Odatda ishni bunday tashkil qilish kichik va o’rta quvvatli kichik xajmli va modellar tez o’zgarib turadigan oqimlarda qo’llaniladi.
8-MA’RUZA. Mavzu: TIKUV BUYUMLARNI ISHLAB CHIQARADIGAN TEXNOLOGIK JARAYONNI LOYIHALASH BOSQICHLARI. (2-soat)
Reja: 1. Texnologik jarayonlarni loyihalashga qo’yiladigan umumiy talablar. 2. Tikuv buyumlarni ishlab chiqaradigan texnologik jarayonni loyihalash bosqichlari.
Texnologik jarayonlarni loyihalashga qo’yiladigan umumiy talablar.
Tikuvchilik sanoatida ishlab chiqarish jarayoni bir nechta bosqichlardan iborat. Ulardan biri tikuv sexida amalga oshiriladi.
Tikuv sexini texnologik jarayonlarini tashkil etish va loyixalashda quyidagi ishlar bajariladi:
- ilmiy –tadqiqot ishlar, ya’ni ishlab chiqarishga yangi modelni texnologik va konstruktiv tayyorlash;
- texnologik, ya’ni zamonaviy texnologiyalarni qo’llab, buyum tikish tartibini ishlab chiqish;
- buyum tikish uchun asosiy va qo’shimcha materiallarni tanlash;
- tashkiliy ishlar, ya’ni zamonaviy eng samarali ishlab chiqarish oqimlarini qo’llash;
- yangi texnika va texnologiyalarni o’rganish va qo’llash, ishchilar malakasini oshirish.
- ish sharoiti xavfsiz va ozoda bo’lishi, og’ir hamda qo’l mexnati sarf bo’ladigan ishlarini mexanizatsiyalashtirishni nazarda tutish.
Ishlab chiqarishga yangi modellarni tayyorlashda ularni bir vaqtda bitta oqimda tikilishi ko’zda tutiladi. Buning uchun yaratilgan modellar bitta konstruktiv asosda bo’lib, tikish texnologiyasi o’xshash bo’lishi kerak. Modelllar assortimenti keng va mavsumga qarab o’zgarib turishi talab etiladi.
Texnologik jarayonlarni loyixalashda mexnat unumdorligini oshirishga, mahsulot sifatini yaxshilashga, ishlab chiqarish maydoni va texnikadan to’la foydalanishga alohida ahamiyat berish kerak. Uskunalarga xizmat ko’rsatish va ta’mirlashni yengilashtirish maqsadida ularni unifikatsiyalashga intilish kerak. Zamonaviy uskunalar va texnologiyani qo’llash, texnologik jarayonlarni mexanizatsiyalashtirish va avtomatlashtirish qo’l ishlarini kamaytirishga imkon beradi.
