Nizomiy nomidagi toshken davlat pedagogika universiteti qayta tayyorlov bo

Kommmunikativ ta’sir ko‘rsatish va uning samarasini oshiruvchi vositalar.
Muloqot texnikasini bilish o‘qituvchiga har bir vaziyatda o‘z hatti-harakatlarini to‘g‘ri tashkil etishiga yordam beradi. O‘zaro ta’sir uchun tanlangan noto‘g‘ri pedagogik hatti-harakat yoki noto‘g‘ri muloqot shaklini qo‘llanilishi, ya’ni muloqotga uni amalga oshirish nuqtai nazardan tayyorlanmaganlik, o‘qituvchi va o‘quvchi o‘rtasida kelishmovchiliklarga sabab bo‘lishi mumkin. Kommunikativ o‘zaro ta’sir samaradorligini oshiruvchi quyidagi vositalarga to‘xtalib o‘tamiz: muloqotga moslashish mushaklarning safarbarligi, tashabbuskorlik, rollar pozitsiyasidan oqilona foydalanish, imo-ishora, har bir fikrni oldingisiga nisbatan balandroq tovush bilan boshlash, muloqotning ko‘p qatlamligini e’tiborga olish.
Muloqotga moslashish- iborasi K. S. Stanislavskiy tomonidan kiritilgan bo‘lib, u hal etilayotgan masala va pedagogik vaziyat xususiyatiga moslashgan ruhiy mimika va pantamimika, nutq va harakat usullari sistemasini tanlab muloqot tarkibini tashkil etishni anglatadi. Insoniy muloqatning har qanday akti ob’ektga moslashlar sistemasidan iborat bo‘ladi. Professional kommunikatsiyada moslashish o‘zaro ta’sir etish samarasini oshiradi.
M. O. Knebil moslashishni "kishilar muloqotining ichki va tashqi shakli" deb tasvirlaydi, bunda u bir-biriga qo‘llaydigan ruhiy yurishlarni bir kishining ikkinchisiga ta’sir etish tanlanuvchanlik xususiyatiga ega ekanligini nazarda to‘tadi. Bu haqda A. S. Makarenko "Men beri kel" ni 15-20 ohangda aytishga o‘rganganimda, va yuz ifodam, gavda va tovushimni 20 dan ortiq, holatga solishga muvaffaq bo‘lganimdagina o‘zimni haqiqiy mahoratimni seza boshladim. SHundagina kimdir meni oldimga kelib zarur narsani seza olmasligidan qo‘rqmaydigan bo‘ldim", deb yozgan edi. Kommunikativ moslashish pedagogik muloqatda muhim rol o‘ynaydi, chunki pedagogik vaziyatlar odatda juda tez rivojlanadi va butun pedagogik jarayon harakatlanuvchi kommunikativ sistema sifatida gavdalanadi. Uni samarali boshqarish pedagog tomonidan muloqot uchun ketma-ket moslashuvlarni topa olinishiga bog‘liqdir.
YOsh o‘qituvchi o‘zida har bir yangi pedagogik vaziyatga kommunikativ moslashuvlar tizimini juda tez kirita olish malakalarini shakllantirishi zarur. Ta’sir ko‘rsatishning har bir metodi muloqatga moslashish sistemasi bilan birgalikda o‘zgacha ohang, ahamiyat, kuch va yo‘nalish kasb etadi.
Mushaklar safarbarligi- har qanday so‘zga chiqishning zaruriy shaklidar. U diqqatning bir maqsadga qaratilgani va demak, nigoh yo‘nalishi, ko‘z qarashlari, nafas olish va umuman mushaklarning umumiy safarbarligi va aynan yelka, umurtqa sistemasining ixchamligidir. Bu gavdaning ishchan holati bo‘lib uni sodir bo‘lgan va tez orada sodir bo‘ladigan to‘siqlarni yengishga tayyor ekanligidir. 
Mushaklar safarbarligi har qanday pedagogik ta’sir ko‘rsatishning dastlabki qismida ham zarur, u pedagogning muloqotda faol va tashabbuskor bo‘lishiga undaydi. Nutqli ta’sir ko‘rsatishni bolalarda aks etadigan umumiy kommunikativ holat bilan mustahkamlaydi. Mushaklar safarbarligini nutqli ta’sir etishidan ilgariroq vujudga keltirish ma’quldir. SHundagina muloqotga bolalarda ham ichki safarbarlik yaratiladi, va uning odatdagi asoslari yanada mustahkamlanadi. Bu o‘rinda notiqlar uchun quyidagi tavsiyanomani o‘qituvchilar uchun ham tegishli ekanligini eslash o‘rinlidir: minbar tomon borayotgan notiq- hozir hammaning diqqati unga qaratilishini sezadi. SHuning uchun ham, u tashqi ko‘rinishi bilan, o‘zining harakatchanligi, tinglovchilarga muhimroq axborotni aytishga tayyorligi va bunga hohishi borligini ham namoyish qilishga intiladi. Notiqning yurishida xijolat tortishi, jur’atsizligi yoki befarqligining sezilishi juda yomondir". (Kan-Kalik str. 125). Bu muloqatga tayyorgarlik ko‘rishining umumiy "tashqi" manzarasi bo‘lib, u tinglovchilarga moyillikni vujudga keltirishning eng zarur sozlovchisidir.
