Microsoft power point programmasi reje: Power Point programması haqqında qisqаshа mag’lıwmat

Prezentaciyalardı saqlaw. Jaratılg’an prezentaciyalar fayllarda saqlanadı. Saqlaw usılı Windows tin’ basqa programmalarına uqsas a’melge asırıladı. Prezentaciyalardı saqlaw to’mendegi usılda orılanadı:

Standart u’skeneler panelindegi saqlaw (piktogram­ması) tu’ymesi basıladı ya’ki gorizontal menyuden «Файл»—«Сохранить» buyrıqları beriledi. Sonda to’mendegi baylanıs aynası payda boladı ha’m onda izbe-iz to’mendegiler a’melge asırıladı.

1. Saqlaw ushın fayl atı ha’m papkası ko’rsetiledi.

2. «Сохранить» tu’ymesi basıladı.

Microsoft Power Point programmasında jaratılg’an hu’jjet saqlang’an waqıtta fayl ken’eytpesi Microsoft Power Point 2003 ke shekemgi versiyalarında *.ppt, al Microsoft Power Point 2003 ten keying versiyalarında *.pptx boladı.

Prezentaciyalardı redaktorlaw. Prezentaciyalardı saqlag’annan son’ onın’ quramındag’ı barlıq slaydlardı ayrıqsha-ayrıqsha o’zgertiw mu’mkin. Bunın’ ushın jaratılg’an slaydlarg’a tıshqansha ko’rsetkishi alıp kelinedi ha’m tu’ymesi basılıp tastıyıqlang’annan son’ kerekli o’zgerislerdi kiritiw mu’mkin boladı.

Taza slayd qoyıw. Prezentaciyag’a taza slayd qoyıw ushın Главная vkladkasınan Слайды bo’limine kirip, Создать слайд a’mellerin orınlaw kerek. Son’ kerekli slayd maketin tan’law kerek.

17 - su’wret. Slayd du’zilisin anıqlaw

Slaydlardı belgilew. Slaydlardı belgilewdi qollap su’wret, diagramma, tablica ya’ki Windowstın’ qa’legen obiektin kiritiwdi mo’lsherlep slayd tan’law mu’mkin. Usınılıp atırg’an slaydlardan kerekli ko’rinistegi slayd tan’lanadı ha’m OK tu’ymesi basıladı.

• Slaydlardı kishireytiw ushın tekst blogı tan’lanadı ya’ki obiekt ha’m tan’law markeri shegaraları tan’lanadı.

• O’zgertiw kiritiw ushın tıshqanshanın’ on’ tu’ymesi basıladı. Ekranda ja’rdemshi (kontekstli) menyu payda boladı. Menyuden kerekli rejim tan’lap alınadı.