Mavzu : Ilk davlatlar davridagi iqtisodiy va ijtimoiy tuzum aholisi va xo`jaligi

Qadimgi Baqtriya davlati.


Olimlarning fikricha, Aryoshayyona, «Avesto» da tilga olingan Kavi Vishtaspning podsholigi bo’lib, mil.avv. IX-VIII asrlarda Drangiana, Satagadiyab Ariya, Marg’iyona, Amudaryo o’rta oqimidagi yerlarni birlashtirgan. G’arb olimlari V.B.Xenning va I.Gershevichlarning fikricha, Kavi Vishtaspning davlati Marv va Xirot atrofida joylashgan «Katta Xorazm» bo’lgan. Bu masala hali to’liq o’z yechimini topgan. Biroq, S.P.Tolstov va Ya.G’.G’ulomovlar Xorazm davlati qadim zamonlaridanoq aynan Amudaryoning quyi oqimlarida yuzaga kelgan degan fikrni ilgari surishgan. Bu davlat hududi xozirgi Xorazmdan ancha katta bo’lgan. Mil.avv. 700-540 yillarda Qadimgi Baqtriya davlatining (Baqtriya, Marg’iyona, So’g’diyonaning bir qismi) ancha rivojlangan davri bo’lib, uning hududlari Murg’ob vohasi, Xindiqush tizmasi, Badaxshon, Nurotak tizmasi va Buxoro hududlarigacha borib yetgan deb taxmin qilinadi. Baqtriya bu davrda Xorazm davlati va sak-massagetlar harbiy-siyosiy uyushmasiga chegaradosh bo’lgan. Marg’iyona va So’g’diyona Baqtriyaning ayrim qismlari bo’lganligi xaqida ham ayrim ma’lumotlar mavjud. Arxeologik manbalarga ko’ra, Xorazmda mil.avv. IX-VIII asrlarda paxsa va xom g’ishtdan qurilgan uy-joylar, mudofaa inshootlari va boshqalar topilmagan. Shuningdek, bunday narsalar Baqtriya va So’g’diyona hududlarida ham uchramagan. Mil.avv. VII asrga oid Ko’zaliqir va Baqtriyadagi Qiziltepa shaharlari mudofaa devorlaridagi o’xshashliklar shu davrda bu yerlarda yirik shahar markazlari bo’lganligidan dalolat beradi.Miloddan avalgi VI asrdagi Xorazm sopol idishlarining Marg’iyona, Baqtriya, So’g’diyonadagi shunday buyumlarga o’xshashlik jixatlari ko’p bo’lgan. Bu umumiylik va o’xshashlik yuqoridagi davlatlarning umumiy madaniyatga mansub bo’lganliklaridan dalolat beradi. Mil.avv. VII-VI asrlarda shakllangan va ancha yirik bo’lgan Qadimgi Xorazm va Qadimgi Baqtriya davlatlarining axolisi til, urf-odatlari, madaniy xayot tarzi jixatidan umumiylikka ega bo’lgan. Bu davrda jamiyatning hududiy bo’linishi shakillanib, o’troqlashuv jarayoni kuchaydi, shaharlar, qal’alar paydo bo’ldi, xo’jalik tarqqiy etdi. Arxeologik tadqiqotlar natijasida o’zbek arxeologlari O’zbekistonning turli viloyatlarida bir qancha qadimgi shaxarlar xarobalarini topib o’rgandilar. Tadqiqotlarning guvoxlik berishicha, bu shaxarlarning ayrimlari bundan 2700 yillar avval paydo bo’lgan. Ularga Afrosiyob (Samarqand), Qiziltepa (Surxon vohasi), Uzunqir, Yerqo’rg’on (Qashqadaryo vohasi) kabilar kiradi. Bu qadimiy shaxarlar an’analari Samarqand (Afrosiyob, maroqand), Kitob-Shaxrisabz (Uzunqir), Qarshi (Yerqo’rg’on) hududlarida davom etgan. Eng qadimgi shaxarlarga xos belgilardan asosiysi uning mudofaa devorlari bilan o’rab olinganligidir. Devorlar suv to’ldirilgan chuqur xandaq bilan o’rab olingan. Bu shaxar-qal’alarda ichki qal’a, axoli yashaydigan dahalar, xunarmandchilik ustaxonalari va savdo rastalari joylashgan qismi mavjud bo’lgan. Shaharlar atrofida dexqon xo’jaliklari va ekin maydonlari, bog’lar joylashgan. Ilk davlatlarning hududiy asosini aloqador dexqonchilik tumanlari tashkil qilgan. Xo’jalik yuritish maqsadida o’zlashtirilgan yerlarda axoli zich joylashib, ular «madaniy-xo’jalik» vohalari deb yuritilgan. Manzilgoxlarning soni va o’zlashtirilgan yerlarning umumiy maydoniga qarab, madaniy-xo’jalik vohalari bir necha guruxlarga bo’lingan va ularning chegaralari sug’orma dexqonchilik hududlari va sug’orish tarmoqlari chegaralari bilan bog’liq bo’lgan. Mil. avv. VII-VI asrlarda aholi nisbatan zich joylashgan o’troq vohalarda dexqonchilik jadal rivojlangan. Axolining asosiy mashg’uloti-dexqonchilikdan tashqari xunarmandchilik va chorvachilik bilan ham shug’ullangan. Ayrim uy xonalaridan topilgan ustaxonalar shundan dalolat beradi. Qishloq jamoalari o’rtasida tovar ayirboshlashda «pul» vazifasini kulolchilik va temirchilik buyumlari, qishloq xo’jalik maxsulotlari egallangan. Tashqi savdo (viloyatlar, mamlakatlar o’rtasidagi) pul o’lchovini xom ashyo, qimmatbaho xunarmandchilik buyumlari (metall idishlari, qurol-yarog’lar, zeb-ziynat buyumlari), qimmatbaho tosh, oltin va kumush bajargan. O’rta Osiyoda mil.avv. VII-VI asrlarda qulchilik munosabatlari deyarli rivojlanmagan, uning eng ko’p tarqalgan ko’riniish «uy qulchiligi» bo’lgan. Bunday uy qullari «Avesto» da «vaysa» lar deb atalgan.

