Navro‘z birdamlik bayrami!

Bola: Bogda uynaymiz kuvnab gul tutadi gulbaxor
Shu yashnagan Vatanda biz a badiy baxtiyor.


Bola: Bogchamizning bogida kul ushlashib uynaymiz,
Vatanimiz sha’niin kushik qilib kuylaymiz!


«YuRTIMDA BAYRAM BULSIN» AShULA

O’quv muassasalari uchun sahna asari ssenariysi.
Asosiy ishtirok etuvchilar:
Bahoroy – qiz.
Navro’zjon – yigit.
Dehqon bobo – yigit.
Keksa tol daraxti – yigit.
Boychechak – qiz.
Lolaxon – qiz.
Turnaxon – qiz.
Laylakboy – yigit.
Qaldirg`och – qiz.
Turli epizodlarda:
Qishni olib ketayotgan qarg`alar – bola va qiz.
Sahna bahor bayramiga mos ravishda bezatiladi.Devorlarga turfa gullar rasmi chiziladi.Navro’zga atalgan she’r, bitiklar ko’rinarli joylarga yozib qo’yiladi.Shiftga bahor qushlari hisoblanmish turna, qaldirg`och, laylak, bulbul timsolida qog`oz o’yinchoqlar ilinadi.Mehmonlar joylashgunlariga qadar bahor faslini tarannum etuvchi kuy (masalan “Bahor kelsa, alvon-alvon ochilsa gullar” qo’shig`i) yangrab turadi.
Boshlovchi sifatida sahnaga Bahoroy timsolida bir qiz kirib keladi.U uzun gulli ko’ylak kiyib, boshiga gulchambar taqqan.Qo’lini ko’ksiga qo’ygancha egilib salom beradi.
Bahoroy: – Assalomu alaykum aziz mehmonlar! Sizlarni Navro’z bayrami bilan chin qalbimdan tabriklayman. Ulug` ayyom yurtimizga qut-baraka olib kelsin. Barchangizga uzoq umr, baxt-saodat va hamisha omonlik tilayman.
Bahordan boshlanar go’zallik fasli,
Yilning ilk tongidir olamda asli.
Navro’zni xush ko’rgan xush yashar abad,
Baxtga musharrafdir ul inson nasli!
Bugungi shodiyonamizni boshlab berish hamda tabrik uchun so’z hurmatli Rustam Usmonovga (har kim o’z jamoasi rahbari, oqsoqolining ismi-sharifini aytadi).
Tabrik so’zi aytgan rahbar bayram tanlovi haqida quyidagi mazmunda ham gapirishi mumkin:
– Azaldan Navro’z bayramida turli ko’rik-tanlov hamda musobaqalar o’tkazilgani ma’lum. «Eng yaxshi Navro’z taomlari tayyorlash», «Eng mohir kashtachi», «Navro’z tasvirini chizgan eng yaxshi rassom» va hokazo. Bu bayram munosabati bilan kurash, arqon tortish, qo’l kuchini sinash, yugurish, shaxmat-shashka, tosh ko’tarish, dor o’yini va boshqa sport turlari bo’yicha ham musobaqalar o’tkazilgan. Biz ham mana shunday g`oliblarni bugun olqishlaymiz.
(Tashkilotchi tanlov shartlari, tashkiliy ishlar va boshqa fikr-mulohazalarini bayon etishi mumkin. g`oliblar badiiy qism so’nggida e’lon qilinadi.).
Bahoroy: – Qizlar gulli ro’mol o’rar,
O’zlarin qilib ko’z-ko’z.
Zamin yangi ko’ylak kiyar,
Kelsa Navro’z, bo’lsa Navro’z.
Dilbar qizlar, jo’rajonlar,
Erkin qanot yozing hargiz,
Hur elimga qutlug` ayyom
Kelsa Navro’z, bo’lsa Navro’z!
Endi davramizga eng aziz mehmon – Navro’zjonni taklif etamiz. Barchamiz: “Assalom, Navro’z! Davramizga marhabo!” deymiz. Qani boshladik, bir-ikki-uch…
Hamma jo’r ovozda:
– Assalom, Navro’z! Davramizga marhabo!
Sahnaga beqasam (yo boshqa matodan tikilgan) to’n va boshiga do’ppi kiygan Navro’z timsolidagi yigit qo’lini ko’ksiga qo’ygancha kirib keladi.
