Mühasibat kitabları eyni formalı cədvəllərin jurnal formasında tikilmiş, cildlənmiş və səhifələnmiş toplusundan ibarətdir. Kitablarda vərəqələr ardıcıl səhifələnir, xüsusi əhəmiyyətə malik olanlar isə iplə bərkidilir və möhürlə ondakı səhifələrin sayı təsdiqlənir. Adətən kitabdakı səhifələr tipoqrafiya üsulu ilə çap olunur. Hazırda uçot registrləri kimi kitablardan az istifadə olunur. Kitablara baş kitabı, kassa kitabını, anbar uçotu kitablarını, əməliyyat jurnalını və s. misal göstərmək olar. Uçot registri kimi onlar müəyyən mənfi cəhətlərlə yanaşı, müxtəlif üstün cəhətlərə də malikdir.
