Mövzu I. MarketiNQİn kommunikasiya sistemi, ONUN Marketinq fəALİYYƏTİNDƏ yeri VƏ rolu

Mövzu VII. Marketinqin kommunikasiya sisteminin təkmilləşdirilməsi istiqamətləri.
7.1. İnteqrasiya olunmuş kommunikasiya sisteminin yaradılması strategiyası

Marketinqin kommunikasiya sistemi üzrə mütəxəssisləri düşündürən bir sıra suallar qarşıya çıxır:

1. 
   Əmtəənin daha səmərəli necə irəlilətmək olar?
   
2. 
   Əmtəənin irəlilədilməsi zamanı marketinqin, reklamın və yaxud «Pablik Rileyşnz»in hansına daha çox üstünlük vermək lazımdır?
   

3) Hansı tədbirlər kompleksinə daha çox maliyyə vəsaiti ayırmaq vacibdir?
4).Son nəticədə satışın səmərəli təşkilinə kim məsuliyyət daşımalıdır?
Qeyd etmək lazımdır ki, bütün firmalar tərəfindən marketinqin kommunikasiya sisteminin ənənəvi metodlarının tətbiq edilməsi olduqca baha başa gəlir və lazımi səmərə vermir. Bunun isə bir sıra səbəbləri vardır:
1. Marketinqin kommunikasiya tədbirlərinin həyata keçirilməsi zamanı əksər firmalar tərəfindən eyni metodların tətbiq edilməsi istehlakçıları yorur, onlarda informasiya axınına qarşı marağı azaldır. Təsəvvür etmək çətin deyildir ki, rəqib firmaların oxşar məhsullarının yerüstü şitlərdə, televiziyada, radioda təkrar olunan reklamları artıq firmalar, məhsullar haqqında yayılan informasiyaların istehlakçılar tərəfindən qavranılması dərəcəsini xeyli azaldır.
2. İstehlakçı psixologiyasının dəyişməsi. 1990-cı illərdən başlayaraq cəmiyyətdə gclü dəyişikliklər baş verir və bu dəyişikliklərə uyğun olaraq istehlakçıların tipləri, onların prsixologiyası, reklam informasiyalarına münasibətləri də dəyişməkdədir. Müasir istehlakçı artıq istehsalçı ilə ikitərəfli interaktiv təmasda olmağa can atır, onun haqqında daha çox məlumat əldə etməyə çalışır. Bu tip istehlakçılar güclü sosial mövqeyə malik olan firmalara üstünlük verirlər. Belə istehlakçılar daha çox fərdi və səmərələşdirici xarakterə malik olurlar və istehlakı dəyərli fəaliyyət növü hesab edirlər, ideya liderlərinə xüsusi diqqət yetirirlər.
3. Ənənəvi kommunikasiya metodları istehlakın baş verən fərdiləşməsinə uyğun gəlmir. Bazarın seqmentləşməsinin artması seçilmiş kommunikasiya kanalları üzrə göndərilən informasiyaya fərdi yanaşma tələb edir.
4.Televiziya reklamının baha olması və effektivliyinin azalmağa doğru meyl etməsi. Video dövründə yaşayan istehlakçılar televiziya informasiyasının şifr açmasını öyrənmişlər və bu cür məlumatlara əvvələrdə olduğu kimi reaksiya vermirlər. Çoxlu sayda telekanallar və istənilən anda onları dəyişmək imkanı yaranmışdır. Bununla yanaşı maraqlı televiziya verilişlərində və filmlərin nümayişi zamanı reklamların həddən çox uzunmüddətli olması və çox tez-tez təkrarlanması da tamaşaçılarda reklama olan marağı azaldır. Bütün bunlar tamaşaçıda istədiyi anda telekanalı çevirmək və reklama baxmamaq, reklam dövründə digər kanalda hansısa maraqlı bir verilişdən xəbərdar olmaq fikrini formalaşdırır. Televiziya reklamının dəyəri durmadan artır və bunun əksinə olaraq onun effektivliyi getdikcə aşağı düşür. Kütləvi reklamın effektivliyinin kəskin surətdə aşağı düşməsi bir vaxtlar qərb ölkələrinin reklamçıları üçün gözlənilməz olmuşdu. Görünür, televiziya reklamının xüsusi, yüksək rola malik olduğu Az.ın reklam bazarı da yaxın dövrlərdə belə bir şəraiti yaşamalı olacaqdır.
5. Ənənəvi kommunikasiya metodları yeni informasiya kanallarını nəzərə almır. İnternetin və digər informasiya texnologiyalarının təsiri altında Kütləvi İnformasiya Vasitələrində (KİV) ciddi dəyişikliklər baş vermiş, informasiya yayımırın yeni kanalları meydana gəlmiş, interaktiv mediya yaranmış, ixtisaslaşmış KİV inkişaf etməyə başlamışdır.
6. Ənənəvi kommunikasiya sisteminin çox xərc tutumlu olması. Son onilliklərdə beynəlxalq bazarlarda, xüsusən də yeni bazarlarda marketinq məsələlərinin az xərc tutumlu üsullarla həll edilməsi zəruriyyəti yaranmışdır.
Bütün bu qeyd olunan problemlərin və məsələlərin həll edilməsi məqsədilə inteqrasiya olunmuş marketinq kommunikasiyası sistemi meydana gəlmişdir.