O’tgan asrning oxirlaridan boshlab hozirgi kunga qadar «Avesto» ma’lumotlari (viloyatlarning Aryoshayyona bo’yicha birlashishi) Gerodot va Gekatey asarlari («Katta Xorazm»), shuningdek, Ktesiyning qadimgi Baqtriya podsholigi haqida ma’lumotlari va nihoyat arxeologik tadqiqotlar natijalari O’rta Osiyoda ilk davlat uyushmalarining paydo bo’lishi muammolarini o’rganish uchun asos bo’lgan bo’lishiga qaramasdan, qadimgi davlatlar hududlari, shakllari, boshqaruv tizimi sanasi bilan bog’liq bo’lgan mavzularniig ayrim yo’nalishlari hamon ilmiy bahslarga sabab bo’lmoqda.Ijtimoiy-iqtisodiy ahvolni taxlil qilish shuni ko’rsatadiki, mil. avv. I ming yillikning boshlariga kelib, O’rta Osiyoning nisbatan rivojlangan hududlarida ilk davlat uyushmalari paydo bo’la boshlaydi. Mil. avv. IX-VIII asrlarga kelib Baqtriya (Janubiy O’zbekiston, Janubiy Tojikiston, Shimoliy Afg’oniston) hududlarida harbiy ahamiyatga ega bo’lgan siyosiy birlashmalar tashkil topadi. O’sha davrda Marg’iyona va So’g’diyona qadimgi Baqtriyaning ayrim qismlari bo’lganligi haqida turli ma’lumotlar bor. Baqtriya Sharqdagi eng muhim harbiy iqtisodiy markazlardan biri bo’lib, aholining, qudrati shaharlar va qal’alarning ko’pligi, tabiiy xom ashyoga boyligi, muhim markaziy savdo yo’llari chorrahasida joylashganligi, hunarmandchilikning ravnaqi shundan dalolat beradi. So’nggi yillarda olib boriltan tadqiqotlar «Katta Xorazm», «Qadimgi Xorazm» masalalariga birmuncha aniqlik kiritdi. Arxeologik tadqiqotlar natijalariga ko’ra, Xorazm tuprog’ida mil. avv. VIII-VII asrlarga oid paxsa yoki xom turar joylar aniqlanmagan (turar joylar yarim yerto’lalardan iborat). Qadimga Xorazm davlati mil. avv. VI asrda Amudaryoning o’rta oqimi qismidan Orolga yaqin bo’lgan yerlarda vujud kelgan. Baqtriya va Xorazm davlatining hududiy chegaralari O’rta Amudaryo oqimidagi yerlar orkali o’tgan. Xorazmning yirik inshootlari mil. avv. VI-V asrlarga oiddir. O’lkada bu davrlarga oid ko’pgina shahar va qishloqlar xarobalari ochib o’rganilgan. Ulardagi topilmalar, manzilgohlar, xom g’isht va paxsadan qad ko’targan bo’lib, aholi dehqonchilik va chorvachilik bilan shug’ullangan. Shaharlarda hunarmandchilik rivojlangan. Qadimgi So’g’diyona, Zarafshon va Qashqadaryo vohalarida joylashgan bo’lib, janubi-sharqda Baqtriya, shimoli-g’arbda bilan chegaradosh bo’lgan. So’g’diyona haqida «Avesto», ahmoniylar davri, mixxat yozuvlari va yunon-rim tarixchilari ma’lumotlar beradilar. Qashqadaryodagi bir qator turar-joylar va uy-qo’rg’onlar qoldiqlari mil. avv. IX-VIII asrlarga oiddir. So’g’diyonada Afrosiyob, Yerqo’rg’on, Uzunqir kabi yirik shahar markazlari hamda qo’shni viloyatlar va davlatlar bilan o’zaro iqtisodiy va madaniy aloqalar rivojlanadi.