Navro’zjon: – Odamlaru odamlar,
Bog`da bitgan bodomlar!
Dildan qish g`ami ketdi,
Barcha Navro’zga yetdi!
Childirmani chalingiz,
Raqqosa, ayla xirom.
Bu bayram davramizda,
Barchangiz oling orom.
Olamni turfa gullarga burkab kelgan bahor ayyomi muborak bo’lsin, azizlar! Bu bahor shunchaki fasl emas, balki u har bir inson umrining bahori. Men barcha chehralarda bahor tarovatini ko’ryapman!
Bahoroy: – Navro’zjon, sen kelishing hamono yeng shimarib ishga kirishadigan va bu kunni – mehnat bayrami sifatida nishonlaydigan ajoyib insonlarni bilasanmi?
Navro’zjon: – Eng birinchisi – Dehqon bobom-da! Ana, o’zlari tashrif buyurmoqdalar!
Bahoroy va Navro’zjon jo’r bo’lishib:
– Assalomu alaykum, bobo dehqonim!
Saxovati cheksiz nurli bo’stonim!
Mehnat bayrami deb, sochdingmi doning?
Senga ta’zimdadir jumla jahonim!
Davraga dehqon libosidagi yigit ketmon (yoki boshqa ish qurolini) ko’tarib kiradi va qo’lini ko’ksiga qo’ygancha mehmonlarga salom beradi.
Dehqon bobo: – Omoch haydar tinim bilmay,
Dehqon ila qo’sh ho’kiz,
Nasibamiz butun bo’lar,
Kelsa Navro’z, bo’lsa Navro’z.
Olloh, o’zing asragin-yey,
Tegmasin hech yomon ko’z.
Momolarim ruhlari shod,
Kelsa Navro’z, bo’lsa Navro’z.
Ha azizlar, Navro’z ezgulik bayrami.
Bu kun kim nimani niyat qilsa, albatta erishadi. Katta-yu kichikning duolariga quloq tutsangiz: «dehqonchilikka baraka bersin» deya yaratgandan so’rashadi. Axir, barchaning rizqi o’sha dehqonchilikning orqasidan-da.
Bahoroy: – Dehqonchilik nafaqat insonlar, balki, qushlar, jonivorlar uchun ham rizqu-ro’z manbaidir. Iya, ana, qaranglar, qushlar uchib kelishyapti, ur-re!
Navro’zjon: – Qushlar bilan birga gullar ham yelib kelishmoqda! Ular ortidan Tol buva hassasiga tayanib kelayotir. Endi haqiqiy bayram boshlanadi, ur-re!
Bahoroy: – Ular bahor elchilari hisoblanadilar! Har yili ro’yi zaminga, mana shu yurtga fayz-baraka olib kelishadi! Qani-qani, davramizga marhabo! Xush kelibsizlar! (Chapak chalib yuboradi).
Bahor faslini tarannum etuvchi musiqa sadolari ostida o’ziga xos liboslardagi Tol buva, Boychechak, Lolaxon, Laylakboy, Turnaxon, Qaldirg`och davraga kirib kelishadi.Ular tomoshabinlar tomonga qarab egilib salom berishadi.
Bahoroy: – Xush kelibsiz, mehmonlar!
Men uchun aziz jonlar!
Mehmonlar jo’r ovozda:
– Tashakkur, senga bahor!
Barcha bo’lsin senga yor!
Boychechak: – Bahoroyim, Bahoroy!
Yuzlaring muncha chiroy!
Yurtga sen kelgan chog`da –
Olam go’zallikka boy!
Men ham sening elchingman,
neni so’ylay – tilchingman!
Lolaxon: – Men Lolaman, Lolaman!
Bir go’zal qiz bolaman.
Chiroyimga mahliyo,
men-la yosharar dunyo!
Tog`-adirda lolalar,
ko’rib quvnang, bolalar!
Laylakboy: – Qanot qoqdim, yurt kezdim,
ko’kda ko’p narsa sezdim.
O’zi bo’lib bir jahon,
yashnabdi – O’zbekiston!
Turnaxon: – Qur-ye, qur-ye, deb uchdim,
Go’yo osmonni quchdim.
Dunyoga qilib ko’z-ko’z,
Tantana qilmish Navro’z.
