Mutaxassislik fani

 
 
tib.f.n., dots. S.A.Boltobayev
 p.f.n., dots. N.Azizov 

Taqrizchi: p.f.n., dotsent. S.V.Azizov 
 
Dastur NamDU Jismoniy madaniyat fakul’teti Jismoniy madaniyat 
kafedrasining 2021 yil 29 sentyabrdagi 2-sonli yig’ilishida muhokama qilingan va 
ma`qullangan.

---

3 
KIRISH 
Ushbu dastur 13.00.04 – Jismoniy tarbiya va sport mashg’ulotlari nazariyasi va 
metodikasi ixtisosligi bo`yicha tayanch doktoranturaga kiruvchilar uchun mo`ljallangan 
bo`lib, Davlat ta`lim standartlari talablari asosida tuzilgan. Jismoniy tarbiya nazariyasi va 
metodikasi o`quv predmetining mazmuni hozirgi kunda nisbatan mustaqil lekin, bir-biri 
bilan o`zaro uzviy bog’langan muammoli tsikllardan tashkil topgan bo`lib, Jismoniy 
tarbiya nazariyasi va metodikasi fani mutaxassislikka yo`naltirilgan o`quv predmeti sifatida 
jismoniy tarbiya mutaxassislari uchun fundamental bilimlar tizimi, inson jismoniy 
barkamolligi va unga erishish hamda boshqarishning umumiy qonuniyatlarini o`rgatadi.
Jismoniy tarbiya nazariyasi ilmiy fan tarzida jismoniy tarbiyaga oid mavjud faktlarni 
izohlab beradi va umumlashtiradi. Amaliy fan sifatida insonni jismoniy kamolotining 
vositalari, jismoniy tarbiyasi shakllari va uning usuliyatlari haqidagi amaliy, nazariy 
bilimlarni beradi, hayotiy-zaruriy harakat malakalari va ko`nikmalari zahirasini boyitish 
kabi mavzular o`rin olgan. 
Asosiy qism: 
Jismoniy tarbiya nazariyasi va metodikasi o`quv predmetining mazmuni hozirgi 
kunda nisbatan mustaqil lekin, bir-biri bilan o`zaro uzviy bog’langan muammoli tsikllardan 
tashkil topgan bo`lib, oliy o`quv yurti mutaxassislaridan jismoniy tarbiya sohasi uchun 
maxsus kasb-hunarga ega bo`lgan ixtisoslikni puxta egallagan pedagogni tarbiyalashni 
nazarda tutadi. 
Ushbu maqsadi ershish yo`lida quyidagi vazifalarni bajarish ko`zda tutilgan: 
- jismoniy tarbiya va uni ijtimoiy hodisa tarzida jamiyat mahsuli tarbiyaning boshqa 
shakllari bilan bog’liqligiga oid bilimlar; 
- jismoniy madaniyatning maqsadi, uning umumiy vazifalari va nazariy tamoyillari; 
- jismoniy tarbiya vositalari va uni usuliyatlarining tamoyillari; 
- harakatga o`rgatish, o`qitishning uslubiyatlari; 
- jismoniy sifatlarni rivojlantirish; 
- jismoniy mashqlar va uni o`qitish jarayonining tuzilishi; 
- jismoniy mashqlar bilan shug’ullanish mashg’ulotlarini tashkillashning shakllari; 
-13.00.04 – Jismoniy tarbiya va sport mashg’ulotlari nazariyasi va metodikasi 
ixtisosligi bo`yicha tayanch doktoranturaga kiruvchilar bilimlariga qo`yiladigan talablar: 
- jismoniy tarbiya jarayoni va uni rejalashtirish; 
- jismoniy tarbiya uslubiyatining xususiyatlari; 
- maktabgacha yoshdagi va maktab yoshidagi bolalar jismoniy tarbiyasi; 
- sport trenirovkasi jarayoni xarakteristikasi.