|
Dəst-biçim üsulu iş yerlərində materialların (metalın, parçanın, dərinin və s.)
sərf edilməsinin uçotunu aparmaq və ona nəzarət etmək üçün tətbiq edilir. Bu
üsulun mahiyyəti ondan ibarətdir ki, biçim nəticəsində məhsulun hər hansı
detalını və ya hissəsini hazırlamaq üçün iş yerlərinə verilmiş hər bir dəst material
üzrə normalardan kənarlaşmaları aşkar etməkdən ibarətdir. İlkin sənədlərdə
(biçim vərəqələrində, kartlarında və s.) bisim üçün iş yerlərinə verilən materilların
xarakteristikası və miqdarı, istifadə olunmamış (qaytarılmış) materialın miqdarı,
həqiqi çəkilmiş məsrəf, elcə də materialın məlum dəstindən tədarük olunmuş detal
və hissələrin adı və miqdarı, onların hər vahidinə təyin edilən məsrəf norması,
normalar üzrə bütün detal və hissələrə çəkilən məsrəflər, normalardan,
kənarlaşmalar haqda məlumatlar göstərilir. Biçim nəticəsində iş yerində hər bir
dəst materialdan hazırrlanmış tədarük hazırlıq (detal, hissə və s.), texniki nəzarət
şöbəsində yoxlanıldıqdan sonra biçim vərəqində müvafiq qeydiyyatlar aparılır.
Materialın bir hissəsinin istifadə edilməsi hallarında istifadə edilməyən hissə
qədər həqiqi material məsrəfləri azaldılır.
Alınan tədarük-hazırlığın miqdarını məsrəf normasına vurmaqla müvafiq
detal dəstinə tələb olunan normativ material sərfini müəyyən etmək olar.
Normativ material məsrəfini həqiqi məsrəflə müqayisə etməklə normadan
kənarlaşmaları aşkar etmək olar.
Dostları ilə paylaş: | 
