Mavzu: Kontsentratsion stollar va cho’ktirish mashinalari tuzilishi ishlash prinspi Reja

Mavzu: Kontsentratsion stollar va cho’ktirish mashinalari tuzilishi ishlash prinspi
Reja:

1. 
   Konsentratsion stolda boyitish
   
2. 
   Konsentratsion stollarning asosiy parametrlari va ishlash tartibi
   
3. 
   Cho’ktirish mashinalarining asosiy parametri
   
4. 
   Cho’ktirish mashinalarining ishlash prinsipi
   

Konsentratsion stolda boyitish - mayda donachali mahsulotni gravitatsion usulda boyitishning eng ko’p tarqalgan usuli. Konsentratsion stollar qalayli, volframli, kamyob metalli, oltinli va boshqa rudalarni boyitishda keng ishlatiladi.

Konsentratsion stolda boyitish mineral zarralarning zichligi va o’lchamidagi farqqa qarab qiya tekislik bo’ylab harakatlanayotgan suv oqimi yordamida ajratishga asoslangan. Konsentratsion stolda samarali boyitishning eng asosiy sharti - rudani gidravlik klassifikatorlarda teng tushuvchi zarrali sinfiarga ajratishdir (29- rasm).
CKM-1A markali konsentratsion stol trapetsiya shaklidagi yassi yuzadan iborat - bu yuza deka deyiladi. Deka romb yoki parallelogramm shaklida ham bo’lishi mumkin. Deka yog’ochdan yoki aluminiydan tayyorlanib, ustidan linoleum, rezina, poliuretan va hokazo material bilan qoplanadi. Ular, shuningdek, stekloplastdan ham tayyorlanadi. Dekaning yuzasida ingichka va uzun plankalar o’rnatiladi. Bu plankalar yog’och yoki rezinadan tayyorlanadi. Plankalarning uzunligi va balandligi mahsulot beriluvchi tomonga qarab kamayib boradi.
Konsentratsion stol unga ko’ndalang o’qi bo’ylab yoki romb va parallelogrammning diagonali bo’ylab qaytarma-ilgarilanma yo’nalishda harakat beruvchi uzatmaga ulanadi. Deka tirsakli richagga mahkamlangan gildirakchali rolikka (konki) tayanadi. Mahsulot beriluvchi tarafda joylashgan uchta tirsakli richagni tyaga birlashtirib turadi.
Maxovik orqali stol yuzasiga uning harakatlanish yo’nalishiga perpendikular ravishda uncha katta bo’lmagan qiyalik berilishi mumkin.
Stolning uzatmasi elektrodvigatel, tasmali uzatma, richagli- ekssentrik mexanizmdan iborat bo’lib, stol dekasi bilan tyaga orqali ulanadi.
Dekaning mahsulot berilish tomonga yurish vaqtida (zadniy xod) uning tirgak va tayanchi orasida o’matilgan prujina siqiladi, buning teskarisida esa (peredniy xod) prujina yoziladi va dekani oldinga itaradi. Prujinaning siqilish darajasi gayka bilan boshqariladi.
Stol ishlayotgan paytda deka notekis harakatlanadi. Deka oldinga harakatlanganda uning tezligi asta-sekin ortadi, yurishning oxirida maksimumga yetadi, keyin esa 0 gacha keskin kamayadi.
Deka orqaga harakatlanayotganda uning tezligi maksimalgacha keskin ortadi, keyin esa sekin 0 gacha kamayadi.
Dastlabki mahsulot bo’tana holida mahsulotni yuklash qutisiga beriladi. Suv esa yuqoridagi ariqchaga berilib, aylanuvchi parrakchalar orqah dekaning yuzasida tarqaladi.
Mineral zarralar aralashmasining stol dekasida ajralishi quyidagicha sodir bo’ladi. Mahsulotni yuklash qutisidan stol yuzasiga tushuvchi mineral zarralar ikkita kuch ta’siriga uchraydi: bo’ylama oquvchi suvning yuvuvchi kuchi va dekaning ilgarilanma-qaytma harakati natijasida sodir bo’luvchi stol bo’ylab harakat qiluvchi inersiya kuchi.

