Akustik diaqnostikada diaqnostik əlamət kimi səs suqnallarından istifadə edilir. Bu üsul bir çox mexaniki sistemlər üçün tətbiq edilə bildiyindən universal diaqnostika üsulu hesab edilir. Çünki, elastik rəqslərin yaranmasında sistemin bütün elementləri iştirak edir. Buna görə akustik siqnallar bütün kinematik birləşmələrin texniki vəziyyəti haqqında kifayət qədər məlumat daşıyırlar. Sistemin texniki vəziyyəti səs siqnallarını qiymətləndirən parametrlərin (səs-küyün səviyyəsi, taqqıltının xarakteri və şiddəti, ampliluda) cari qiymətləri ilə buraxıla bilən qiymətlərinin müqayisə edilməsi nəticəsində təyin edilir.
