MÜSTƏQİL HÜQUQ SAHƏSİNİN ƏSAS ƏLAMƏTLƏRİ
Sosial təminat sahəsində yaranan ictimai münasibətlərin növləri müxtəlif xarakterli məsələləri əhatə edir (maliyyə bölgü iqtisadi hüquqi və s) müstəqil sahə əmələ gətirmir. Hüquq normalarının bu məcmusu hüquq sahəsinə xas olan digər əlamətlərə də malik deyildir.
Eyni zamanda bu hüquqi təsisatların hər biri onların tənzimlədiyi ictimai münasibətlərin cinsi mənsubiyyətini aşkara çıxartmağa və hüquq sistemində onun yerini müəyyən etməyə imkan verən özlərinə məxsus tənzimetmə obyektinə malikdir. Beləki, pul vasitələrinin müəyyən olunmuş qaydalara əsasən büdcədə yaxud digər fondlarda yığılması və bölüşdürülməsini tənzimləyən normalar toplusu maliyyə hüququnun obyektini təşkil edir.
Sosial təminat sahəsində təşkilati idarəetmə fəaliyyəti ilə bağlı ictimai münasibətləri tənzimləyən normalar idarəetmə münasibətlərini tənzimləyən inzibati hüquqa aiddir.
Sosial təminat sahəsində əsas ictimai münasibətlərin subyektlərindən biri vətəndaş, əcnəbi, yaxud vətəndaşlığı olmayan şəxs, digəri dövlət orqanı, yaxud dövlət orqanının göstərişi ilə fiziki şəxs və ya həmkarlar ittifaqları və ya özünüidarəetmə orqanı tutur. Həmçinin bu ictimai münasibətləri tənzimləyən normalar xüsusi yer tutur ki, buda sosial təminat hüququdur.
Dostları ilə paylaş: |
