Müəssisə və əhali müayinələrində seçmə məcmunun əlaqələndirilməsinə və rotasiyaya dair

Elmi texnoloji təhlükəsizlik parametrləri (investisiyalı inkişaf üzrə)

	Rusiya	Dünya ölkələri	Məhdud qiyməti
ÜDM-ə nəzərən tədqiqat və işləmələrin həcmi,%	1.08	ABŞ 2.07 Yaponiya 2.98 Almaniya 2.48	2.0
Elmi dərəcəsi olan tədqiqatçının orta yaşı, il	54	44	48
Elmi avadanlığın orta istismar müddəti	>11	5-6	7
İnnovasiya aktivliyi səviyyəsi (sənaye müəssisələrinin cəmi sayında innovasiya-aktiv müəssisələrin payı)	10.6	Almaniya 82.5 İsveç 75.3 Avstraliya 60.8	25

Sənaye məhsulunda innovasiyalı məhsulun payı, %	4.4	Almaniya 29 Avstraliya 31	15
Sənaye məhsulunun həcmində innovasiya xərclərinin payı	1.4	Almaniya 4.1 İsveç 7.08 Finlandiya 4.34	2.5
Kəşf üçün verilmiş patent ərizələrinin sayı, 10000 nəfər üzrə	1.61	İƏİT 5.8 Yaponiya 26.9 Koreya 15.0 ABŞ 4.0	2.5
Milli iddiaçılar tərəfindən verilmiş patent ərizələrin nisbəti, xaricdə və ölkədə	1.45	İƏİT 4.28 ABŞ 9.46	3.0
Texnologiyaların ixracından daxil olan vəsaitin idxala ödənilən vəsaitə nisbəti	1.1	Böyük Britaniya 1.8 Yaponiya 2.3 ABŞ 2.4	1.5
Beynəlxalq texnologiya ticarətində ölkənin payı	0.08	ABŞ 34.3 Almaniya 16.7 Böyük Britaniya 4.1 Yaponiya 9.2	1.0
Azı 3 il istifadə olunan mütərəqqi istehsal texno-logiyalarının ümumi texnologiyalarda payı	33.2	Avstraliya 83.0 Avstriya 87.0	65.0

3.3. Elmi təşkilatlarda işçilərin (kadrların) statistik qiymətləndirilməsi
Elmi işçilərin (kadrların) statistik qiymətləndirilməsi elm statistikasının qarşısına qoyduğu əsas məsələlərdən biridir. Elmi işçilər ölkənin elmi potensialının əsas tərkib elementi hesab olunur, insan amilindən tam istifadə edilməsi, insan kapitalının vəziyyətini xarakterizə edir. Kadrların statistikasının əsas məqsədi tədqiqat və işləmələrdə məşğul olan işçilərə dair statistik məlumatların toplanması, işlənməsi, təhlili və yayılmasıdır. Hazırda kadrlar statistikasının yeni metodologiyasının formalaşmasında əsas rolu əmək bazarının inkişaf istiqamətləri və informasiya cəmiyyətinin tələbatı oynayır. Mövcud statistika təcrübəsində elmi və elmi-pedaqoji işçilərə aşağıdakılar aid edilir:

• 
  Milli Elmlər Akademiyasının və sahə akademiyalarının həqiqi və müxbir üzvləri;
  
• 
  iş yerindən asılı olmayaraq, elmi dərəcəsi və elmi adları olan şəxslər (elmlər doktoru, elmlər namizədi, professor, dosent, baş elmi işçi, kiçik elmi işçi, asistent);
  
• 
  elmi dərəcəsi və elmi adından asılı olmayaraq, elm müəssisələrində elmi-tədqiqat işləri aparan, ali təhsil müəssisələrində elmi və elmi-pedaqoji işləri yerinə yetirənlər;
  
• 
  sənayedə, layihə, layihə-konstruktor, layihə-texnologiya müəssisələrində sistematik olaraq yuxarı təşkilatın tematik planına uyğun olaraq tədqiqat işlərini yerinə yetirən elmi dərəcəsi və elmi adı olmayan ali təhsilli mütəxəssislər.
  

Elmi işçilərin uçotu elmin bütün sahələri üzrə (təbii, texniki və ictimai) aparılır. Məlumat bazası kimi müəssisə və elmi təşkilatlar tərəfindən təqdim edilmiş hesabatlar əsas götürülür. Bundan başqa, beynəlxalq təşkilatların tələbinin ödənilməsi üçün birdəfəlik müşahidə məlumatları da elmi kadrların statistik qiymətləndiril-məsində istifadə edilir.