O’zbekiston hududlaridagi eng qadimgi davlatlar haqida zardo’shtiylarning muqaddas diniy kitobi «Avesto», ahmoniylarning mixxat yozuvlari (Bexistun, Naqshi Rustam, Suza, Persepol) yunon-rim tarixchilarining (Gerodot, Gekatey, Kursiy Ruf, Arrian, Strabon va boshqalar) ma’lumotlar beradi. So’nggi yillarda qadimgi Baqtriya, So’g’diyona va Xorazm hududlarida olib borilgan arxeologik tadqiqotlar ko’p hollarda yozma manbalar ma’lumotlarini tasdiqlaydi. Mil. avv. 559 yilda Eronda podsho Kir II ahmoniylar davlatiga asos soladi. Mil. avv. 545-540 yillarga kelib ahmoniy podsholari O’rta Osiyodagi Parfiya, Marg’iyona, Baqtriya, So’g’diyona kabi viloyatlar va ko’chmanchi qabilalar ustidan o’z hukmronliklarini o’rnatdilar. O’rta Osiyo xalqlari bosqinchilarga qarshi mardonavor kurash olib bordilar. Xususan, ko’chmanchi massaget qabilalari ahmoniylarning katta qo’shinlarini tor-mor etdilar (mil. avv. 530 yil). Bu jangda fors podshosi Kir II ham halok bo’ldi. Shuniigdek, mil. avv. 522 va 519-518 yillarda Marg’iyonada hamda saklar o’lkasida forslarga qarshi qo’zg’olonlar ko’tariladi. Bu davrda qadimgi Baqtriya aholisining asosiy mashg’uloti dehqonchilik edi. Kuchuktepa, Qiziltepa, Qizilcha, Bandixon kabi mil. avv. VI-IV asr yodgorliklaridan ko’plab mehnat qurollari topilgan. Dehqonchilik sun’iy sugorishga asoslangan. Bu hududlarda undan tashqari chorvachilik, kulolchilik, temirchilik va badiiy hunarmandchilik (Amudaryo xazinasi) xam rivojlanadi. Mil. avv. VI-IV asrlarda So’g’diyonada ko’plab shahar qishloqlar bo’lib, ular fors podsholariga katta-katta soliqlar to’lab turganlar. Xususan, bu davrga oid Uzunqir, Yerqo’rg’on, Afrosiyob, Lolazor, Xo’ja Bo’ston, Sangirtepa, Chordara, Qo’rg’oncha, Ko’ktepa kabi 50 dan ziyod yodgorlik o’rganilgan. Bu hududlardan topilgan ko’pgina topilmala aholining dehqonchilik, chorvachilik va hunarmandchilik bilan shug’ullanganidan dalolat beradi. Shuningdek, savdo-sotiq o’zaro aloqalar ham ancha rivojlanadi. Bu davrda Xorazm hududlarida ham yirik-yirik manzilgohlar mavjud edi. Qishloqlarda dehqonchilik, shaharlarda hunarmandchilik rivojlangan edi. Jonbosqal’a, Ko’zaliqir, Tuproqqal’a kabilar madaniy markazlar hisoblangan. O’zbekistondagi eng qadimgi mahalliy yozuv namunalari Xorazm hududlaridan (Tuproqqal’a, mil.avv. IV asr) topildi. Mil. avv. 329 yilga kelib, makedoniyalik Iskandarning O’rta Osiyoga yurishlari boshlandi. Iskandar qo’shinlari So’g’diyona, Ustrushona yerlarida juda qattiq qarshilikka duch keldi. Janglarda Iskandarning o’zi ham bir necha marta yarador bo’ldi. Mil. avv.329-327 yillar davomida mahalliy so’g’diy aholi Spitamen boshchiligida yunon-makedon bosqinchilariga qarshi kurash olib borib, ularga juda katta talafot yetkazdi. Iskandar qo’shinlari qachon So’g’diyonadagidek qarshilikka uchramagan edi. Mil. avv. 323 yilda makedoniyalik Iskandar vafot etganidan so’ng O’rta Osiyo yerlari Salavka xukmronliga ostiga o’tadi (mil. avv. 306 yil). Salavkiylardan bo’lgan Antiox I davrida (mil. avv. 280-261 yy) O’rta Osiyo viloyatlarida tinch hayot boshlanib, qishloq ho’jaligi, hunarmandchilik, savdo-sotiq anchagina rivojlanadi. O’rta Osiyo yerlari salavkiylar davlatining muhim qismi bo’lib, harbiy-strategik va iqtisodiy ahamiyatga ega edi. O’rta Osiyo viloyatlarining salavkiylar davlati tarkibiga kirgan davri yunon-makedon yurishlarida vayron bo’lgan ishlab chiqaruvchi kuchlarning va baqtriyaliklar, so’g’diylar xamda pafiyaliklarning bosqinchilarga qarshi kurashda birlashuv davri bo’ldi. Mil. avv. III asrning