Mustaqil yechish uchun masalalar

Mustaqil yechish uchun masalalar
4.1. Matematik mayatnikning tebranish davri 2 s ga teng bo‘lsa, uning uzunligini toping (m). g=10 m/s²
4.2. Matematik mayatnikning uzunligi 2,5 m, unga osilgan sharchaning massasi 100 g. Tebranish davrini hisoblang (C). g=10 m/s²
4.3. Birinchi matematik mayatnikning tebranish davri 5 s, ikkinchisiniki 4 s ga teng. Bu mayatniklar uzunliklari farqiga teng uzunlikdagi mayatnikning tebranish davrini hisoblang (s).
4.4. Bir minutda ikkita matematik mayatnik­ning biri 20 marta, ikkinchisi 30 marta tebranadi. Ularning uzunliklari farqi 10 sm bo‘lsa, uzunliklari yig‘indisini toping (sm).
4.5. Birinchi matematik mayatnikning tebranish davri 8 s, ikkinchisiniki 6 s. Ularning uzunliklari yig‘indisiga teng uzunlikdagi matematik mayatnikning tebranish davrini hisoblang (s).
4.6. Teng vaqt oralig‘ida biri 10 marta, ikkinchisi esa 30 marta tebranadigan matematik mayatniklarning uzunliklari necha marta farq qiladi?
4.7. Agar ikkita matematik mayatnikning uzunliklari 16:9 nisbatda bo‘lsa, ularning tebranish chastotalari qanday nisbatda bo‘lishini toping.
4.8. Ikkita matematik mayatnikdan birining tebranish davri T₁=0,5 s. Agar birinchi mayatnik 6 marta tebrangan vaqtda ikkin­chisi 4 marta tebransa, ikkinchi mayatnik­ning tebranish davri qancha bo‘ladi (s)?
4.9. Ikkita matematik mayatnikdan biri qandaydir vaqt ichida 24 marta, ikkinchisi 16 marta tebranadi. Ularning uzunliklari orasidagi farq 10 sm ga teng. Har bir mayatnikning uzunligini toping (sm).
4.10. Matematik mayatnik ipining uzunligi 9 sm ga ortganda, uning davri 0,1 s ga oshdi. Tebranishlarning dastlabki davrini (s) toping. ²=10
4.11. Yerda tebranish chastotasi 0,5 Hz bo‘lgan matematik mayatnik Oyga olib chiqilsa, u qanday chastotada tebranadi (Hz)? Oyda erkin tushish tezlanishi yerdagidan 6 marta kichik.
4.12. Oyda mayatnikli soat orqada qolmasligi uchun uning uzunligini necha marta o‘zgartirish kerak? g_oy=1,65 m/s²
4.13. Bikrligi 25 N/m, yukining massasi 10 g bo‘lgan prujinali mayatnikning tebranish chastotasini toping (Hz).
4.14. Bikrligi 100 N/m bo‘lgan prujinaga qanday massali yuk osilganda, uning tebranish chastotasi 5 Hz bo‘ladi (g)?
4.15. Bikrligi 10 N/m bo‘lgan prujinaga qancha (kg) yuk osilsa, tebranish davri 1 s bo‘lgan mayatnik hosil bo‘ladi?
4.16. Garmonik tebranish davri 0,1 s bo‘lgan prujinali mayatnik, o‘z yuki ta’sirida tebranmayotganda, qanchaga cho‘ziladi (mm)?
4.17. Bikrligi 250 N/m bo‘lgan prujinaga osilgan yuk 8 s da 10 marta tebranmoqda. Yukning massasi necha kilogramm? ²=10.
4.18.Agar tovush to‘lqinning uzunligi 12 m, davri 0,02 s bo‘lsa, uning tarqalish tezligi qanchaga teng bo‘ladi (m/s)?
4.19. To‘lqin 165 Hz tebranish chastotasi bilan 330 m/s tezlikda tarqalmoqda. To‘lqin uzun­ligi nimaga teng?
4.20. 132 Hz chastotali to‘lqin 330 m/s tezlik bilan tarqalmoqda. To‘lqin uzunligini hi­soblab toping (m).
4.21. Agar elastik muhitda tarqalayotgan to‘lqin, muhit zarralari 140 marta tebranguncha, 70 m masofani bosib o‘tsa, bu to‘lqinning uzun­li­gi qancha (m)?
4.22. O‘quvchi bola 1360 m uzoqlikdagi radiodan berilgan aniq vaqt signalidan foydalanib, soatini to‘g‘riladi. Bunda uning soati necha sekund orqada bo‘ladi? Tovushning havodagi tezligi 340 m/s.
4.23. Aks-sado 2,5 s o‘tgandan keyin eshitilsa, tovush qaytgan to‘siqqacha bo‘lgan masofani to­ping (m). Tovushning havodagi tezligi 340 m/s.