Siniflərə ayırma dedikdə ovuntunun hissəciklərinin ölçüsünə görə fraksiyalara ayrılması başa düşülür.Çünki elə ölçüyə malik hissə-ciklər ola bilər ki,ondan müəyyən məqsədlər üçün istifadə etmək fayda-sız olardı.Odur ki,onu əlavə emal növlərinə uğdaraq lazımi xassə və xarakteristikalar yaradırlar.
Ovuntu metallurgiyasında ən çox ələk qurğusu ilə siniflərə ayır-ma növündən istifadə edirlər.Belə qurğulardan biri şəkil 1-də göstəril-miş vibrasiyalı ələk adlanan qurğudur.Belə ələklərin məhsuldarlığı, əsa-sən,yüksək olur və ələklərin kəmərinin diametrinin qiymətindən asılı-dır. Son vaxtlar digər növ mexaniki vibroələklərdən də istifadə edilir.
Bişmiş məmulatların hazırlanmasında ən vacib əməliyyatlardan biri də ovuntunun qarışdırılması prosesidir.Verilmiş tərkibli şixtəni xü-susi qarışdırıcı qurğularda hazırlayırlar.Qarışığın bircinsliliyini təmin etmək çox vacibdir,çünki qatışığın bu xassəsindən son məhsulun xassə-si əsaslı dərəcədə asılıdır.Şixtənin bircinsliliyi çoxlu amillərdən asılı-dır, qarışdırmanın metod və aparılma müddətindən,qranulometrik tərkib və ovuntunun sıxlığından və s. Kürəvi dəyirmanlarda komponentlərin mexaniki qarışdırılması geniş yayılmışdır.
Kürəvi fırlanan dəyirmanlarda qarışdırma zamanı qatışığın key-fiyyəti barabanın fırlanma sürətindən, üyüdücü cismlə şixtənin kütlələri nisbətindən, üyüdücü cismin diametrindən və barabanın doldurma dərə-cəsindən asılıdır.Ən yaxşı nəticələr fırlanma sürətinin qiyməti kritik sü-rətin 20-40% həddində olduqda, şixtənin və kürələrin kütləcə nisbəti 1/1-ə kürələrin diametrləri 10-15 mm olduqda alınır.Əgər qarışdırma zamanı ovuntunun üyüdülməsi yolverilməz sayılarsa, onda digər növ qarışdırıcılardan istifadə olunur.
