Microsoft Word saylanma abdulla oripov ziyouz com doc

SHOIR UMRI 
Daraxtni hamisha o‘raydi shamol, 
Shoirni tashvishlar chulg‘ar hamisha. 
Sen shoir umrini dema bezavol 
Uning ham har oni tashvishga pesha. 
Qara-ya, o‘tibdi qirq yil muttasil, 
Yashabman yulduzlar ostida karaxt. 
Oh, shoir umriga havas qilmagil, 

---

Saylanma. Abdulla Oripov 
 
 
www.ziyouz.com kutubxonasi 
8
U quyun ichida ungan bir daraxt. 
1981 
* * * 
Yerdan o‘zga joyda hayot yo‘q emish, 
Yo‘q emish samoda biror-bir jonzot. 
Olimlar shundayin qarorga kelmish, 
Sira ajablanmang bu holdan, ustod. 
Ular xo‘p tinchibdi, tolei kulib, 
Asli yo‘q narsani axtarmoq bekor. 
Men esa to hanuz umidga to‘lib 
Izlayman zaminda do‘sti vafodor. 
1981