Konsentratsion stol CKM-1A: 1- richag ekssentrik mexanizm; 2-deka; 3-prujina; 4-maxovik; 5-kranshteyn; 6-tirsakli richag; 7-tyaga; 8- tayanch roliklari; 9-elektrodvigatellar; 10-tyaga; 11-yuklovchi ariqcha.

Dekaning qaytariluvchi ilgarilanma-qaytma harakati natijasida ruda aralashmasi deka bo’ylab harakatlanadi. Bunda turli zarralarning harakatlanish tezligi bir xil emas: katta inersiya kuchiga ega zichligi katta zarralarning deka bo’ylab harakatlanish tezligi kichik zichlikka ega zarralarning oldinga harakatlanish tezligiga nisbatan katta bo’ladi.
Biroq, kichik zichlikka ega zarralarga suvning yuvuvchi oqimi kuchliroq ta’sir qiladi, chunki segregatsiya natijasida ular zichligi katta zarralarning ustida joylashgan bo’ladi. Inersiya kuchi va suv oqimining gidravlik kuchi ta’sirida kichik zichlikka ega bo’lgan zarralar dekaning ko’ndalang yuzasi bo’yiab zichligi katta zarralarga nisbatan tezroq harakatlanadi.
Plankalarning vazifasi - stol yuzasida mineral zarralar aralash- masini Ushlab qolish va ularni suv bilan tez yuvilib ketishiga qarshilik qilish, chunki suvning yuvish kuchi zarralarning yuzaga ishqalanish kuchidan kattaroq. Plankalar orasida mineral zarralar aralashmasining qavatlanishi sodir bo’ladi: pastki qavatda mayda og’ir zarralar,keyin yirik og’ir zarralar, mayda yengil va oxirida yirik yengil zarralar joylashadi.

31- rasm. Yirik zarrali mahsulot uchun shlyuzning sxemasi:

1-bo’shliq; 2-uyurma oqimlar; 3- shlyuz tubi; 4-mat; 5-trafaret; (J-yirik yengil zarra va uning yo’li; 7-mayda og’ir zarra va uning yo’li. I- muallaq holdagi zarralar qatlarni; II - birlamchi konsentratsiyalash qatlarni; III - oxirgi konsentratsiyalash qatlarni.

Buning natijasida birinchi navbatda suv bilan yirik yengil zarralar yuviladi. Undan keyin oqim bilan plankalar orasidan mayda yengil zarralar yuvilishni boshlaydi.

