Mövzu №2. Toponimikanin tədqiqat tarixi. Azərbaycanın

ç) Ləzgidilli oronimlər. Azərbaycan ərazisində ləzgi dili əsasında düzəlmiş 

makrooronim yoxdur. Bu dildə ləzgilərin məskun olduqları kəndlərin 

ərazilərində relyefin kiçik mikroobyekt hissələri və cüzi sayda şəxs 

adlarından ibarət olan mikrooronimlər qeydə alınmışdır.24 Məsələn: Kürkün 

“yüksəklik, təpə adı” (Quba rayonu), Yarısuval “yarım qırmızı” (Qusar 

rayonu). 

d) Rus mənşəli oronimlər. XIX əsrin başlanğıcından etibarən Muğan 

düzünə, Quba və Cavad qəzasına 200-ə qədər rus kəndləri köçürüldü. 

Azərbaycan 

ərazisində Alekseyevka, İvanovka, Saratovka, Mixailovka və s. kənd 

---

adları bu zamandan ortaya çıxdı. Bir çox kənd adları dəyişdirilərək rus 

kənd adları ilə əvəz olundu. Kruqlay qora (Quba rayonu), Popov ovraq 

(Goranboy rayonu), Vasılyev buqor (Şamaxı rayonu) və s. yüzlərlə belə 

«adlar» yarandı.