Allit süxurları. Bu süxurların tərkibi, başlıca olaraq, alüminium
oksidindən ibarətdir. Bunlara boksit və laterit aiddir.
Boksit. Tərkibi alüminium hidrooksidindən (diaspordan), gilli
minerallardan və digər qatışıqlardan ibarətdir. Rəngi tərkibindəki
dəmir hidrooksidinin miqdarından asılı olaraq qırmızı, boz, qəhvəyi,
yaşılımtıl-boz olur. Sıxlığı 2900
3000 kq/m
3
-dur.
Boksit alüminium istehsalı üçün əvəzedilməz xammaldır. On-
dan süni abrazivlər, odadavamlı materiallar da istehsal edilir.
Alüminat sementinin istehsalında əsas xammal kimi boksitdən istifadə
edilir.
Laterit qələvi və turşu püskürülmüş süxurların tropik iqlim şə-
raitində aşınmasından əmələ gəlmişdir. Tərkibi, əsasən, kaolinitdən,
dəmir hidrooksidlərindən və az miqdarda alüminium hidrooksidindən
ibarətdir. Qırmızı, boz yaxud sarı rəngdə olur. Laterit, bəzən qalıq
boksiti də adlanır. O, aşınmaya qarşı yüksək davamlı olduğundan
inşaat daşı kimi istifadə olunur.
Orqanogen süxurlar
Bu süxurlar dəniz və şirin sularda bitki və heyvan orqanizm-
lərinin həyat fəaliyyəti və onların məhvi nəticəsində əmələ gəlmişdir.
Orqanogen süxurlar iki qrupa bölünür: silisiumlu süxurlar və karbonat
süxurları.
