Мавзу: болалар боғчасида тасвирий фаолият машғулотларини ташкил этиш ва уюштириш

Kichik guruhda o‘rgatishning mazmuni va vazifalari. Ikki yoshli bola qalam, mo‘yqalamni to‘g‘ri ushlashi mumkin, lekin uning tajribalari kam, bajara olish va bilish qobliyatlari yo‘q, qo‘l harakatlari yetarlicha rivojlanmagan. Shuning uchun asosiy vazifalar bolalarga umumiy tarbiyaviy ta’sir qilish bilan bog‘liqdir. Kichik guruhda o‘rgatishning vazifalari quyidagilar:

• 
  Rasm chizish jarayoniga natija beruvchi jamoat ishi deb qiziqishni o‘yg‘otish.
  
• 
  Rasm chizishni materiallari “qalam, bo‘yoqlar” va ulardan foydalanish usullari bilan tanishtirish.
  
• 
  Katta yoshli odam chizgan rasmni, predmetning tasviri deb tushunishni o‘rgatish.
  
• 
  To‘g‘ri va egri chiziqlarni hamma yosh guruhlarida berk shakllarni chizish prinsiplarini o‘rgatish.
  

Bu guruhning dasturi keyingi guruhlarning dasturidan boskichma- boskich murakkablashib borishi bilan farqlanadi. Rasm chizishning birinchi mashg‘uloti qog‘oz va qalam bilan tanishtirishdan boshlanadi. Bu materiallarning o‘yinchoqlardan bolalarga ma’lum bo‘lgan turli xil predmetlardan farq qilishini pedagog bolalarga tushuntiradi. Qalamlar bilan turli faoliyat turlarini bajarish mumkin. Qog‘oz toza edi, qalamning harakatlanishidan unda izlar paydo bo‘ldi. Qalamning ochilgan uchi qog‘ozda iz qoldiradi. Ikki uchi esa iz qoldirmaydi. Agar sekin bosilsa, qog‘ozda uning izlari ko‘rinmaydi. Agar qattiq bosilsa, qog‘oz yirtilib ketishi mumkin. Bunday tushuntirishni va harakatlarni ko‘rsatib berish bolalarda rasm chizishga qiziqishni uyg‘otadi. Bulardan tashqari oddiy texnik ko‘nikmalarni qalam, mo‘yqalamni to‘g‘ri ushlash, ulardan tartibli foydalanish. Bo‘yoqni mo‘yqalamning uchiga olishni bilish kabilarni o‘rgatishni dastur o‘z ichiga olgan.
Bu guruh bolalar (3 yoshli bolalar) psixologik jihatdan rivojlanadi, turmush tajribalari o‘sadi. Tarbiyachi bu yoshdagi bolalar bilan rasm bo‘yicha mashg‘ulot olib borganda bolalarning rasmga nisbatan qiziqishlarini orttiradi. Bu guruhda bolalarning rasm ishining sifati emas, balki ish jarayoni qiziqtiradi. Rasm bo‘yicha barcha guruh bolalari tarbiyachining og‘zaki ko‘rsatmalarini tinglashga, tarbiyachining ko‘rsatib bergan usullarini bajarishga o‘rganib boradilar. Bu yoshdagi bolalar rasm faoliyatida tezda o‘yin faoliyatiga o‘tish bilan ajralib turadi. Masalan: doirachalar chizib, uni ichini qalam bilan urib chiqib, uni qush don cho‘qiyapti deb ifodalaydi. Bunda yosh bolalarning rang tanlash malakasi shakllanadi. Bolaning diqqatini ularga yoqqan ranglarga tortadi. Bolalar tasviriy jarayonida so‘z bilan ifodalashga o‘rganadilar. Rasmda tasvirlay olmagan voqealarni so‘z bilan to‘ldiradi. Bolalarda mustaqillik, faollik o‘sadi.
Tarbiyachi bolalarga mashg‘ulotda olgan bilim va ko‘nikmalardan mustaqil foydalanish imkoniyatini tug‘diradi. Bolalar turli shakldagi predmetlarni tasvirlashga o‘rgatiladi, doira, to‘g‘ri to‘rtburchak, uchburchak va turli yo‘nalishdagi chiziqlar to‘plamidan iborat narsalarni chizadilar. Predmetlarni shaklini to‘g‘ri tasvirlashga o‘rgatish uchun bolalarni qo‘llarini shakliy harakat qilishga o‘rgatish lozim. Bolalarni predmet shakli bilan qo‘lning shakl harakatlari o‘rtasidagi bog‘liqlikni o‘rgatish lozim. Tarbiyachi predmetni tasvirlashga o‘rgatishdan oldin, uni mashg‘ulot oldidan ko‘rib chiqadi (ya’ni kuzatish olib boradi). Bolalar jonu-dili bilan turli rangdagi koptoklar, sharlar va archa o‘yinchoqlarini tasvirlaydilar. To‘g‘ri to‘rtburchak shaklini tasvirlashga bolalar bu guruhda qiynaladilar, shuning uchun bu shakl yilning 2 yarmida beriladi.
Bolalar archa, daraxt, tursa yiqilmas qo‘g‘irchoq, “Nayzongul qo’g’irchog’i”, aravachani tasvirlaydi. Ranglarni qizil, sariq, ko‘k, yashil, qora, oqlarni bilishga o‘rgatiladi. Shuningdek, rang aralashtirishlarni (pushti, havo rang va zarg‘aldoq, jigarrang) tavsiya etish mumkin. Bu guruh bolalarida ranglarni to‘g‘ri atash va tasvirlash aniq talab etilmaydi, tarbiyachi ularga bo’yoqning buyumga mos rangini kichik idishga solingan holda beradi (bola yoshiga qarab mo’yqalam kattalashib boradi, 10-raqamli, 11-raqamli), ammo tarbiyachi asta-sekin predmetlarni rang tusini xaqqoniy tasvirlashga o‘rgatib borishi kerak. Masalan: ko‘m-ko‘k o‘tlar o‘smoqda, o‘tlarda sap-sariq jo‘jalar o‘tlab yurishibdi va hokazo. Bu guruhda bolalar ishining mazmuni asosan so‘zda ifodalaniladi. Masalan: mashina chizib, so‘z bilan mazmun beradi, u bu mashina yurib ketdi yoki yuk olib kelyapti.
Mashg‘ulot davomida bolalar bir turdagi predmetlarni bir necha marta tasvirlashni o‘rganadilar. Bu esa bolalarni texnik ko‘nikmalarini mustahkamlaydi. Mashg‘ulot davomida ishni tezda tugatgan bolalarga tarbiyachi rasm mazmunini kengaytirish maqsadida yangi vazifalar berishi mumkin. Masalan: o‘t ustida yurgan jo‘jalar yonida don yoki turli chuvalchanglarni solishni tavsiya etish mumkin va bu bilan bolalar chizgan ishlarini mazmunan boyitib borish va bolalarni ham shunga o‘rgatib borish lozim.