Mövzu №2. Toponimikanin tədqiqat tarixi. Azərbaycanın

Patronimik oronimlər. Patronimik oronimlər müxtəlif tayfalara mənsub 

nəsil və tirə adlarını əks etdirən oroqrafik adlardır. Patronim dedikdə 

şəxs adlarından və ona qoşulan cəm, ya da mənsubiyyət bildirən şəkilçilərdən 

yaranmış nəsil və tirə adları nəzərdə tutulur. Patronimik oronimlərin 

yaranması da keçmişdə əhalinin müəyyən hissəsinin maldarlıqla məşğul 

olması, yaylaq və qışlaqlardan istifadə etməsi ilə əlaqədardır. Hər bir nəsil 

və tirə müəyyən ərazidə qışlayır və eyni ərazidə yayı keçirdiyinə görə onun 

---

yaşadığı ərazi də onun adı ilə adlandırılmışdır. Hər bir nəsil və tirə 

müəyyən tayfanın xırda, kiçik qolundan ibarətdir və bunların hər birinə aid 

oronimlər var. Oronimlərdə əksini tapmış patronimlərin əksəriyyətinin 

hansı tayfaya mənsub olmasını müəyyən etmək mümkün deyildir. 

Patronimik oronimlər etnonimik oronimlərə nisbətən çoxluq təşkil edir. 

Belə oronimlərə misal olaraq Alxaslı dağı (Laçın rayonu), Bayramlı təpəsi 

(Cəbrayıl rayonu) və s. onomastik vahidlərini nümunə göstərmək olar.