Оёқ панжаси. Gulmanov Ilich Djumabaevich. Toshkent tibbiyot akademiyasi

Katta boldir nervi
(n. tibialis) tovon kanali ichida medial va lateral oyoq kafti 
nervlariga (n. plantaris medialis et n. plantaris lateralis) bo‘linadi. 
Medial oyoq kaft nervi
(n. plantaris medialis) shu nomli arteriya bilan birga 
joylashadi, bosh barmoqni uzoqlashtiruvchi muskulga, bosh barmoqni bukuvchi kalta 
muskulga, barmoqlarni bukuvchi kalta muskulga va ikkita medial chevalchangsimon 
muskullarga tarmoqlar beradi, shuningdek umumiy oyoq kaft nervlarini (nn. digitales 
plantares communes) hosil qiladi, ular o‘z navbatida, xususiy oyoq kaft nervlariga (nn. 
digitales plantares proprii) ajraladi; bu nervlar birinchi uchta barmoqning va IV 
barmoqning yarmi kaft yuzasini innervatsiya qiladi. 
Lateral oyoq kaft nervi
(n. plantaris lateralis) shu nomli arteriya yonida 
joylashadi, oyoq kaftining kvadratsimon muskulini, jimjiloq muskullarini, ikkita lateral 
chuvalchangsimon 
muskullarni, 
suyaklararo 
muskullarni, 
bosh 
barmoqni 
yaqinlashtiruvchi muskulni innervatsiya qiladi, bulardan tashqari nervdan r. 
supetficialis n. plantaris lateralis chiqadi, undan o‘z navbatida umumiy barmoq nervlari 
(nn. digitales plantares communes hosil bo‘lib, keyinchalik xususiy barmoq nervlari nn. 
digitales plantares proprii yuzaga keladi; ular jimjiloqning kaft yuzasini va IV 
barmoqning lateral qismi terisini innervatsiya qiladi. 
Limfa suyaqligi 
oyoqning kaft sohasidan yuza venalar bo‘ylab joylashgan 
limfatik tomirlar orqali oqib ketadi. Oyoq panjasining medial cheti limfatik tomirlari 
oyoqning katta teri osti venasi bo‘ylab chov limfatik tugunlariga etib keladi. Oyoq 
panjasining tashqi yuzasi limfa tomirlari oyoqning kichik teri osti venasi bo‘ylab taqim 
osti limfatik tomirlariga qo‘shiladi.