Mehrjon bayrami tadbiri syenariysi

(Anor)
Oramizda
Yo’q baxil,
Bir uyda ming
Do’st ahil.
( Uzum)
Biz bir shoda uzummiz
Onam qo’shsak uzunmiz.
Kuz fasliga g’arq bo’lib
Pishgach quvatga to’lib
Asal bo’lgan uzummiz.
( Anjir)
Kecha-kunduz uxlamay,
Meva tugdim gullamay.
Mevam o’zi gulchadir,
Tillo rangli kulchadir.
G’odaymayman, sipoman.
Ko’p dardlarga shifoman.
Meni yesa Mutallib,
Yurmas edi yo’talib.

( Nok)

Nok mevalar asili,
Erta pishar hosili.
Shirinligi xuddi bol,
Pishganini terib ol.

(Shaftoli)
Ko’pligidan shaftoli
Shoxi yerga bukilar,
Tirgovuchlar ushlolmay
Shamol tursa, to’kilar.

(Yong’oq)
Aslim so’rsang,
Tog’likman.
Ismim- yong’oq
Yog’likman.

( Apelsin)
Shaklim yapaloq emish,
Xushbo’y hidim bor emish.
Yesang danagim bilan
Hamma uchun zo’r mish-mish.

2”B” sinf o’quvchilari poliz va dukkakli o’simliklar ko’rinishida chiqib kelishadi.

(Qovun)
Bir karjini yeb ko’ring,
Shirin-shakar qovunman
Polizlarni yashnatgan
Ola chipor qovunman.

( Tarvuz)
Dum-dumaloq shaklim bor,
Hamma joyda sevishar,
Mazam ham rosa shirin
Shifobaxsjhligim bilgin.

(Qovoq)
Chiroyli taram-taram,
Somsalar yopar xolam.
Semiz deya kulmangiz,
Mag’zim shirin yesangiz.

( Piyoz)

Yerga chuqur botsam men,
Berkinvolib yotsam men,
Izlab topdi oshpazlar,
Meni chopdi oshpazlar.
Yig’lamadim-Polvonman...
Lekin juda hayronman:
Oshpazlarning o’zlari
Nega yoshlar ko’zlarin?

( Turp)
Bir taxta eksam turp,
Chiqdi yerdan yugurib.
Qo’shquloq, shalpangquloq,
Mevasi dum-dumaloq.
Yesam qars-qars, xuddi nok,
Ta’mi yoqar odamga,
Osh oldidan bir tovoq
Qirib berdim dadamga.

Ekinlar o’zlari haqidagi she’rlar aytib bo’lgach, o’rtaga ”Paxtaoy”- tashrif buyuradi.

Men Paxtaoy bo’laman,
O’ynab zavqqa to’laman.
Terib olar paxtakor,
Xirmonlarda men tayyor.
Sahnaga ”Kuz – faslim” ijrosidagi ikkala sinf qo’shigi yangraydi.

1-boshlovchi: endi sahnaga 2”A”sinf o’quvchilari ishtirokidagi ”Oltin kuz” va 2”B” sinf ”Oltin yaproq” jamoasini taklif qilib, ular bilimi va chaqqonligini ”Ko’bik” metodidan foydalanib sinab ko’ramiz. (Bu metodning sharti: bo’laklarga ajratilgan meva va poliz ekinlaridan birining tasvirini yaxlit holatga keltirish talab etiladi.)
2-boshlovchi
II – Shart. Zanjir metodi yordamida ”Kuzdagi tabiat o’zgarishlari” ni ikki guruh jamoa a’zolari vakillari oxirgi kelgan harfdan davom ettiradi.
Masalan: Yaproq, Quyosh, shamol…kabi.