Dr.Musa’s Library Facebook/Psixologiya Kitabları 3
Mövzu 1. Sosial psixologiyanın obyekti və predmeti Plan: 1. Sosial psixologiyanın tədqiqatın obyekti və predmeti.
2. Psixi həyatın sosial kökləri: interpsixika fenomeni.
3. Sosial psixologiyanın tərifi
4. Sosial psixologiyanın bölmələri
5. Elmlərin təsnifatı; sosial psixologiya və həmsərhəd elmlər.
6. Sosial psixologiyanın problemləri və vəzifələri
1. Sosial psixologiyanın tədqiqat obyekti və predmeti problemi. Hər bir elm haqqında söhbət açarkən, ilk növbədə, diqqəti iki anlayış cəlb edir: biri elmin obyekti, digəri isə elmin predmeti və ya mövzusudur.
Elmin obyekti - onun tədqiq etdiyi obyektiv reallıq nəzərdə tutulur. Məsələn, müasir
dövrdə insanı öyrənən 200-ə qədər elm sahəsi vardır. Başqa sözlə, insan müxtəlif elmlərin
tədqiqat obyektidir. Məhz buna görə də elmlər öyrəndikləri obyektə görə deyil, əsasən
predmetlərinə görə bir-birindən fərqlənir. Hər bir elmin, o cümlədən insanı öyrənən elm
sahələrindən hər birinin özünəməxsus predmeti vardır.
Elmin predmeti - onun öyrəndiyi sahəyə, öz obyektinə hansı baxımdan, hansı nəzəri və
ya praktik cəhətdən yanaşması nəzərdə tutulur. Elmin predmeti - onun öz obyektinə yanaşma
tərzini, başqa sözlə, tədqiqat metodlarını da təyin edir və müəyyən anlayışlar sisteminin köməyi
ilə şərh olunur.
Sosial psixologiyanın predmetini nə təşkil edir? Sosial psixologiya - ayrı-ayrılıqda sosial
və ya psixoloji hadisələri öyrənmir. Onun fenomenologiyasını sosial-psixoloji hadisələr təşkil
edir.
