Microsoft Word mulki huquq doc

8. Müsadirə 

Ə

mlak üzərində mülkiyyət hüququna xitam verilməsi üsullarından biri müsadirədir. Bu üsul MM-in 212-ci 

maddəsində nəzərdə tutulmuşdur. Əvvəljə onu qeyd edək ki, müsadirə həczdən, əsasən, üç xüsusiyyətinə görə 

fərqlənir. Birincisi, əgər həcz zamanı əmlak mülkiyyətçidən onun dəyəri ödənilməklə alınırsa, müsadirə üsulu 

ilə əmlak əvəzsiz olaraq, dəyəri ödənilmədən dövlət mülkiyyətinə keçir.  kincisi, əgər həcz cəmiyyətin mənafe-

yi və xeyrinə olaraq tətbiq edilirsə, müsadirə mülkiyyətçinin törətdiyi hüquq pozuntusuna görə müəyyən edilir. 

Üçüncüsü, həcz halında əmlak səlahiyyətli müvafiq dövlət orqanının (AR Nazirlər Kabinetinin), müsadirə za-

manı isə məhkəmənin qərarı ilə alınır. 

Müsadirə  dedikdə,  qanunda  nəzərdə  tutulmuş  hallarda  mülkiyyətçidən  əmlakın  törədilmiş  cinayətə  görə 

sanksiya şəklində məhkəmənin hökmü ilə əvəzsiz alınması başa düşülür (MM-in 212-ci maddəsi). 1964-cü il 

MM-də (142-ci maddə) müsadirəyə hüquq pozuntusu üçün sanksiya şəklində mülkiyyətçidən əmlakın əvəzsiz 

qaydada  alınması  kimi  anlayış  verilirdi.  «Mülkiyyət  haqqında»  qanunun  6-cı  maddəsinə  görə,  qanunvericilik 

aktlarında nəzərdə tutulmuş hallarda əmlakın mülkiyyətçidən cinayət törədilməsinə və ya digər hüquq pozuntu-

suna görə sanksiya şəklində məhkəmənin, arbitrac məhkəməsinin və ya səlahiyyətli başqa dövlət orqanının (və-

zifəli şəxsin) qərarı ilə alına bilməsi müsadirə sayılırdı. Bu qanun yeni MM-dən fərqli olaraq, müsadirənin həm 

də inzibati qaydada tətbiq edilməsini nəzərdə tuturdu. Burada müsadirənin tətbiq edilməsini şərtləndirən əsas 

kimi təkcə cinayət əməli yox, həm də digər hüquq pozuntusu götürülürdü.  

Yeni MM-də müsadirəyə verilən anlayışı bir o qədər də uğurlu hesab etmək olmaz. Ona görə ki, müsadirə