Mavzu: Lotin tili tarixi

Mavzu: Lotin tili tarixi

Lotin tili

Mavzu:Lotin tili tarixi.
Bajardi: Raxmonov Tolibjon
Tekshirdi: Karimova M.
FARMATSEVTIKA TALIM VA TADQIQOT INSTITUTI
Reja:
1.Lotin tilining kelib chiqishi.
2.Lotin tilining tarqalishi.
3.Lotin tilining tibbiyotga kirib kelishi.
4.Lotin tilining xozirgi kundagi axamiyati.
LOTIN TILI TARIXIDAN Lotin tili (Lingua Latina) tillar hindiyevropa oilasining italyan guruhiga taalluqlidir. U juda qadimda paydo boʻlgan. Avval bu tilda lotinlar - Italiya markazidagi Latsiya orolida yashovchilar (qabila-urug'), shuningdek, qadimgi Rimda yashovchilar va miloddan avvalgi I asrda Apenin yarim orolida Rimning italiya qabilalari hukmronligi ostidagi urugʻlari soʻzlashgan. Miloddan avvalgi III asr oʻrtalaridan boshlab lotin tili rim regionlari bilan qadimgi madaniyat oʻchoqlari boʻlmish – Yunoniston, Karfagen, Misr, Suriya va boshqalarga hamda Yevropaning oʻsha davrda madaniyati kam taraqqiy etgan qabilalariga kirib boradi. Asta-sekin lotin tili territoriyasi hozirgi Ruminiya va Portugaliya yerlarini ham egallangan ulkan Rim imperiyasining hukmron tiliga aylandi. Lekin, agar Yevropaning gʻarbiy qismida lotin tili hech qanday qabila tili qarshiligiga uchramay yetarli darajada tez tarqalgan boʻIsa, O'rta yer dengizi havzasida – Yunoniston, Kichik Osiyo, Misrda uzoqroq davr davomida yozma shakllangan, lotin tiliga nisbatan yuqori madaniyat darajasini oʻzida aks ettirgan tillar qarshiligiga uchraydi. Bu regionlarda yunon va ellin yozuvi katta rol oʻynagan. Yunonlar bilan boʻlgan aloqa- ning boshlanishidayoq rimliklar Yunonistonning yuqori darajada rivojlangan madaniyatining ulkan ta'sirini sezganlar. Yevropa tibbiyoti «otasi» Buqrot (taxm. miloddan avvalgi 460-370- yillarda) yashagan, ijod qilgan. Uning asarlarida ilmiy tibbiy atamashunoslik boshlanishi aniqlangan. cc
Buqrot oʻz asarlarida qoʻllagan atamalarning katta qismi xalqaro tibbiy lugʻatga kiritilgan. Buqrotdan soʻng qadimgi yunon tilidagi tibbiy atamashu- noslikning shakllanishida Aleksandriya tibbiyot maktabidan (miloddan avvalgi IV asr) Gerofil III (taxm. miloddan avvalgi 330- yilda tugʻilgan), Erozistrat (taxm. miloddan avvalgi 330-240- yillar), keyinroq Ruf Efesskiy (taxm. miloddan avvalgi I asr) va oʻqimishli olim, faylasuf, vrach, anatom, farmatsevt Klavdiy Galen (taxm. miloddan avvalgi 129- yillar) eng ko'p hissa qoʻshganlar. Ular Buqrot bilan birga boʻlgʻusi ilmiy tibbiy atamashunoslikka asos solganlar va uning birinchi qavatini koʻtarganlar. Antik tibbiyotni, asosan yunonlar shakllantirganlar. Rim bino boʻlgandan buyon uning madaniy hayotida Yunonistonninng tabiiy, ilmiy va tibbiy fanlari rol oʻynaydi. Juda koʻplab yunoncha va lotinlashgan soʻzlar davrlar mobaynida lotin tiliga kirdi (aër – havo, machina – mashina, philosophia- falsafa, historia – tarix, diaphragma – diafragma va boshqalar). Yunon yozuvi ta'sirida lotin alifbosi 2 harfga koʻpaydi (Y - ipsilon va Z- zet). Shu bilan birga madaniyat va fan sohasida lotin tilining roli oshib bordi. Rim olimlari va hakimlarining tabiiy va tibbiy fan masalalariga bagʻishlangan asarlari paydo boʻla boshladi. Miloddan avvalgi I asrda Korneliy Sels qomusnoma yaratgan, undan «De medicina» («Medisina haqida») traktatning 8 kitobi bizgacha yetib kelgan. Sels va undan keyin rim olim va hakimlari oʻz asarlarida yunon tilidan qabul qilingan atamalardan tez-tez foydalanib turganlar, ma'nodosh soʻzlar sifatida yunoncha va lotincha soʻzlarni teng qoʻllab turganlar. Antik davr hakimlari yunon va lotin tillarini bilishi zarur edi.