Qaldirg`och: – Mehrjon bayramida,
mehr ko’rib ketganman.
Ayni ko’klam chog`ida,
Murodimga yetganman.
Sog`inib keldim yana,
Navro’z bilan hamnafas.
Bizning do’stligimizga
Barcha qilishar havas.
Odamlarning uyida,
In qurishdir odatim.
Insonlarning baxti-la,
Mening ham saodatim.
Bahoroy: – Ko’pni ko’rgan chol buva,
Qani so’ylang, Tol buva,
Qandoq bayramdir Navro’z?
Bilib olurmiz so’zsiz!
Tol buva sallasini to’g`rilab qo’ygancha salmoq bilan so’zlaydi: – Meni derlar keksa tol,
misoli donishmand chol.
Haqiqatni ko’zlayman,
donolikdan so’zlayman.
Tanam bo’lsa-da qari,
Bilganim – bilmas pari!
Novdalarim har Navro’z,
Yaprog`in qilar ko’z-ko’z.
Ishga bo’lib payvasta,
Shoxlarim – ketmondasta!
Sirdoshim – bobodehqon,
Bizlar bir tanu, bir jon!
Dehqon bobo Tolning yelkasiga qoqib qo’ygancha shunday deydi: – Qari bilganni – pari bilmas,
deganlari rost. Ko’pni ko’rgan Tol buva dono fikr aytdi.O’tmishing qanchalik buyuk bo’lsa – kelajaging ham shunchalik buyukdir. Bu gap nafaqat insoniyatga, balki tabiat ila oshno bayramlarga ham taalluqli. Aytaylik, Navro’z bayrami tarixi haqida so’zlashning o’zi maroqli!
Bahoroy: – Bilganlar uchun so’zlash, boshqalarga esa
tinglash maroqli, shundaymi Laylakboy?
Laylakboy: – Bilmaganni so’rab o’rgangan – olim!
Donishmand buvamiz nima derkin?
Tol buva: – Xo’sh, Navro’z bayrami tarixidan so’ylayinmi? Bu ko’hna dunyoda biz keksa daraxtlar ko’p narsaga shohidmiz. Ha, so’ylayversam gap ko’p. Bilasiz, Shams – quyosh degani. Shu so’zdan kelib chiqqan qadim Shamsiya yili quyoshning yillik harakatiga qarab belgilangan. 21 martda kun va tun teng bo’lishini bilasiz. Buyuk ajdodlarimiz bu kunni yangi yil bayrami sifatida nishonlaganlar.To’g`rimi, Dehqon bobo?
Dehqon bobo: – Ofarin sizga, Tol buva! Shu yerda yashab o’tishgan allomalardan ko’p asarlar meros qolgan.Abu Rayhon Beruniy, Abu Ali ibn Sino, Abulqosim Firdavsiy, Umar Xayyom, Mirzo Ulug`bek, Mir Alisher Navoiy, Zahiriddin Muhammad Bobur singari buyuk ajdodlarimizning o’lmas asarlarida Navro’z bayrami haqida dono fikrlar bayon etilgan. Shoirlar nazmida, xalq og`zaki ijodida bu bayram alohida tarannum etiladi.
Tol buva: – Umar Xayyom “Navro’znoma» asarida yozishicha, kimki Navro’zni shodu xurramlik bilan bayram qilsa, yil bo’yi hayoti shodlik va osoyishtalikda o’tarkan.
Boychechak: – O’simliklar bilan tillashgan Abu Ali ibn Sinoning yozishicha, Navro’z paytida inson tanasidagi qon me’yorida aylanib, chehrasi yorisharkan. Navro’z taomlarini tanavvul qilgan inson tetik va sog`lom bo’lib yurarkan.
Bahoroy: – Abu Ali ibn Sino sumalakni obdan sovutib iste’mol qilishni tavsiya etgan.
Lolaxon: – Abu Rayhon Beruniy bobo ham Navro’z bayrami bilan bog`liq ko’plab hikmatli fikrlarini yozganlar. O’sha tongda kimki shirinlik tanavvul qilsa, yil bo’yi uning umri shirin o’tarmish.Kimki uch qoshiq asal yesa, ko’p kasalliklarga shifo toparmish.
Turnaxon: – Alisher Navoiy boboning ham nazmiy tilaklarini yodga oling: