Nümunə Çoxmənzilli binanın idarəetmə

«İdarəedici»nin vəzifələri:

1. 
   idarəetmə müqaviləsini imzalandığı gündən icra etmək;
   
   1. 
      çoxmənzilli binanın ümumi əmlakının sanitar və texniki təminatının həyata keçirilməsi;
      
   2. 
      çoxmənzilli binanın sahə mülkiyyətçilərinin mülkiyyət hüququnda payına uyğun olaraq ümumi əmlakın saxlanması və təmiri üzrə onların öhdəliklərinin icrasının tələb edilməsi;
      
   3. 
      ümumi əmlaka sahiblik, istifadə və sərəncam vermə hüququ ilə əlaqədar şərt və qaydaların müəyyən edilməsi zamanı çoxmənzilli binanın sahə mülkiyyətçilərinin hüquqi və qanuni maraqlarının təmin edilməsi;
      
   4. 
      üçüncü şəxslərin çoxmənzilli binanın sahə mülkiyyətçilərinin qanuni maraqlarına qarşı yönəlmiş fəaliyyətlərinin aradan qaldırılması istiqamətində zəruri tədbirlərin həyata keçirilməsi;
      
   5. 
      müəyyən olunmuş məcburi haqların çoxmənzilli binanın sahə mülkiyyətçiləri tərəfindən təyin olunmuş vaxtda ödənilməsinə nəzarətin təşkil edilməsi;
      
   6. 
      müvafiq il üçün gəlir-xərclər smetasını və maliyyə-təsərrüfat fəaliyyəti üzrə hesabatın hazırlanması və sahə mülkiyyətçilərinin ümumi yığıncağında baxılması üçün təqdim edilməsi;
      
   7. 
      çoxmənzilli binanın idarə edilməsi üzrə şəffaflığın təmin olunması üçün mühasibat-uçotu, kargüzarlıq, statistika və digər zəruri işlərin təşkil edilməsinin həyata keçirilməsi;
      
2. 
   kənardan alınan xidmətlər əsasında çoxmənzilli binanın sahə mülkiyyətçilərinin kommunal xidmətlər ilə təmin olunmasını təşkil etmək;
   
3. 
   təsdiq edilmiş plana uyğun olaraq çoxmənzilli binaya, mühəndis sistemlərinə və avadanlıqlara texniki baxışı vaxtında təmin etmək, cari təmirini həyata keçirmək;
   
4. 
   çoxmənzilli binanın sahə mülkiyyətçilərinə cari təmir üzrə xidmətlərin göstərilməsi zamanı müvafiq qanunvericiliyin tələblərinə əməl etmək;
   
5. 
   çoxmənzilli binanın saxlanması və təmiri üzrə maliyyə xərclərinin tənzimlənməsini həyata keçirmək;
   
6. 
   çoxmənzilli binanın sahə mülkiyyətçilərini (və ya onların seçilmiş nümayəndələrini) mövcud tariflərin dəyişməsinə səbəb olan hallar barədə əvvəlcədən məlumatlandırmaq;
   
7. 
   qəza-dispetçer xidmətinin fasiləsiz fəaliyyətini təşkil etmək;
   
8. 
   çoxmənzilli binanın sahə mülkiyyətçilərinin razılığı və sığorta müəssisəsi ilə bağlanmış müqavilə əsasında yaşayış və qeyri-yaşayış sahələrinin sığortalanmasını həyata keçirmək, sığorta haqlarını yığmaq və bununla bağlı digər məsələləri həyata keçirmək;
   
9. 
   çoxmənzilli binanın idarə edilməsi ilə bağlı görülmüş işlər barədə sahə mülkiyyətçilərinə (və ya onların seçilmiş nümayəndələrinə) hər rüb üçün həmin rübdən sonrakı növbəti ayın 20-dək gəlir və xərclərə dair hesabat təqdim etmək;
   
10. 
    mövcud qanunvericilikdən irəli gələn digər vəzifələr.
    

3.