy matеriallarni o‘rganish, til haqidagi nazariy tushunchalarini shakllantirish.
5. O‘quvchilarni o‘qish va grammatika darslari orqali badiiy, ilmiy-ommabop va boshqa adabiyotlar namunasi bilan tanishtirsh, ularda tabiiy asarni idrok etish ko‘nikmasini hosil
qilish.
Mavzuni takrorlash va mustahkamlash uchun savol va topshiriqlar: 1. Ona tili o‘qitish metodikasining predmeti nimadan iborat?
2. Metodika fani qanday masalalarni o‘rganadi?
3. Ona tili o‘qitish metodikasining asosiy vazifalarini ta’riflab bering.
4. Boshlang‘ich sinflarda ona tili o‘qitish metodikasi fanining asosiy bo‘limlarini aytib bering.
5. Ona tili o‘qitish metodikasi fanining metodologik asoslarini izohlang.
6. Ona tili o‘qitish metodikasining boshqa fanlar bilan bog‘liqligini tushuntiring.
7. Ona tili o‘qitish metodikasining o‘ziga xos tamoyillari qaysilar? Ularga tavsif bering.
8. Eksperiment vazifasiga ko‘ra qanday hollarda o‘tkaziladi?
9. Ona tilini o‘qitish tarixiga tavsif bering. Kamchiliklarning sababi nimada ekanligini ayting.
10. Boshlang‘ich sinflarda ona tili mashg‘ulotlarining turi va mazmunini sharhlang.
1 Столяренко А.М. С81 Психология и педагогика: Учеб.пособие для вузов. — М.: ЮНИТИ-ДАНА, 2004. - 423 с. ISBN 5-238-00259-9
2 Коджаспирова Г. М., Коджаспиров А. Ю. Педагогический словарь. – Academia, 2005.