Shunday qilib, antik davrdan boshlab atamashunoslik yunon-lotin tillari asosida shakllana boshladi. Bu ikki til tibbiy atamashunoslikning butun davrlari mobaynida an'anaviy tus oldi va hozirda ham davom etmoqda. Yunoncha-lotincha ikki tillilik shu narsada yanada aniqroq koʻrinadiki, anatomik nomlar anatomik roʻyxatlarda lotincha, kasallik ro'yxatlarda kelib chiqishi yunoncha boʻlgan soʻzlar bilan beriladi. Masalan: lotincha ren - yunoncha nephros - buyrak-nefrit (buyrak yalligʻlanishi), lotincha lien - yunoncha splen - taloq-splenit (taloq yalligʻlanishi). Miloddan avvalgi IV asri oxirlarida Rim imperiyasining G'arbiy va Sharqiy (Vizantiyaning Konstantinopoldagi poytaxti bilan) qismlarga boʻlinishi yunon tilining faoliyati kengayishiga, Vizantiyada va Gʻarbda yunon yozuvi va tilining asta-sekin oʻz rolini yoʻqotishiga olib keldi. Miloddan avvalgi 476- yil G'arbiy Rim imperiyasi agʻdarilgandan soʻng ogʻzaki lotin tili asta-sekin oʻzining rasmiy rolini yoʻqota boradi. Eski roman (lot. Romanus) tillari oʻrtasidagi farq tobora kuchaya boshladi. Roman tillarining (italyan, ispan, portugal, fransuz, keyinroq yana bir qator boshqa tillar, masalan rumin, moldavan) keyingi rivojlanish davri IX asrga to'g'ri keladi. Roman tillariga asos vazifasini ogʻzaki lotin tili bajardi. Shu bilan birga adabiy lotin tili kitobiy, «ilm» tili sifatida sun'iy ravishda oʻsishni Gʻarbiy Yevropada yana 100 yillar mobaynida oʻrta asrlar davrida - oʻrta asr lotini, yuksalish (XIV-XVI asrlar) davrida gumanitar lotin nomi bilan davom ettirdi. Lotin tilida oʻqitildi, ilmiy asarlar yaratildi. Qadimgi yunon va arab hakimlari asarlari lotin tiliga oʻgirildi.
Abu Ali ibn Sino (Avitsenna (980–1037))ning «Tib qonunlari» asari XII asrdayoq lotin tiliga oʻgirilib, qariyb XVI asr oxirigacha Yevropada tibbiyotni oʻqitish uchun asosiy manba sifatida foydalanib kelindi. Yuksalish davrining insonparvar olimlari lotin tilini soxtalashtirish, dagʻallashtirishga qarshilik koʻrsatib, arab soʻzlari aralashib borayotgan toza, klassik lotin tilini saqlab qolish uchun keskin kurashib kelganlar. Hozirda aytilishi va yozilishi lotin transkripsiyasida boʻlgan yunoncha soʻzlar Erazm Rotterdamskiy (1469-1536) tomonidan ishlab chiqilgan. Yuksalish davrida lotin tili oʻz mavqeini egallab ogʻzaki va yozma axborotlarda fanning hamma sohalarida olimlarning munozara va tortishuvlarida qoʻllana boshladi. Xuddi shu davrda xalqaro tibbiy atamashunoslik lotin tili asosiga koʻchadi. Yirik italyan anatomi, ilmiy odam anatomiyasi bunyodkori Andrey (Andreas) Vezaliy (1514-1564) anatomiya fani boʻyicha dars bergan va lotin tilida oʻzining «De humani corporis fabrica» - «Inson tanasining tuzilishi» nomli klassik asarini yozgan. Vezaliy lotincha anatomik atamashunoslikning takomillashishida «toʻgʻri» sof lotin tilining qayta tiklanishida Sels asarlariga asoslanib koʻp xayrli, ibratli ishlarni amalga oshirgan. Atoqli ingliz hakimi, qon aylanish tizimini kashf etgan Uilyam Garvey (1578-1657) oʻzining «Exercitatio anatomica de motu cordis et sanguinis in animalibus» – «Hayvonlarda yurak va qon harakati borasida anatomik tadqiqot» asarini lotin tilida yozgan. Lotin tilida Yevropa mamlakatlarining atoqli mutafakkirlari, faylasuflari, olimlari, hakimlari: F.Bekon, T.Moor, M.Malpigi, T.Gobbs, I.Nyuton, R.Dekart, G.V.Leybnis, N.Kopernik, K.Linney va koʻplab boshqalar oʻz asarlarini yozib qoldirganlar.