o’rtalariga kelib, salavkiylar davlatida taxt uchun o’zaro kurashlar avj olib ketdi. Natijada dastlab Parfiya, keyin esa Yunon-Baqtriya davlatlari salavkiylardan ajralib chiqdi. Mil. avv. 250 yilda birinchi Baqtriya podshosi Diodod o’zini hukmdor deb e’lon qildi va tangalar zarb etdi. Tangashunoslik ma’lumotlariga ko’ra, avv.III asrning oxirigacha Yunon-Baqtriyada bir necha podsholar o’tganki, ular yozma manbalarda eslatilmaydi. Mil. avv. II asr boshlariga kelib Demetriy, Yevkratid kabi podsholar Yunon-Baqtriya yerlarini janubga tomon kengaytirib boradilar. Mil. avv. II asrning ikkinchi yarmidan boshlab ko’chmanchi qabilalarning hujumlari va o’zaro kurashlari natijasida Yunon-Baqtriya podsholigi qulatiladi. O’tgan asrning oxirlaridan boshlab hozirgi kunga qadar «Avesto» ma’lumotlari (viloyatlarning Aryoshayyona bo’yicha birlashishi) Gerodot va Gekatey asarlari («Katta Xorazm»), shuningdek, Ktesiyning qadimgi Baqtriya podsholiga haqida ma’lumotlari va nihoyat arxeologik tadqiqotlar natijalari O’rta Osiyoda ilk davlat uyushmalarining paydo bo’lishi muammolarini o’rganish uchun asos bo’lgan bo’lishiga qaramasdan, qadimgi davlatlar hududlari, shakllari, boshqaruv tizimi sanasi bilan bog’liq bo’lgan mavzularning ayrim yo’nalishlari hamon ilmiy bahslarga sabab bo’lmoqda. Ijtimoiy-iqtisodiy ahvolni taxlil qilish shuni ko’rsatadiki, mil. avv. I ming yillikning boshlariga kelib, O’rta Osiyoning nisbatan rivojlangan hududlarida ilk davlat uyushmalari paydo bo’la boshlaydi. Mil. avv. IX-VIII asrlarga kelib Baqtriya (Janubiy O’zbekiston, Janubiy Tojikiston, Shimoliy Afg’oniston) hududlarida harbiy ahamiyatga ega bo’lgan siyosiy birlashmalar tashkil topadi. O’sha davrda Marg’iyona va So’g’diyona qadimgi Baqtriyaning ayrim qismlari bo’lganligi haqida turli ma’lumotlar bor. Baqtriya Sharqdagi eng muhim harbiy iqtisodiy markazlardan biri bo’lib, aholining, qudrati shaharlar va qal’alarning ko’pligi, tabiiy xom ashyoga boyligi, muhim markaziy savdo yo’llari chorrahasida joylashganligi, hunarmandchilikning ravnaqi shundan dalolat beradi.

O‘rta Osiyodagi yana bir yirik davlat uyushmasi-Qadimgi Xorazm davlati

hisoblanadi. “Katta Xorazm” va “Qadimgi Xorazm” masalasi bo‘yicha
o‘zbekistonlik va xorijlik ko‘plab olimlar turli-tuman tadqiqotlar olib
borgan bo‘lsalarda bu masalalar hamon tadqiqotchilarning bahs-
munozaralariga sabab bo‘lib kelmoqda. Avesto va yunon-rim tarixchilari
ma’lumotlari bu munozaralarning asosini tashkil etadi. Undan tashqari,
o‘tgan asrning 50-60 - yillaridan boshlab bugunga qadar olib borilgan
arxeolgik tadqiqotlar natijalari ham Xorazm davlatchiligi tarixi bo‘yicha
boy materiallar berdi.
Avvalo so‘ngi yillardagi ibtidoiy davr yodgorliklarining qiyosiy
tadqiqotlaridan (X.Matyakubov) xulosa chiqaradigan bo‘lsak, Xorazm mil.avv
IV-III m.y. dayoq O‘rta Sharqning qadimgi sivilizatsiyalar olami bilan uzoq
Shimolni bevosita bog‘lovchi xalqa rolini o‘tay boshlagan. Bronza davri
Suvyorgan va Tozabog‘yob madaniyatlari qadimgi Xorazm yerlarini o‘zlashtirib
bir-biri bilan qizg‘in aloqada bo‘lgan, Shimol va Janubdan ta’sir qabul
qilib, yangi taraqqiyot bosqichiga ko‘tarilgan qabilalar madaniyati edi.
Ularning urug‘ jamoalari yarim yerto‘la uy -joylarda istiqomat qilib
motiga dehqonchiligi va chorvachilik bilan shug‘ullanib, ibtidoiy ishlab
chiqarish xo‘jaligi sari ilk qadam tashlaganlar. Ammo, ularning moddiy
xo‘jalik taraqqiyoti darajasi O‘rta Osiyoning janubiy mintaqalari (Baqtriya,
Marg‘iyona) dagi qabilalarga nisbatan ancha orqada edi.
