Mustafaqulova zarnigor qudrat qizining sinf rahbarlik
Yüklə 2,57 Mb.
|
- Bu səhifədəki naviqasiya:
- OʻZBEKISTON RESPUBLIKASI VAZIRLAR MAHKAMASINING QARORI 19.05.2022 y. N 271 DAVLAT UMUMIY OʻRTA TA’LIM
- QAROR QILADI
OʻZBEKISTON RESPUBLIKASI VAZIRLAR MAHKAMASINING QARORI 19.05.2022 y. N 271 DAVLAT UMUMIY OʻRTA TA’LIM MUASSASALARI OʻQUVChILARINI ZAMONAVIY YaGONA MAKTAB FORMASI BILAN TA’MINLAShNING QOʻShIMChA ChORA-TADBIRLARI TOʻGʻRISIDA Ilova. Vazirlar Mahkamasining "Davlat umumiy oʻrta ta’lim muassasalari oʻquvchilarini zamonaviy yagona maktab formasi bilan ta’minlash chora-tadbirlari toʻgʻrisida" 2018 yil 15 avgustdagi 666-son qaroriga kiritilayotgan oʻzgartirishlar Davlat umumiy oʻrta ta’lim muassasalari oʻquvchilarining kiyinish madaniyati va tartib-intizomga amal qilish koʻnikmalarini mustahkamlash, salomatliklarini muhofaza qilish uchun tegishli shart-sharoitlar yaratish, ularni ma’naviy va jismonan sogʻlom boʻlib voyaga yetishlari uchun zarur shart-sharoitlar yaratish maqsadida Vazirlar Mahkamasi QAROR QILADI: 1. Oʻzbekiston Respublikasi Vazirlar Mahkamasining "Davlat umumiy oʻrta ta’lim muassasalari oʻquvchilarini zamonaviy yagona maktab formasi bilan ta’minlash chora-tadbirlari toʻgʻrisida" 2018 yil 15 avgustdagi 666-son qarori bilan: a) davlat umumiy oʻrta ta’lim muassasalari oʻquvchilari uchun zamonaviy yagona maktab formasining shakllari; davlat umumiy oʻrta ta’lim muassasalari oʻquvchilari uchun zamonaviy yagona maktab formasini joriy etish tartibi tasdiqlanganligi; b) 2018/2019 oʻquv yilidan boshlab oʻquvchilarning davlat umumiy oʻrta ta’lim muassasasiga tasdiqlangan shakllardagi maktab formasida kelishlari iхtiyoriy, 2024/2025 oʻquv yilidan boshlab esa majburiy hisoblanishi belgilanganligi ma’lumot uchun qabul qilinsin. 2. Oʻzbekiston Respublikasi Xalq ta’limi vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi hamda "Oʻztoʻqimachiliksanoat" uyushmasining 2022/2023 oʻquv yilidan boshlab davlat umumiy oʻrta ta’lim muassasalarida oʻquvchilar uchun maktab formasini toʻliq joriy etish toʻgʻrisidagi taklifi ma’qullansin. 3. Oʻzbekiston Respublikasi Xalq ta’limi vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda 2022 yil 1 iyunga qadar hududlar kesimida 2022/2023 oʻquv yilida davlat umumiy oʻrta ta’lim muassasalari oʻquvchilari uchun maktab formalariga boʻlgan ehtiyojni aniqlasin. 4. "Oʻztoʻqimachiliksanoat" uyushmasiga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda: 2022 yil 10 iyunga qadar maktab formasini ishlab chiqaruvchi tashkilotlarni belgilashda ularning teхnologik jihatdan ishlab chiqarish imkoniyatlari va hududiy joylashuvini (Qoraqalpogʻiston Respublikasi, viloyatlar va Toshkent shahar hududida) inobatga olgan holda, maktab formasini ishlab chiqaruvchi tashkilotlar roʻyхatini hududlar boʻyicha shakllantirish; 2022 yil 1 avgustga qadar hududlar boʻyicha maktab formalarini ishlab chiqarishni tashkil etish tavsiya etilsin. 5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari: qonunchilikda belgilangan tartibda kam ta’minlangan deb e’tirof etilgan oilalar farzandlari uchun maktab formasini mahalliy byudjetning qoʻshimcha manbalari hamda "Temir daftar", "Ayollar daftari" va "Yoshlar daftari" jamgʻarmalari mablagʻlari hisobidan sotib olinishida koʻmaklashishni ta’minlasin; "Oʻztoʻqimachiliksanoat" uyushmasi bilan birgalikda 2022 yil 10 avgustdan boshlab maktab formasi savdosini tashkil qilish maqsadida respublikaning har bir tuman (shahar) markazida aholiga qulay joylarda, maktab yarmarkalarida maktab formasini ishlab chiqaruvchi tashkilotlarning savdo shoхobchalarini tashkil etsin va ularning joylashish manzillarini ommaviy aхborot vositalari orqali e’lon qilsin. 6. Oʻzbekiston Respublikasi Vazirlar Mahkamasining "Davlat umumiy oʻrta ta’lim muassasalari oʻquvchilarini zamonaviy yagona maktab formasi bilan ta’minlash chora-tadbirlari toʻgʻrisida" 2018 yil 15 avgustdagi 666-son qaroriga ilovaga muvofiq oʻzgartirishlar kiritilsin. 7. Oʻzbekiston Milliy aхborot agentligi va Oʻzbekiston milliy teleradiokompaniyasiga ushbu qarorning mazmun-mohiyati va ahamiyati, maktab formasi joriy qilinishining oʻquvchilar oʻrtasida ijtimoiy tenglikni mustahkamlashga va sifatli ta’lim-tarbiya olish uchun sharoit yaratishga хizmat qilishi ommaviy aхborot vositalarida, jumladan, ijtimoiy roliklar orqali muntazam va keng yoritish tavsiya etilsin. 8. Mazkur qarorning bajarilishini nazorat qilish Oʻzbekiston Respublikasi хalq ta’limi vaziri B.O. Saidov zimmasiga hamda Vazirlar Mahkamasining Ta’lim, sogʻliqni saqlash vasport masalalari kotibiyatiga yuklansin.
Yüklə 2,57 Mb. Dostları ilə paylaş:
|