Mavzu: Bolalarni uy hayvonlari bilan tanishtirish. Reja

Kichik guruh.
Dastur mazmuni:
Dastur bo’yicha bolalar: mushuk, kuchuk, sigir, echki, ot, xo’roz, tovuqlar kabi uy hayvonlarini ajrata bilishlari va ularga xos tashqi belgilari hamda ular nima eyishi va qanday ovoz chiqarishini bilishlari talab qilinadi.
Bir yil uchun taxminiy ish rejasi:
Dasturni amalga oshirish uchun quyidagicha mashg’ulotlarni o’tkazish tavsiya qilinadi.

1. 
   Uy hayvonlarini kuzatish.
   
2. 
   Didaktik o’yinlar.
   
3. 
   Rasmlar ko’rish.
   

Uy hayvonlarini kuzatish.
Uy hayvonlari bilan tanishishning asosiy usuli, qisqa vaqtga va ko’p marotaba sayr vaqtlarida kuzatishdir. Tovuqlarni kuzatishga misol keltiramiz. Tovuqlarni bahorda, yozda yoki kuzda kuzatish mumkin.
Bolalar sayr vaqtlarida ko’p marta tovuqlarni ko’rganlar. Ularning hammalari xo’rozdan tovuqlarni ajrata olishlariga ishongandan so’ng tarbiyachi mashg’ulotlardan birida xo’rozga xos belgilarni aytib ko’rsatib beradi.
Keyingi mashg’ulotda tarbiyachi tovuqlarning ko’zi borligiga bolalar e’tiborini jalb qiladi. Sayr vaqtida tarbiyachi bolalar e’tiborini tovuqlarning rangiga jalb qiladi, ular qayerda yotishi, ularni kim boqishi va ularni qanday kuzatish kerakligini o’rgatadi. Ot, sigir va echkilarni yozda, yaylovda kuzatish afzal. Bolalar e’tiborini hayvonlar shihiga jalb etish kerak: bolalar otning kishnashini, sigir va echkilarning ma’rashini eshitishi lozim. Sigir qanday yurishi, ular nima eyishini aniqlash va echkilarni qachon sog’ishlari kerakligini bilishlari kerak.


Mushukni kuzatish rejasi:
Mushukni kuzatish davrida bolalar e’tiborini uning tashqi ko’rinishiga jalb qilih kerak: boshida ko’zi, dukkaygan qulog’i, basharasida mo’ylovi, yungi mayin, mushuk sutni qanday ichishini ko’rish. U qanday o’ynaydi? (qog’ozni ipga boylab mushukning oldiga sudrash) . Bolalar bog’chasi oldida yuqorida ko’rsatilgan hayvonlar bo’lmasligi mumkin, u vaqtda dastlabki tanishtirish uchun o’yinchoq hayvonlardan yoki rasmdan foydalanish mumkin.

O’rta guruh.