Amirobod madaniyati (mil.avv IX-VIII asrlar) davrida Amudaryo quyi
havzasida yashovchi aholi hali davlatchilikdan bexabar bo‘lib,irrigatsiya
xususiyati ibtidoiy urug‘-qabilachilik an’analarini saqlab qolgan aholi
jamiyatiga xos edi. O‘rta Osiyoning Janubiy mintaqalariga qaraganda Xorazm
vohasi aholisi uzoq vaqt beqaror suv oqimi sharoitida, noqo‘lay tabiat
injiqliklari girdobida qolib kelgan. Qadimgi yozma manbalar
ma’lumotlari va mavjud arxeologik yodgorliklarning qiyosiy tahliliga ko‘ra,
Xorazmda davlatchilik ildizlarining paydo bo‘lishigan asos bo‘lgan ilk shaharsozlik madaniyati sohiblari-Xorazmiylar ko‘chib kelgach tarkib topdi
va rivojlandi.
“Xorazm” atamasining kelib chiqishi haqida ko‘plab fikrlar mavjud.
Olimlarning katta guruhi “Xorazm” atamasining ikkinchi komponenti –zmi,
- zamni hind-yevropa tillariga mansub – zemo – yer, o‘lka, mamlakat ma’nosini
beradi degan xulosaga kelganlar. So‘zning birinchi komponentiga kelganda
olimlar fikrlaridagi yakdillik yo‘qoladi va u turlicha – “Ozuqaga boy
mamlakat”, “Unumdor yer” (Ye.Byurnuf, E.Zaxau, U.Geyger, U.Tomashek), “Go‘zal
mamlakat” (F.Yusti), “Unumsiz, yomon yer” (F.Shpigel), “Pastlik yer” (P.Lerx,
N.Veselovskiy, X.Klipert), “Quyoshli yoki Sharqiy o‘lka” (S.Tolstov,
P.Savelev, F.Sulaymonova), “Sharqiy zamin”, “Kunchiqar mamalakat”
(I.Mo‘minov) tarzida talqin etiladi.
Yana bir guruh olimlar “Xorazm” atamasi uch leksima asosida
(Uvarizami, u – “yaxshi”+ vara – “qal’a”,”qo‘rg‘on”+zimi-“yer”) paydo bo‘lgan deb
hisoblab, mazkur tarixiy atamaning ma’nosini “yaxshi qo‘rali yer”, “Ajoyib
qal’ali o‘lka” yoki “Mustahkam qo‘rg‘onli diyor”(Bogolyubov,
A.Muhammadjonov) tarjima qiladilar. So‘ngi tadqiqodlarda “Xorazm”
atamasining o‘zagi qadimgi turkiy asoslarga ega bo‘lishi mumkin degan
fikrlar ilgari surilib (“Xuar” (“Suvar”) – “suv”(“xu”) – suv, “Ar”-yer, odam,
“m”- birinchi shaxs qo‘shimchasi) va u “Suv(daryo) odamlari” yoki “suv egalari”
(M.Zakiyev, Sh.Kamoliddin, O‘.Nosirov) deb tarjima qilingan.
Olimlarning ta’kidlashicha, Avestoda tilga olingan Aryoshayona yoki
Aryanam Vaychax shu manbada eslatilgan Kavi Vishtaspning podsholigi bo‘lib,
milloddan avvalgi IX-VIII asrlarda Drang‘iyona, Satagadiya, Ariya, Marg‘yona va
Amudaryoning o‘rta oqimidagi viloyatlarni birlashtirgan. G‘arb
tadqoqtchilari V.Xenning va I.Gershevichlar Avestodagi Kavi Vishtapsning
davlati Marv va Xirot atrofida joylashgan “Katta Xorazm” deb
hisoblaydilar. “Katta Xorazm” muammosi Gerodot ma’lumotlaridan
boshlangan. U “Tarix” asarining uchinchi kitobida quyidagicha ma’lumot
beradi: “Osiyoda bir vodiy bor. Uning barcha tomoni tog‘ bilan o‘ralgan, tog‘ni
esa beshta dara kesib turadi. Bir vaqtlar bu vodiy xorasmiylarga tegishli
bo‘lib, xorasmiylar, parfiyaliklar, saranglar va tamaneylarga chegaradosh
yerlarda joylashgan. Vodiyni o‘rab turgan tog‘dan Akes nomli yirik daryo
boshlanadi”.
Gerodotdan sal oldinroq yashab o‘tgan Gekatey parfiyaliklarning
sharqiy tomonida joylashgan “Xorasmiya”ni, “bir qismi tekisliklarda, bir
qismi tog‘larda yashovchi xorazmliklarni” eslatib o‘tadi. Tadqiqotchi
V.A.Livshis ham bu “Katta Xorazm”ni Marv va Hirotning to‘rtta rayoniga
joylashtiradi. Agar “Katta Xorazm” davlati Marv va Hirot atroflarida
joylashgan taxmin rost bo‘lsa, A.S.Sagdullayevning fikricha, bu davlat
forslar podshosi Kir II tamonidan bo‘ysundirilganidan so‘ng xorasmiylar
Quyi Amudaryoning Xorazm hududlariga ko‘chib borganlar deb faraz qilinadi.
