Mühazirə mətnləri Bakı ­- 2015

Öhdəlik zəmanəti - Hüquqi və fiziki şəxsin öz üzərinə götürdüyü öhdəliyə əməl edəcəyini təsdiqləyən sənəd.

Ölkə daxilində kapital yığımı - Milli gəlirin bir hissəsinin ehtiyat kapital kimi toplanaraq, istehsal fondlarının artırılmasına yönəldilməsi.
P

Paradiqma - Müxtəlif istiqamətli elmi-tədqiqat məsələlərinin həlli üçün qəbul olunmuş nəzəriyyə.

Paralel valyuta - Ölkədə tədavüldə olan ikinci valyuta, məsələn milli və xarici valyuta.

Paritet – Tərəflərin nisbi bərabərliyi; müxtəlif ölkələrin milli valyutaları arasında qızıl hesabı ilə nisbət.

Patent - İxtiraçının müəlliflik hüququnu təsdiq edən şəhadətnamə.

Pərakəndə satış ticarəti - Ticarətin kütləvi satış forması.

Pərakəndə satış qiyməti - Bazar qiymətinin bir forması olub, istehlakçılara satılan əmtəə və xidmətlərin son qiyməti.

Planlaşdırma – Düşünülmüş qaydada iqtisadiyyatda nisbətlərin gözlənilməsinə yönəldilmiş təşkilati fəaliyyət sistemi.