Mövzu TƏLƏB, TƏKLİf və bazar tarazliğI 1

İstehsal xərcləri (firma işçi qüvvəsi, yanacaq və maşın kimi istehsal amillərinə nə qədər ödəyir) firmaların satmaq istədikləri bir məhsulun həcminə təsir edir. Bir firmanın xərcləri aşağı düşdükdə, adətən qiymət və digər faktorları sabit saxlayaraq daha çox məhsul tədarük etməyə hazır olur. Əksinə, xərclərin artımı firmanın istehsal etmək istəyini azaldır. Əgər firmanın xərcləri mal satmaqdan qazana biləcəyindən çox olarsa, firma heç bir şey istehsal etməz. Beləliklə, xərclərə təsir edən amillər təklifə də təsir göstərir. Texnoloji inkişaf bir firmanın öz malını daha ucuz qiymətə istehsal etməsinə imkan verirsə, firma məhsulun istənilən qiymətində digər təsir edən faktorları sabit saxlayaraq daha çox məhsul təklif edir.

Hökumət qanun və normaları xərclərə təsir etmədən birbaşa təklifə təsir edə bilər. Məsələn, dünyanın bəzi yerlərində pərakəndə satıcılar dini əhəmiyyət kəsb edən bəzi günlərdə əksər mal və xidmətlər sata bilməzər. O günlərdə təklif hökumət siyasəti ilə sıfır olaraq məhdudlaşdırılır.