Pedagogik sistemada-tashabbuskorlik pedagogning eng muhim kommunikativ vazifasi sifatida namoyon bo‘ladi. Tabiiyki, tashabbus ko‘rsatish shakllari turlicha bo‘ladi. Ular hozirgi faoliyatdagi hissiyotlar va bilim jarayonida yaratiladi va pedagogik vaziyatlarni o‘zgarib turishi natijasida ular ham o‘zgarib boradi.
Pedagog tashabbuskorligi ikki ko‘rinishda bo‘lishi mumkin: a) pedagog ochiqdan - ochiq faoliyat (muloqat) tashabbuskori sifatida namoyon bo‘ladi; b) U o‘z faoliyatini yashirin tashabuskori sifatida ko‘rsatadi (o‘quvchilarda biror faoliyatga zarurat tug‘dirish. Bunda o‘quvchilar o‘zlarini tashabbuskor deb hisoblaydilar).
Muloqotda bir tomondan tashabbusni qo‘ldan bermaslik ikkinchi tomondan esa muloqotdagi moslashishlar sistemasi orqali bu tashabbuskorlikni boshqarish, unga zarur kommunikativ vaziyat shaklini berish zarur. Xuddi shu ma’noda avtoritar tashabbus bolalar tashabbusini yaratuvchi demokratik yashirin avtoritarlik deb fikr yuritish mumkin. 
Pedagogik munosabatlarning boshlang‘ich davrida kommunikativ tashabbuskorlik juda muhimdir. Pedagog sinfga nisbatan o‘ziga xos kommunikativ hujumni amalga oshirgandagina, kommunikativ ustunlikka erishishi mumkin.
Imo-ishora- pedagogik muloqotning faollashtiruvchi, uning ta’sirchanligini oshiruvchi vosita bo‘lib, u pedagog kommunikativ madaniyatining muhim qismi bo‘lib hisoblanadi. Imo-ishora ta’sir ko‘rsatishni yanada kuchaytiradi, tinlovchilarda ma’lum hissiy kayfiyat yaratadi, bayon etilayotgan axborotga nisbatan o‘qituvchining shaxsiy munosabatini bildiradi. Imo-ishora ahamiyatli va ma’nosiz kabi turlarga bo‘linadi. Agar birinchisi pedagogning nutqli kommunikatsiyasi samaradorlini oshirsa, ikkinchisi esa o‘quvchilarni muloqot jarayonining muhim vazifalaridan chalg‘itadi.
Notiq o‘z sezgilarini payqashi boshqalarni qiziqtirishning kuchli vositasi ekanligi unutmasligi zarur. Lekin, ko‘p hollarda notiq o‘z sezgilarini qanday yashirib turishiga qarab tinglovchilarni juda tez jonlantirib yuborish mumkin. SHuning uchun ham pedagogik o‘zaro ta’sir ko‘rsatishda muloqotning boshqa vositalarining ahamiyatini ham ko‘rsatib o‘tish zarur. Har bir fikrni oldingisidan balandroq tovush bilan boshlashi ham pedagogik muloqot ta’sir kuchini oshiruvchi vositadir. Bu usul muloqotda tashabbusni qo‘ldan bermaslikni, o‘quvchilar diqqatini muhim narsaga qaratishga yordam beradi va ayniqsa, yangi mavzuni tushuntirishda nutqning ta’sir etish bo‘yoqlarini rang-barang qiladi. Bu esa, darsning pedagogik samarasini yanada oshiradi. Kuatishlarning ko‘rsatishicha, materialni zerikarli (bir ohangda) bayon etish, o‘zlashtirishni 35-55 foizga kamaytirgan.
Pedagogik muloqat ijtimoiy psixologik o‘zaro ta’sir ko‘rsatishning jamoa tizimini ifodalaydi. SHuning uchun muloqatni quyidagi yo‘nalishlarda qatlamlarga ajratish mumkin:
 Pedagogning alohida o‘quvchi bilan muloqoti;
 Pedagogning alohida o‘quvchi orqali butun sinf bilan muloqati
 Butun sinf bilan bo‘lgan muloqat;
 Pedagogning butun sinf orqali alohida o‘quvchi bilan muloqati.
Pedagogik muloqotning ko‘p qatlamligini e’tiborga olish ham uning ta’sir ko‘rsatish kuchini oshiruvchi vositadir. O‘qituvchi bir vaqtning o‘zida butun sinf bilan va har bir o‘quvchi bilan, o‘quvchi orqali esa butun sinf bilan muloqotda bo‘ladi. Bir o‘quvchi bilan muloqotda bo‘lgan holda (darsda nimanidir tushuntirish, ishontirish) o‘qituvchi o‘z e’tiborini to‘la ana shu o‘quvchiga qaratib qo‘yishi mumkin emas. Darsda alohida o‘quvchi bilan muloqotni shunday tashkil etish kerakki bundan boshqa barcha o‘quvchilar ham nazardan chetda qolmasligi zarur. Faqat shundagina muloqot, pedagogik muloqot jarayoni uzviy va tizimli bo‘ladi.