Ushbu nazariyaga ko‘ra, miloddan avvalgi VI asr qadimgi forslar
xorasmiylarni janubdan quyi Amudaryo yerlariga siqib chiqargan. Qadimgi Xorazm xo‘jalik tartibining tuzilishi janubiy
hududlardagi sug‘orish tizimini eslatsa-da, o‘lchamlari jihatdan ancha kichik.
M.A.Itinaning fikricha, bu davrda urug‘doshlarning qishloqlari bo‘lishi
mumkin bo‘lgan manzilgohlarning maydonlari kengayganligi ko‘zatiladi. Bu
manzilgohlarda katta oilalar yashagan bo‘lib, ular bir vaqtning o‘zida
xo‘jalik vazifalari, jumladan, sug‘orish tarmoqlarini saqlash va
rivojlantirish bilan shug‘ullanganlar.
So‘nggi bronza davrida ham qadimgi Xorazm xo‘jaligining muhim
tarmoqlaridan biri chorvachilik xo‘jaligi edi. Bu davrga oid makonlardan
juda ko‘plab turli hayvonlarning suyak qoldiqlari topib o‘rganilgan.
Chorvachilik xo‘jaligida ot asosiy o‘rinda bo‘lib ulardan yuk tashish va
safarga chiqishda foydalanilgan. Ayrim manzilgohlardan ot anjomlarining
topilishi shu jarayondan dalolat beradi. Bu o‘rinda ta’kidlash joizki,
olimlar orasida massaget qabilalari totemlarida ot kulti markaziy
o‘rinda turishi haqidagi fikrlar ham bor.
O‘troq dehqonchilik qabilalarining chorvachiligi uy chorvachiligi
xususiyatiga ega edi. Tadqiqotlar natijalariga ko‘ra, mil. avv. I ming
yillikning boshlariga kelib Orol bo‘yidagi xo‘jaligi asosini dehqonchilik
va chorvachilik tashkil etgan qabilalar o‘rtasida farqlar shakllana boshlaydi.
Mil. avv. VII-VI asrlarga kelib esa, ular madaniyati o‘rtasidagi farqlanish
yaqqol ko‘zga tashlanadi.
Fikrimizcha, aynan mana shu davrdan boshlab, Sharqiy Orol bo‘yida
yarim ko‘chmanchi chorvador xo‘jalik madaniy shakli ustunlik qilgan bo‘lsa,
Amudaryoning janubiy o‘zanlarida esa yuqori darajadagi sun’iy sug‘orishga
asoslangan o‘troq dehqonchilik xo‘jaliklarining ahamiyati ortib boradi.
Mil. avv. I ming yillikning ikkinchi choragiga kelib Orol bo‘yida
hunarmandchilik ajralib chiqishining dastlabki belgilari ko‘zatiladi.
Ortiqcha mahsulotning ko‘payishi esa mulkiy va ijtimoiy tabaqalanish uchun
imkoniyatlar yaratadi.
Mil. avv. I ming yillikning o‘rtalariga kelib qadimgi Xorazm
hududlarida sug‘orma dehqonchilikning taraqqiy etishi va ishlab chiqaruvchi
kuchlarning rivojlanishi natijasida ibtidoiy jamoa munosabatlari o‘rniga davlatchilik tizimi shakllana boshlaydi. Ushbu tizimning shakllanishida
qadimgi shaharlarning ahamiyati nihoyatda katta bo‘ldi. Tadqiqotlar
natijalariga ko‘ra, qadimgi Xorazm shaharlarining rejaviy uslublari –
ichki va tashqi tuzilishi, himoya inshootlari, tabiiy joylashuvi nuqtai
nazaridan ko‘p hollarda bir-biri bilan o‘xshashlik topadi.
Tadqiqotchilar tomonidan e’tirof etilgan Xorazmning eng qadimgi
shahar-qal’alaridan biri bo‘lgan Ko‘zaliqirning quyi madaniy qatlamlarini
S.P.Tolstov mil.avv VII-VI asrlar bilan, V. Masson esa mil. avv. V-IV
asrlar boshlari bilan belgilagan edi.So‘ngi tadqiqotlarda esa Ko‘zaliqirda
hayot butun mil.avvVI va V asrning birinchi yarmida mavjud bulgan degan
xulosalar ustunlik qilmoqda.
Ko‘zaliqir ko‘hna shahri ilgari tahmin qilinganidek, “Katta xorazm”
davlatining poytaxti emas, balki, yangi tadqiqotlarga ko‘ra, mil avv VI asrda
Chirmanyob dehqonchilik markazini hosil qilgan kichik vohaning bosh shahri
sifatida ushbu hududlarning siyosiy-ma’muriy va diniy markazi vazifasini
o‘tagan. Fanda Xorazm sivilizatsiyasi va shaharsozlik madaniyati aynan
Ko‘zaliqirdan boshlangan, degan xulosa ustunlik qilar edi. Ammo, so‘nggi
yillardagi tadqiqotlar vohaning boshlanish qismida joylashgan Xazorasp
shahri ham Ko‘zaliqirga zamondosh yodgorlik deb hisoblashgan asos bo‘lmoqda.