Konsentratsion stollar ishiga quyidagi omillar ta’sir qiladi:
Plankalarning balandligi.
Plankalar orasidagi masofa.
Dekaning tebranishlar chastotasi va amplitudasi.
Dekaning bo’ylama va ko’ndalang qiyalik burchagi.
Berilayotgan suv tartibi.
Stolning solishtirma ishlab chiqarish quvvati.
Plankalarning joylashishi, balandligi va ular orasidagi masofa birinchi navbatda boyitilayotgan mahsulotning xususiyatiga, shuningdek dekaning qiyaligiga, suv sarfi va tezligiga, stolning ishlab chiqarish quvvatiga bog’liq. Plankalar balandligi va ular orasidagi masofa - boyitilayotgan rudaning yirikligiga bog’liq. Odatda, rudani boyitishda plankalarning balandligi 4-15 mm, ular orasidagi masofa esa 20-45 mm ni tashkil qiladi. Mahsulotning yirikligi ortgan sari bu parametrlar ham ortadi.
Mahsulotning stol yuzasida qavatlanish samaradorligi dekaning tebranishlar chastotasi va amplitudasiga bog’liq bo’lib, u ham o’z navbatida boyitilayotgan mahsulot zichligi va yirikligiga bog’liq.
Yirik zarrali mahsulotni boyitishda mahsulot katta balandlikda joylashadi, bu holda plankalar orasida yuqoriga ko’tariluvchi kattaroq suv oqimi hosil bo’ladi va dekaning qadam uzunligi kattaroq bo’lishi talab qilinadi. Bunda deka tebranishlari chastotasi esa uncha katta boimaydigan qilib tanlanadi. Mayda zarrali mahsulotni boyitishda esa tebranishlar amplitudasi kichik, chastotasi esa katta qilib tanlanadi.
Masalan, yirikligi 3 mm li mahsulotni boyitish uchun tebranishlar chastotasi 200 min^-1, amplitudasi esa 24 mm, yirikligi < 0,5 mm li mahsulot uchun esa tebranishlar chastotasi 300-350 min^-1 ga ko’tarilib, amplitudasi esa 12-14 mm ga kamaytirilishi kerak.
Stol yuzasining ko’ndalang qiyalik burchagi ham boyitilayotgan mahsulotning yirikligiga bog’liq. Qiyalik burchagining ortishi bo’tana oqimining tezligi va suvning yuvilish tezligini ortishiga olib keladi, buning natijasida og’ir zarralar stolning yonbosh tarafiga yetib kelmasdan stol yuzasidan yuvilib, tushib ketish ehtimoli ortadi.
Mahsulot qancha yirik bo’lsa, stol shuncha ko’proq egilgan bo’lishi mumkin. Mayin zarrali mahsulot uchun stolning qiyalik burchagi minimal bo’lishi kerak. Odatda, stol yuzasining qiyalik burchagi 1-10° orasida bo’ladi.
Yuzaning qiyalik burchagi faqatgina mahsulotning yirikligiga emas, balki plankalarning balandligiga ham bog’liq. Ularning balandligi va mahsulotning yirikligi ortgan sari yuzaning ko’ndalang qiyalik burchagi ortadi.
Konsentratsion stolda boyitish samaradorligiga dastlabki mahsulot (bo’tana)ning zichligi va yuvuvchi. suvning sarfi katta ta’sir ko’rsatadi. Bo’tananing haddan ziyod suyulib ketishi og’ir minerallarning yo’qolishiga olib keladi. Stol yuzasida suvning yetishmasligi zarralar ajralishini yomonlashtiradi va ishlab chiqarish unumdorligini pasaytiradi.
Stolga kelib tushadigan bo’tananing optimal zichligi 20-25 % hisoblanadi. Yuvuvchi suvning sarfi mahsulotning yirikligi va yuzaning qiyalik burchagiga bog’liq holda belgilanadi.
Boyitilayotgan mahsulot qancha yirik bo’lsa, yuvuvchi suvning tezligini shuncha orttirish mumkin. Yuzaning qiyalik burchagi katta bo’lsa, yuvuvchi suvning miqdorini kamaytirish mumkin. Odatda, konsentrasion stolda ishlatiladigan suvning miqdori har bir tonna ruda uchun 1-2 m³ ni tashkil qiladi.
Konsentratsion stolning ishlab chiqarish unumdorligi rudaning xossasiga, yuzaning maydoniga, stolning ishlash tartibi va boshqa omillarga bog’liq bo’ladi.

Gravitatsion usulda boyitish foydali qazilmalami boyitishning eng ko‘p tarqalgan usullaridan biri hisoblanadi. Bu usul o'zining soddaligi, yuqori samaradorligi, arzonligi tufayli boshqa usullarga nisbatan ko‘proq qo‘llaniladi. Gravitatsion usulning mohiyati mineral zarralarning og‘ irlik kuchi yoki muhitning qarshilik kuchi ta’sirida tushish tezligidagi farqqa asoslangan bo‘ladi. Mineral zarralarning ajralishini amalga oshiruvchi muhit sifatida suv, havo, og'ir suspenziyalar va og‘ir suyuqliklar ishlatilishi mumkin. Barcha gravitatsion jarayonlarni bir-biridan tubdan farq qiluvchi toifaga bo‘lish mumkin: gidrostatik va gidrodinamik. Gidrostatik jarayon turli zichlikka ega mineral zarralarni og‘irlashtirgich qo‘shib og‘iflashtirilgan suv, tuzlar eritmasi va og‘ir suyuqliklarda qalqib chiqishi va cho'kishiga asoslangan. Gidrodinamik jarayon esa turli zichlikka ega bo‘lgan mineral zarralarning yuqoriga ko‘tariluvchi suv oqimi yordamida ajralishiga asoslangan. Gravitatsion usulda boyitishga quyidagilar kiradi:

1. Cho‘ktirish mashinalarida boyitish.
2. Konsentratsion stolda boyitish.
3.Vintli va konusli separatorlarda boyitish.
4. Shlyuzlarda boyitish.
5. Og'ir muhitli apparatlarda boyitish.