Microsoft Word Azf-285346. doc
Yüklə 1,3 Mb. Pdf görüntüsü
|
- Bu səhifədəki naviqasiya:
- İzahat vərəqi
|
doktoru, dosent.
Tərbiyə prosesinin hüquqi-normativ əsasları. Magistr hazırlığı təhsil pilləsi üçün nəzərdə tutulmuşdur.. Bakı, ADPU, 2015, 29.səhifə
3
Azərbaycan Respublikası milli müstəqilliyinə qovuşduqdan sonra keçən müddət ərzində ölkəmizdə istər milli dövlətçilik sahəsində, istərsə də sosial-iqtisadi və mədəni quruculuq sahəsində əsaslı islahatlara başlanılmış və islahatların aparılmasının hüquqi- normativ bazası yaradılmışdır. Müstəqil dövlət quruculuğunda aparıcı amillərdən biri olan milli təhsil sahəsində də islahatların zəruriliyi respublikanın sosial-iqtisadi, ictimai-siyasi və dövlət quruculuğunda baş vermiş köklü dəyişikliklərlə bağlıdır. Təhsil Sahəsində İslahatlar Proqramı demokratikləşdirmə, humanistləşdirmə, inteqrasiya, diferensiallaşdırma, fərdiləşmə, humanitarlaşma prinsiplərinə əsaslanaraq, təhsil alanın şəxsiyyət kimi formalaşdırılmasını, onun təlim-tərbiyə prosesinin əsas subyektinə çevrilməsini başlıca vəzifə hesab edən bütün qurumların fəaliyyətini təhsilalanın mənafeyinə xidmət məqsədi ətrafında birləşdirən yeni təhsil sisteminin yaradılması zərurətini doğurdu. Respublikada aparılan təhsil islahatları, Boloniya təhsil prosesinə keçid, təhsil prosesində baş verən yeniliklər, təhsilimizin dünya standartlarına uyğunlaşması, xüsusilə ali pedaqoji təhsilin ardıcıl olaraq təkmilləşdirilməsi yüksək ixtisaslı, səriştəli müəllim kadrlarının hazırlığına, məktəbdə təlim və tərbiyə işlərinin təşkilinə yeni qaydalarla yanaşmağı tələb edir. Cəmiyyətdə insanların bir yerdə sülh şəraitində və hörmət çərçivəsində yaşaması üçün riayət edilən qaydaların bir qismi xalqın içində yaşanılan təcrübələrdən qaynaqlanaraq formalaşır. Digəri isə dövlət tərəfindən qəbul edilir və cəmiyyətdə, dövlət idarələrində çalışanların münasibətlərini müəyyən edir, etik davranış qaydalarına əməl olunmasını, davranışın hüquqi tənzimlənməsini təmin edir. Bu qaydalar hüquqi normativ sənədlərlə tənzimlənir. Təlim və tərbiyəyə dair hüquqi normativ sənədlər təhsil işçiləri üçün, müəllimlər üçün rəhbər pedaqoji sənəd hesab edilir. Bu sənədlərdə məktəblilərin, gənclərin tərbiyəsinə dair qanun 4 səviyyəsində tələblər qoyulur, vəzifələr göstərilir, istiqamətlər müəyyənləşdirilir. Dövlətin funksiyalarından biri olan təhsil məktəb sistemi, təhsil şöbələri vasitəsilə həyata keçirilir. Hər bir dövlət məktəblərin qorunması, fəaliyyəti və inkişafı üçün məsuliyyət daşıyır. Çünki məktəb gələcəyimizi müəyyən edəcək olan nəslin formalaşmasında mühüm rol oynayan müəssisədir. Həyatları boyu lazım olacaq bir çox şəxsi keyfiyyətlər, cəmiyyətdəki davranış qaydaları məhz məktəbdə aşılanır. Gənc nəslin formalaşmasında əsas şəxslərdən biri olan müəllim, müəllim-şagird münasibətlərini ədalət zəminində, pedaqoji əsaslar üzərində formalaşdırması xüsusi əhəmiyyət kəsb edir.
Hüquqi əsaslara vaqif olan müəllimlər, təhsil işçiləri münasibətləri daha düzgün, hörmət çərçivəsində, müasir tələblərə uyğun qurmalıdır. Gənc nəslin təlim və tərbiyə işlərinin milli zəmin üzərində qurulması, milli-mənəvi ruhda tərbiyəsi, tariximizin, mədəniyyətimizin, pedaqoji fikrimizin, zəngin mənəvi irsimizin öyrənilməsi “Tərbiyə prosesinin hüquqi normativ əsasları“ fənninin tədrisinin aktuallığını şərtləndirən əsas amillərdən biridir. Bu kursun başlıca məqsədi ilk növbədə magistr pilləsində təhsil alan magistrantları, və ümumiyyətlə isə təhsil işçilərini, təhsillə məşğul olan insanları, habelə pedaqoji tədqiqatçıları təhsil, tərbiyə işlərinə dair hüquqi normativ əsaslarla tanış etmək, bu əsaslar üzərində pedaqoji bilik, bacarıq və vərdişlər formalaşdırmaq, praktik pedaqoji fəaliyyətdə hüquqi – normativ sənədlərə əsaslanaraq onlardan istifadə etmək bacarıq və qabiliyyətləri formalaşdırmaqdır. Saatlar şərti xarakter daşıya bilər. Bəzi ali məktəblərdə, ixtisas qruplarında fərqli saatlar ola bilər. Bu baxımdan saatların bölüşdürülməsi, artırılıb və ya azaldılması, yaxud da mövzuların birləşdirilməsi ixtisas kafedrasının səlahiyyətinə daxildir.
Yüklə 1,3 Mb. Dostları ilə paylaş:
|