Microsoft Word al adab oqshom ziyouz com doc

298-bob. Shamolni so'kmaslik haqida 
740-hadis. Ubay ibn Ka'b (r.a.) aytdilar: "Shamolni so'kmanglar, agar uvda bir 
yoqtirmaydigan narsani sezsangiz: "Allohim, Sendan ushbu shamolni xayrlisi va undagi 
narsaning xayrlisini hamda u keltirgan narsaning xayrlisini so'rayman hamda bu 
shamolning yomonligidan, undagi narsaning zararidan va u keltirgan narsaning 
yomonligidan panoh so'rayman", denglar". 
741. Abu Hurayra (r.a.) aytdilar: "Rasululloh (s.a.v.): "Shamol Allohning ruhidandir, u 
azob yoki rahmat olib keladi, shuning uchun uni so'kmangiz. Lekin Allohdan uning 
xayriyatini so'rang va zararidan panoh tilang", dedilar". 
299-bob. Chaqmoq chaqqanda va yashin yarqiraganda o'qiladigan duo 
742. Salim ibn Abdullohning otasi aytdi: "Rasululloh (s.a.v.) chaqmoq chaqishini ko'rib, 
momaqaldiroq ovozini eshitsalar: "Ey, Allohim, momaqaldirog'ing bilan bizni o'ldirmagin, 
azobing bilan bizni halok qilmagin, bulardan avval bizga ofiyat bergin", der edilar". 
300-bob. Momoqaldiroq guldiraganda o'qiladigan duo 
743. Ikrima (r.a.) aytdilar: "Ibn Abbos (r.a.) mo-maqaddiroq ovozini eshitsalar: "Men 
madh etayotgan Zot (Alloh) barcha nuqsonlardan pokdir. Shubhasiz mo-maqaddiroq 

---

Al-adab al-mufrad. Imom Ismoil al-Buxoriy 
www.ziyouz.com kutubxonasi 
116
xuddi cho'pon qo'yning bo'ynidan qanday tutsa, yomgarni ana shunday tutib, olib 
keladi", der edilar". 
744. Omir ibn Abdulloh ibn Zubayr aytdilar: "Abdulloh ibn Zubayr (r.a.) momaqaddiroq 
gumburlashini eshitganda, har qanday gapdan va ishdan to'xtab: "Momaqadlroq (ham) 
Unga hamd bilan tasbih aytur" (13:13), degan oyatni o’qirdilar. 
301-bob. Allohdan ofiyat so'rash haqida 
745. Avsat ibn Ismoil rivoyat qildilar: "Abu Bakr Siddiq (r.a.) Payg'ambar (s.a.v.) 
vafotlaridan key-in shunday dedilar: "O'tgan yili Rasululloh (s.a.v.) mana shu men 
turgan joyda turib...", dedilarda yig'lab yubordilar. "So'ng shunday degan edilar", deya 
Rasululloh (s.a.v.)ning so'z-larini yetkazdilar: "Sizlarga haqiqatguylikni, samimiylikni 
vasiyat qilaman, zero u yaxshilik bilan birga bo'lib sizlarni jannatga olib boradi. 
Yolg'ondan saklaning, zero u buzg'unchilik bilan birga va do'zaxga olib boradi. Allohdan 
ofiyat so'rang, albatta, ofiyatdan ko'ra yaxshiroq narsa ato etilgan emas. O'zaro nizo 
chiqarmang, bir-biringizga dushman bo'lmang, bir-biringizga hasad qilmang va bir-
biringizdan nafratlanmang. Allohning aka-ukadek ahil, inoq bandalari bo'ling!" 
746. Muoz ibn Jabal (r.a.) aytdilar: "Rasululloh (s.a.v.) bir kishining yonidan 
o'tayotganlarida u: "Allohim, men Sendan ne'matlarning mukammalini so'rayman", deb 
duo qilardi. Ul zot undan: "Ne'matlarning mukammali nima, bilasizmi?" -deb so'radilar. 
So'ng o'zlari: "Ne'matlarning mukammali jannatga kirish va do'zax olovidan qutilishdir", 
dedilar. Ul zot yana bir odamning yonidan o'tib ketayotsalar, u: "Allohim, men sendan 
sabr berishingni so'rayman", derdi. Rasululloh (s.a.v.) unga: "Sen Parvardigordan balo 
so'rading-ku, undan ofiyat so'ragin", dedilar. Yana bir odamning oddidan o'tib 
ketayotgan edilar, u: "Ey, barcha buyuklik va fazlu karam sohibi!.." deyotganda, unga 
qarab "So'rang", dedilar. 
747. Abbos ibn Abdulmuttalib (r.a.) aytdilar: "Men: "Yo Rasulalloh (s.a.v.), Allohdan 
so'rab, duoqirdilar".qilishim uchun biror nima o'rgating", dedim. Ul zot: "Ey, Abbos, 
Allohdan ofiyat so'rang", dedilar. So'ngra biroz kutib turib yana keldim-da, Allohdan 
so'rab duo qilishim uchun biror nima o'rgating, yo Rasulalloh, deganimda: "Ey, Abbos, 
ey, Rasulullohning amakisi, Allohdan dunyo va oxiratda ofiyat so'rang", dedilar".