Минг бир саволга минг бир жавоб

588. S: Garmonik rivojlanish
J: Har tomonlama kamolot , uyg‘un sifatda voyaga yetish, har tomonlama mutanosib kamol topish. “Garmoniya” nazariyasi qadimga Yunonistonda paydo bo‘lgan.
589. S: Dars tiplari
J: Darslar maqsadi, tuzilishi, qo‘llaniladigan usul, uslublari, o‘quv vositalari asosida ma’lum tiplariga ajratiladi .

1. 
   O‘quvchilarni yangi materiallar bilan tanishtirish darslari.
   
2. 
   Bilimlarni mustahkamlash darslari.
   
3. 
   Materiallarni umumlashtirish va tartibga solish darslari.
   
4. 
   Ko‘nikma va malakalarni shakllantirish va mustahkamlash darslari.
   
5. 
   Nazorat darslari.
   
6. 
   Aralash darslar.
   

Har qanday dars tipi ko‘rinishida tashkil etilishi mumkin. (ekskursiya, labaratoriya ishlari, seminar, ma’ruza)
590. S: Darslarga nisbatan talablar.
J: Darsning samaradorligini oshirish yuqori natijalarga erishish uchun quyidagi talablarga rioya etish zarur:

1. 
   Har bir darsda ta’limiy, tarbiyaviy va shaxsni rivojlantirish maqsadlari yaxlitligini ta’minlash;
   
2. 
   Har bir dars didaktik qonuniyat, tamoyil va qoidalar, eng avvalo ta’limning ilmiyligi, xayot bilan bog‘lanishi asosiga qurilish;
   
3. 
   Har bir dars o‘zining aniq ta’limiy, tarbiyaviy va shaxsni har tomonlama rivojlantirish maqsadga ega bo‘lish;
   
4. 
   Darsning har bir bosqichida o‘quvchilarning o‘quv –bilim faoliyatini oshiruvchi xilma xil usul, uslub, vositalardan foydalanishi;
   
5. 
   Darslar o‘quvchilarning hissiy holatlarini kuchaytirishga ta’sir etish orqali yangi, muhim bilim, ko‘nikma va malakalarini oson, samarali o‘zlashtirib olishlarini ta’minlash;
   
6. 
   Ha bir darsda o‘quvchilarni bilim, ko‘nikma, malakalarini doim nazorat etish va baholashni amalga oshirish;
   
7. 
   Har bir dars o‘quvchida, o‘qituvchida Fan texnika madaniyat tajribalar sohasidagi yangiliklarni egallab olishga intilish, erishilgan natijalardan quvonish, ma’naviy qoniqish, mustaqil bilim olishga qiziqishlarini o‘stirishi;
   
8. 
   Har bir dars didaktik va texnik jihatdan optimal jihozlangan bo‘lishi;
   
9. 
   Har bir darsda doim bilim, ko‘nikma va malakalarni mustahkamlab, takrorlab borish;
   
10. 
    Har bir darsni boshqa o‘quv predmetlari darslar bilan bog‘lanishini ta’minlash;
    
11. 
    Har bir darsda samarali natijalarga erishishga intilish;
    
12. 
    Dars davomida o‘quvchilarni o‘quv mehnati, intizomini ta’minlashga erishish;
    
13. 
    Har bir dars o‘zining tarkibiy qismlari bilan ajralib turish;
    
14. 
    Har bir dars muayyan nisbiy yo‘nalishiga, o‘rganilayotgan materialini o‘quv, bilim, mehnat faoliyatini qaysi sohasida qo‘llanishini ko‘rsatishga yo‘naltirilgan bo‘lishi;
    
15. 
    Uy va o‘quv topshiriqlari samaradorligi va uning natijasini doimiy tekshirib borish;
    
16. 
    Har bir darsda ijodiy, ma’naviy, axloqiy, ruhiy va sanitariya-gi gigienik shart –sharoitlarini yaratish.