Qafqaz cəbhəsi uğrunda döyüşlər. Sarıqamış savaşı.
Azərbaycanlıların Birinci Dünya Müharibəsində iştirakı.
Müharibə dövründə ictimai-iqtisadi və sosial vəziyyət.
Şimali Azərbaycan Rusiyada Fevral inqilabı və inqilabdan sonrakı dövrdə.
1) Çarizm dövrü təhsil sistemi: Məktəblər: 1829-cu il Cənubi Qafqaz məktəbləri haqqında nizamnaməyə görə qəza məktəbləri təşkil olunmalı idi (ilk qəza məktəbi 1830-cu ildə Şuşada açılmışdı, 1832-ci ildə Bakıda, Şəkidə açıldı). Belə məktəblərdə bölgədəki rus qoşunlarında qulluq edən zabitlərin və idarə orqanlarında çalışan məmurların uşaqlarına rus dilində ibtidai təhsil verilməli, gələcəkdə diyarın idarə olunması üçün kadrlar hazırlanmalı idi. Çünki mərkəzi quberniyalardan kadr dəvət etmək böyük çətinlik törədirdi. Abbasqulu ağa Bakıxanov (1794-1847) 1832-ci il fevralın 20-də dünyəvi müsəlman məktəbi təsis edilməsi haqqında layihə hazırlamış və onu Qafqazın baş hakimi baron Rozenə təqdim etmişdir. Bu layihə həyata keçməsə də, aradan 15 il keçəndən sonra ilk belə məktəblər 1847-ci ildə Tiflisdə açıldı. Şiələrin və sünnilərin ayrılıqda təhsil almasını nəzərdə tutan bu maarif ocaqları tezliklə “Əli məktəbi” və “Ömər məktəbi” adları ilə tanındı. 1849-cu ildə Azərbaycan ərazisində ilk dəfə Gəncədə belə məktəb açıldı. Gəncənin ardınca Şuşa, Şamaxı, Bakı, Dərbənd, Lənkəran və Salyanda müsəlman məktəbləri açıldı.
