Muhammad-al xorazmiy nomidagi toshkent axborot texnologiyalari universiteti radio va mobil aloqa fakulteti

RChKning tanlovchanligi uning tarkibiga kiradigan rezonans tizimning tanlovchanligi orqali aniqlanadi. Miqdoriy jihatdan σ_U tanlovchanlik berilgan Δƒ nosozlanishda K_Δƒ kuchaytirish koeffitsienti K₀ rezonans kuchaytirish koeffitsientidan qancha martaga kamayishini ko‘rsatadigan son orqali xarakterlanadi:


σ_U = K₀/K_Δf
K_tb to‘g‘ri burchaklilik koeffitsienti 0,707 sathdagi o‘tkazish polosasini berilgan a so‘nishdagi o‘tkazish polosasiga nisbatiga teng. So‘nish qiymati odatda o‘nga karrali (10, 100, 1000 va h.k. yoki 20, 40, 60 dB) tanlanadi.
To‘g‘ri burchaklilik koeffitsienti 0,707 sathdagi o‘tkazish polosasini berilgan 0,1 sathdagi o‘tkazish polosasiga nisbatiga teng (11.6- rasm).


k_p0.1 = ΔF₀/ ΔF_0.1
Boshqa to‘g‘ri burchaklilik koeffitsientilarini ham shunday tarzda aniqlash mumkin:


k_p0.01 = ΔF₀/ ΔF_0.01; k_p0.001 = ΔF₀/ ΔF_0.001

11.6- rasm. 0,707 sathdagi o‘tkazish polosasini berilgan 0,1 sathdagi o‘tkazish polosasiga nisbati

Signalning buzilishi. RChKda, umuman radioqabul qilgichning o‘zida uchta turlardagi buzilishlar bo‘lishi mumkin:

• 
  amplituda-chastotaviy buzilishlar, ular to‘liq tanlovchan tizimning shakli orqali aniqlanadi;
  
• 
  faza-chastotaviy buzilishlar FChXning nochiziqliligi natijasi hisoblanadi;
  
• 
  foydali signalning past sathi tufayli nochiziqli buzilishlar, ular asosan tashqi polosali kuchli halaqit orqali aniqlanadi.