Miyrasnama, kewil bildiriw (Некролог) Miyrasnama

Miyrasnama, kewil bildiriw (Некролог)
Miyrasnama
Miyrasnama bul bir kisi tamanınan ekinshi adamǵa úy-jay, pul, buyımlar, qımbat bahalı qaǵazlar hám taǵı basqa da zatlardı miyrasqa berilgenligi haqqındaǵı hújjet.
Miyrasnama
Men, 1941-jılı tuwılǵan Saparov Sharap Qaraqalpaqstan Respublikası Kegeyli IIB tárepinen 17.09.2000-jılı berilgen pasportım SK 0942594, qızım Saparova Ayımxan Sharapovnaǵa 1966-jılı tuwılǵan Qaraqalpaqstan Respublikası IIB tárepinen berilgen pasportı SK 0112094, maǵan tiyisli
1. Nókis qalası Q.Saipov kóshesinde jaylasqan, bárshe qolaylıqlarǵa hám garajǵa iye 29-jaydı (jer ólshemi 6 sotok) miyrasqa beremen.
Bul kórsetilgen miyraslardı basqa hesh kimge atamadım.
Bul miyrasnama 2021-jılı 2-yanvar kúni hayalım Allamuratova Biybijan, qońsı gúwalar:
1. Q.Saipov kóshesi 28-jayda jasawshı S.Sh.Matchanov
2. Q.Saipov kóshesi 31-jayda jasawshı T.J.Sársenbaevlar qatnasında dúzildi.
Miyras beriwshi: (qolı) Sh.Saparov
Miyras beriwshiniń hayalı: (qolı) B.Allamuratova
Qońsı gúwalar: (qolı) S.Sh.Matchanov
(qolı) T.J.Sársenbaev
00.00.0000-jıl.
Nekrolog-kewil bildiriw
Nekrolog - qaytıs bolǵan adamnıń ómiri hám xızmetine baǵıshlanǵankishkene maqala.
Kewil bildiriw
(Úlgi)
Dospanov Oraqbay Dospanovich
2014-jılı professor, belgili ilimpaz, filolog O.Dospanov 76 jasında qaytıs boldı.
Dospanov Oraqbay Dospanoviч 1938-jılı tuwılǵan. 1960-jılı Qaraqalpaq mámleketlik pedagogikalıq institutın tamamlaǵan.
Ol miynet jolın 1961-jılı Ózbekstan Ilimler Akademiyası Qaraqalpaqstan filialı N.Dáwqaraev atındaǵı tariyx, til hám ádebiyat institutınıń qaraqalpaq tiliniń tariyxı hám dialektologiyası bóliminde kishi ilimiy xızmetker lawazımınan baslaǵan. Belgili ilimpaz qaraqalpaq tiliniń tariyxı, leksikologiyası, morfologiyası, dialektlik leksikologiya, lingvogeografiya, ádebiy hám regional leksikografiya tarawları boyınsha izertlewler alıp barǵan.
O.Dospanov 1965-jılı “Qaraqalpaq tili qubla dialektiniń leksikası” degen temada kandidatlıq, 1981-jılı “Qaraqalpaq tiliniń dialektlik leksikası lingvogeografiyalıq baǵdarda” temasında doktorlıq dissertaciyasın qorǵaǵan.
Ilimpaz 1963-2008-jıllar aralıǵında Moskva, Sankt-Peterburg, Ufa, Novgorod, Baku, Alma-ata, Tashkent, Dushanbe, Ashxabad, Taraz, Túrkstan hám basqa da qalalarda ótkerilgen xalıqaralıq konferenciyalarda ilimiy bayanatları menen qatnasqan. Belgili ilimpaz ulıwma bilim beriw mektepleri, orta arnawlı hám joqarı oqıw orınlarınıń baǵdarlamaları, sabaqlıqların jazıwǵa salmaqlı úles qostı, baspasózde bir neshe súwretlemeler, gúrrińler, oчerkler járiyaladı, dúnьya júzilik, rus, ózbek, qırǵız taǵı basqa xalıq jazıwshılarınıń gúrrińleri, romanların qaraqalpaq tiline awdardı. 1995-jıldan Ózbekstan jurnalistler awqamınıń aǵzası, dialektolog ilimpaz, bir qatar ilimiy miynetlerdiń juwaplı redaktorı, tórt tomlıq “Qaraqalpaq tiliniń túsindirme sózligi”niń Bas redaktorınıń orınbasarı sıpatında da belgili. Onıń ilimiy basshılıǵında 1967-2012-jıllar aralıǵında bir qansha ilim kandidatları jetilisip shıqtı.
Oǵan “Miynet veteranı” (1988), “Qaraqalpaqstanǵa miyneti sińgen ilim ǵayratkeri” (1989) húrmetli ataqları berilgen.
O.Dospanovtıń ilimge arnalǵan ómir jolı búgingi jaslarǵa órnek boladı, jarqın kelbeti umıtılmaydı.