Tadbirkorlik huquqiy munosabat obyektlari: 1) ashyolar, pul va qimmatli qog‘ozlar, o‘zga mol-mulklar; 2) subyektning sodir etishi shart bo‘lgan harakatlari; 3) huquq subyektining faoliyati; 4) tadbirkorlik faoliyatida foydalaniladigan nomulkiy ne’matlar (firma nomi, tovar belgisi, tijorat siri va boshqalar) hisoblanadi.
Tadbirkorlik munosabatlarining birinchi guruhi bevosita mahsulot ishlab chiqarish, ish bajarish, xizmat ko‘rsatish bilan bog‘liq tadbirkorlik faoliyatidir.
Tadbirkorlik munosabatlarining ikkinchi guruhi tadbirkorlik subyektlarining boshqa subyektlar, davlat organlari o‘rtasida, shuningdek tadbirkorlik faoliyatiga rahbarlik qilish va boshqarishdan kelib chiqadi.
Tadbirkorlik munosabatlarining ichki munosabatlari esa har bir korxonaning, birlashmaning ishlab chiqarish tuzilmalari o‘rtasidagi ichki munosabatlari shaklida namoyon bo‘ladi.
Tadbirkorlik huquqiy munosabatlar elementlari shu munosabat subyektlari, obyektlari va uning mazmunidan iborat bo‘ladi.
Tadbirkorlik faoliyati ma’lum subyektlar tomonidan amalga oshiriladi
