15.5. Ödəmələrdə Bioloji göstəricilərin istifadə olunması Elektron ödəmələr zamanı insanların bioloji göstəricilərinin istifadə olunmasında məqsəd kredit kart və elektron fırıldaqçılığın minimuma endirilməsidir. Təhlükəsizlikdə məhz bioloji göstəricilərin istifadə olunmasının səbəbi onların üzünün köçürülməsi və eyni oxşarını tapmaq çətin və mümkünsüzdür. İnsanların bioloji göstəricilərinə görə təsbit olunması yeni deyil və mühafizə orqanlarında, bəzi gömrük postlarında və hava limanlarında istifadə olunur. Elektron məkanda, elektron ödəmələrdə isə bu texnologiyadan istifadə artıq 5-6 ilə yaxındır istifadə olunur.
Bu gün istifadə olunan əsas bioloji göstəricilər aşağıdakılardır.
Barmaq çapı
Sifətin tanınması
Gözün tanınması
Səsin tanınması
Kompyuterin yazı xəttinin analizi.
Bu göstəricilərdən yazı xəttinin analizi və səsin tanınması az istifadə olunur. Buna səbəb xəttin və səsin müxtəlif səbəblərdən ( yaşın artması, xəstəliyin olması, hər hansı qəzanın keçirmə ehtimalı olması və s. ) dəyişilməsi ehtimalı olmasıdır. Ona görə də bu göstəricilər ödəmələrin mühafizəsində istifadə olunması etibarlı sayılmır.