Xususan, Xazorasp yaqinida mil. avv VI asrga oid sopol ishlab chiqarish
markazi Xumbo‘ztepaning mavjudligi ko‘hna shaharning qadimiyligidan
dalolat beradi.
Ko‘zaliqir qadimgi Xorazmdagi dastlabki tuzilishi ancha aniq bo‘lgan,
himoya devorlari bilan o‘rab olinib diniy-topinish xususiyatiga ega bo‘lgan
me’moriy yodgorlikni o‘zida aks ettiradi. Uning atroflaridagi keng maydon,
aftidan keyingi qurilishlarga mo‘ljallangan bo‘lishi mumkin. Ta’kidlash
joizki, mil. avv. VI-V asrlarga kelib O‘rta Osiyo shaharsozlik madaniyatida
ibodatxonalar qurilishi muhim bo‘lib, asosiy omillardan biri
hisoblanadi. Ko‘zaliqir O‘rta Osiyoning boshqa shaharlari kabi vohaning
mustahkamlangan harbiy-siyosiy va ma’muriy markazi hisoblanib,
rivojlangan sug‘orma dehqonchilik bilan ta’minlangan edi.
Ko‘zaliqir haqida yanada batafsilroq to‘xtaladigan bo‘lsak, ushbu
yodgorlikda o‘tgan asrning o‘rtalaridan boshlab S.P.Tolstov rahbarligidagi
Xorazm ekspeditsiyasi ko‘plab tadqiqot ishlari olib borgan. Orolbo‘yi
vohasidagi qadimgi Chirmanyob kanalining birining yaqinida joylashgan
ushbu yodgorlik topilmalari mil. avv. VII asrdan V-IV asrlargacha sanalangan.
Qadimgi Xorazm tadqiqotchilari «ko‘hna shahar» va «qal’a» deb ta’riflagan
ushbu yodgorlikdagi turar joylar asosan paxsa va xom g‘ishtdan qad ko‘targan.
Tadqiqotlar natijalariga ko‘ra, qal’a ikkita qurilish davrini boshdan
o‘tkazgan. Mil. avv. VI-V asrlarga oid pastki qatlamlardagi g‘ishtlarning
o‘lchamlari mil. avv. V-IV asrlarga oid yuqori qatlam g‘ishtlaridan
farqlanadi. Undan tashqari sopollarning xususiyati va bronza o‘q uchlarining
yasalishida ham ayrim farqlarni ko‘zatish mumkin. Fanda ma’lum bo‘lgan “Katta Xorazm” masalasi bugungi kunda o‘z
yechimini topgan deb bo‘lmaydi. Avvalo, o‘tgan asrning boshlarida mavjud yozma
manbalarning qisqa ma’lumotlariga tayangan I.Markvart tomonidan ushbu
masala ko‘tarilgan edi. U Avestodagi “Aryanam Vayjo”ni Xorazm deb
hisoblab, Ahamoniylarga qadar Shimoliy –Sharqiy Eron qabilalarining
xorasmiylar boshchiligidagi katta davlat birlashmasi “Katta Xorazm”, degan
taxminni ilgari surgan edi. Mazkur g‘oya V.Bartold, V.Tarnlar tomonidan
qabul qilinib, S.Tolstov, V.Xenning, F.Altxaym va I.Gershevichlar
tomonidan rivojlantirildi.
S.Tolstov Amudaryoning quyi havzalari “Katta Xorazm” tarkibiga
kirganligi haqidagi konsepsiyani ilgari surib, Xorazmda mil.avv VIII-VII
asrlarda dastlab qabilalarning harbiy konfederatsiyasi paydo bo‘lib, undan
davlat uyushmasi o‘sib chiqdi degan fikrga kelgan bo‘lsa, V.Masson bu fikrga
qarshi chiqib, arxeologik materiallar tahlili Xorazmda Ahamoniylarga
qadar markazlashgan davlat tashkil topganligini tasdiqlamaydi, degan
fikrga keldi.
Arxeologik tadqiqotlar natijalariga tayangan V.T.Vorobeva, o‘tgan
asrning 70-yillarida “Katta Xorazm”ning janubiy chegarasi Amudaryoning
o‘rta havzalari (Qo‘shqal’a, Odoytepa atroflari)dan o‘tgan va uning shimoliy
chegaralari Amudaryoning quyi havzalarini qamrab olganligi hamda qadimgi
Xorazm davlati “Katta Xorazm” davlat konfederatsiyasining tarkibiga
kirganligi haqidagi g‘oyani ilgari surdi. B.Vaynberg va S.Baratovlar ham
V.Vorobeva g‘oyalariga yaqin fikr bildirganlar.