Rossiyada fanning dastlabki qadamlari lotin tilida bitilgan asarlarning tarjimasi bilan ham bogʻliq. Rus ma'rifatchi olimi Yepifanit Slavineskiy, ma'lumotlariga qaraganda, Andrey Vezaliyning anatomiya haqidagi asarining qisqartirilgan variantini Rossiyada eng birinchi tashkil topgan tibbiyot maktabi oʻquvchilari uchun tarjima qilgan. M.V.Lomonosovning ko'pgina asarlari ham lotin tilida yozilgan. Rus tarjimonlari rus tibbiy atamashunosligi yaratilishida faol mehnat qilganlar, Rossiyada birinchi anatom professor, akademik F.P.Protasov rus tilidagi anatomik atamashunoslikka asos soldi. Rivojlanib borayotgan rus tibbiy atamashunosligida ilmiy atamalarni qoʻllash va tartibga solishda XVIII asr rus hakimi va ma'rifatchisi N.M.Maksimovich-Alebadik xizmat koʻrsatgan. XVIII asrda lotin tili Yevropa ilm-fanida ommaviy tan olingan til sifatida milliy tillar bilan birgalikda fan tarkibiga kirib ketdi. Hatto XIX asr oʻrtalarida ham tibbiyot borasidagi ko'plab asarlar lotin tilida yozilar edi. Masalan: Rus xirurgi N.I.Pirogov (1810-1881)ning operativ xirurgiya va topografik anatomiyaga oid («Muzlatilgan murda ustida uch yo'nalishda oʻtkaziladigan aralash topografik anatomiya», 1889) asari va boshqalar. Atoqli rus farmakologi I.Y.Dyadkovskiy oʻzining mashhur «Odam tanasiga dori-darmon ta'sir etishi usullari» nomli dissertatsiyasini lotin tilida yozib, himoya qilgan. 1865- yilgacha rus fuqaro va harbiy farmakopeyalari lotin tilida bosib chiqarildi. Kasallik tarixi ham lotin tilida yozilar edi. Shunga qaramay, XIX asrda lotin tili ilmiy, yozma, kitobiy muloqotning xalqaro vositasi sifatida hamma joylarda milliy tillarga o'z o'rnini boʻsha- tib berdi.
Lekin shu bilan birga nominatsiya (lot. nominatio - ism, nom, atama) uchun xalqaro vosita sifatida oʻz funksiyasini saqlab qoldi. Nominatsiya mikrobiologiya, qisman patologik anatomiya va klinik fanlar hamda farmakologiya, farmakoterapiya fanlarida tushuncha va obyektlarni bildiruvchi nomlardir. Qadimgi yunon va lotin tillarining leksik va so'z yasovchi boyliklari (oʻzak, prefiks, suffikslar) hozirgi kunda ham minglab atamalar yasash uchun qurilish materiali boʻlib xizmat qiladi. Ularning ko'pchiligi baynalmilal soʻz boʻlib, ikki, uch, undan koʻp tillardagi bir xil ma'noni ifodalash uchun qoʻllanadi. Agar meditsina, gigiyena, sanitariya, ortodontiya, stomatologiya, patologiya, patogenez, etiologiya, remissiya, retsidiv, abssess, kardiografiya, terapiya, xirurgiya, infeksiya, simptom, sindrom kabi minglab baynalmilal yunonizm va lotinizmlar bo'lmaganda, turli mamlakat hakimlari va olimlari bir-birini qanday tushungan boʻlardi, tasavvur etish ham qiyin.
ETIBORINGIZ UCHUN KATA RAXMAT
http://fayllar.org