R.Fray “Katta Xorazm” davlatining hududi Marv – Hirot
atroflarini qamrab olib, Ahamoniylar bosqinidan so‘ng bu hudud aholisi
Oks (Amudaryo)ning shimoliga ko‘chganligi haqida fikr bildirgan bo‘lsa,
I.Xlopin va I.Pyankovlar Xorazmdagi ahamoniylargacha bo‘lgan
davlatchilikni inkor etadilar. A.Asqarov esa, xorasmiylarning Tajan
(gerirud) va Xilmend daryolari havzalaridan shimolga, quyi Amudaryo
havzalariga ko‘chishi mil.avv VI asrda ro‘y bergan bo‘lib, “Katta Xorazm”
davlati konfederatsiyasining shimoliy chegarasi Amudaryoning o‘rta
chegarasigacha bo‘lgan hududlarni o‘z ichiga olganligi haqidagi fikrlarni
ilgari suradi.
Yuqorida eslatib o‘tganimizdek, ahamoniylargacha mavjud bo‘lgan
XULOSA
Xorazm davlatining poytaxti masalasi fanda aniq yechimini topmagan.
X.Matyakubovning fikricha, qadimgi Xorazm davlatining poytaxtini
aniqlash borasidagi izlanishlar o‘tgan asrning 80-yillarida o‘z samarasini
bera boshladi va Aqchaxonqal’a qadimgi Xorazm davlatining poytaxti
bo‘lishi mumkinligi haqidagi ilk fikrlar aytildi. Tadqiqotlarga ko‘ra,
umumiy maydoni 50 dan ziyod bo‘lgan Aqchaxonqal’a ichki va tashqi qal’adan iborat to‘g‘ri to‘rtburchak shaklga ega. Ular alohida himoya devorlari bilan o‘rab olingan. So‘ngi tadqiqotlarga ko‘ra, ushbu ko‘hna shaharda saroy
marosimlari va diniy e’tiqodlar bilan bog‘liq devoriy rasmlarning qayd
etilishi, ular orasida shohona kiyimda boshiga toj kiygan hukmdor
suratining mavjudligi, shoh boshiga ilohiy qush (Humo) qunib turganligi
Aqchaxonqal’a qadimgi Xorazm davlatining poytaxt shahri ekanligining
ramziy belgisi sifatida e’tirof etildi. Fikrimizcha, Xorazm qadimgi shahar madaniyati va davlatchiligining shakllanishida butun O‘rta Osiyo hududlarida bo‘lgani kabi tashqi ta’sir va madaniy aloqalarni inkor etmagan holda, bu hududlarda o‘troq dehqonchilikka o‘tish, sug‘orish tartibining shakllanishi, o‘troq aholi xo‘jaliklarining taraqqiy etishi keyingi davrlardagi davlatchilik
an’analari shakllanishi uchun asos bo‘lganligini ta’kidlash maqsadga
muvofiqdir. Shuningdek, butun O‘rta Osiyo mintaqasida bo‘lgani kabi
qadimgi Xorazm shahar madaniyati va davlatchiligi asoslari hisoblangan
ilg‘or xo‘jalik tizimi yuritish, sug‘orish tarmoqlarini saqlash va
rivojlantirish, hunarmandchilik va savdo-sotiq kabilar – o‘zaro tarixiy-
madaniy aloqalar bilan bog‘liq edi. Bu jarayonlar ayniqsa, mil.avv.VI-V
asrlarda ancha taraqqiy etgan bo‘lib, bu holat Xorazm davlatchiligining o‘ziga
hos xususiyatlarida ham namoyon bo‘ladi.
Xulosa qilib aytadigan bo‘lsak, mil.avv. V-IV asrlarda Xorazm va unga
qo‘shni bo‘lgan hududlarni urbanizatsiya jarayonlari qamrab olgan edi.
Natijada bu hududlarda tarixiy-madaniy dehqonchilik vohalari paydo
bo‘ladi va ular ilk davlatchilikning asosi edi. Mil.avv. VI asrdan boshlab
esa hozirgi Xorazm vohasida davlatchilik shakllanib u qadimgi Sharq
sivilizatsiyasi markazlaridan birga aylanib bordi.

FOYDALANILGAN ADABIYOTLAR

1.I.Karimov Tarixiy xotirasiz kelajak yoq T. 1998.
2.I.Karimov. Yuksak manaviyat engilmas kuch. T.2008
3.G`ulomov X.G. Tatibaev A.S. “Tsentarl`naya Aziya i mirovaya istoriya”.
T. 2004.
4.Tarix ortga qaytmaydi. (tuplam) T. 2004
5.Sagdullaev A. Qadimgi O` zbekiston ilk ezma manbalarda. T. 1996.
6.Azamat Ziyo. O`zbek davlatchiligi tarixi. T. Sharq. 2000
7.Karimov Sh., Shamsuddinov R. Vatan tarixi. Birinchi kitob. T., 2010.
O`zbekiston tarixi. T.Universitet. 1999.
8.Sagdullaev A. va boshq. O`zbekiston tarixi: davlat va jamiyat
taraqqieti. T., Akademiya, 2000